بِسْـــمِ اللهِ الرَّحْمٰـــنِ الرَّحِيـــم
Мустаҳкам оила-жамият таянчи

Ўзбекистон республикаси президенти Ислом Каримовнинг 2012 йил 27-февралдаги қарори билан тасдиқланган "Мустаҳкам оила йили" давлат дастурининг 85- банди ижросини амалга оширишлик йўлида "Мустаҳкам оила-жамият таянчи" танлови нихоясига етди.

Шу муносабат билан Тошкент Фотосуратлар уйида мазкур танлов ғолиблари ва совриндорларига мукофотларни топшириш маросими ва фотокўргазма ташкил этилди. Танловга "Мустаҳкам оила-жамият таянчи" деган туйғуни ҳалқимиз, айниқса, ёшлар қалбига ва онгига сингдириш, мустақиллик йилларида оилаларни Мустаҳкам лаш борасида эришилган ютуқлар ва амалга оширилаётган кенг кўламли ишларнинг мазмун-моҳиятини жамоатчиликка етказиш, "Мустаҳкам оила йили" давлат дастури аҳамиятини ҳамда ушбу ҳужжат ижроси доирасида амалга оширилган ишларни кенг ёритишга бағишланган саккиз юздан ортиқ мақолалар ва фотосуратлар тақдим этилди.

Изоҳ: Ўзбекистонда Каримовнинг ташаббуси билан 1997 йилдан бошлаб йилларга ном бериш одати жорий қилинган. Ҳар йили муайян ном билан йилларни номлаб, мана шу номланган йилларга мувофиқ расмиятчилик ва фуқароларни турли хил тадбир ва йиғилишлар орқали мана шу ўйлаб топилинган нарсаларга етаклашликка ҳаракат қилишлик Ўзбекистонда одатий холга айланган. Ўтиб бораётган 2012 йилни ҳам "Мустаҳкам оила йили" деб номлаб Ўзбекистонда оилани "Мустаҳкам лаш" учун қоғозда катта ишлар амалга оширилди.

Жумладан, оилани мустаҳкамлашлик учун ва бу йил ажралишлар кам бўлишлигини таъминлашлик мақсадида оилани бузулишлигига сабабчи бўлганларни жаримага тортишлик орқали имкони борича бу йил ажралишларни камайтиришга ҳаракат қилмоқда. Нихоясига етган "Мустаҳкам оила-жамият таянчи" танлови ҳам шу йилги давлат дастурига киритилган ишлардан бири бўлиб, бу орқали жамиятда таянч барпо қилишликка ҳаракат қилинди.

Демократия- жамиятга тариф берганда, жамият шахслардан таркиб топади деб, барча эътиборини шахсга қаратади. Уларнинг эътироф этишича шахс ривожланса- жамият ривожланади. Шунинг учун ҳам улар барча эътиборни шахсга қаратишади. Демократияни бу кўзқараши ҳатто бўлиб, шахс ҳеч қачон бир ўзи жамиятга таъсир ўтказа олмайди. Ҳудди шу каби, оила мустаҳкам бўлиб ундаги тарбия ва аҳлоқ яхши бўлсада, аммо жамиятдаги воқелик ва ахлоқ тубан даражада бўлса шахс жамиятга эмас, аксинча жамият шахсга таъсир ўтказади.

Масалан; сиз фарзандизга яхши тарбия берсангиз уни номусли, ҳаёли қилиб тарбияласангизу жамиятда бўлса, бузуқлик ва фирибгарлик кенг ёйилган бўлса, фарзандингиз бу жамиятдан таъсирланишлиги табиийдир. Шунинг учун ҳам бугунги кунда оила мустаҳкам ва жамият барқарор бўлишини хоҳлайдиган бўлсак, одамлардаги фикрлар, туйғулар ва уларга татбиқ қилинаётган қонунларни ўзгартиришлик зарур бўлади. Чунки жамият бу шахслардан эмас, балки улар кўтариб юрган фикр, туйғу (розилик ва норозилик) ва уларга татбиқ қилинаётган қонунлардан ташкил топади.

Бугунги кунда Каримов рахнамолигида ёшларни бузишлик учун ватанпарварлик, миллатчилик ва демократия фикрларидан кенг фойдаланиб келиняпти. Аммо, Ўзбекистондаги мусулмонларнинг туйғулари исломий бўлганлиги сабабли, бу тарғиб қилаётган фикрлар мустаҳкам жамиятни барпо қилишликни ҳеч қандай имкони йўқ.

Мустаҳкам жамиятни барпо қилишлик учун эса, Ўзбекистон аҳолисининг аксар қисмини ташкил этувчи мусулмонларнинг қабул қилган ақидаси, шу ақидасига мувофиқ бўлган туйғуси ва ақидасидан келиб чиқадиган қонунларини ҳаётга татбиқ қилишлик зарур бўлади.
 

Салохиддинов Али