بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Мустамлакачи АҚШнинг вайронагарчилиги камлик қилаётганмиди, мустамлакачи Хитойники қўшимча бўлмаса?!

Покистон бош вазири Навоз Шариф 2017 йил 15 май куни Хитойда бўлиб ўтган «Бир белбоғ ва бир йўл» форумини ғоят юқори баҳолади. Форумда Хитой ўзи билан Покистон ўртасидаги иқтисодий йўлакни бир неча бор олқишлаганидан сўнг, ўзининг минтақадаги мустамлакачилик сиёсатига тарғиб қилди. Кейин Покистонда Хитой билан бўлган шартнома лойиҳаси тафсилотларига нисбатан норозилик намойишлари аланга олгач, ҳукумат якуний шартнома ҳали тўла битгани йўқлиги, унга ўзгартиш киритилгандан сўнг шу ойнинг охирида имзоланиши кутилаётгани билан жавоб қилди. Бажу-Навоз режими лойиҳа тафсилотлари ҳақида хотиржам бўлишга ҳарчанд чақирмасин, лойиҳа қўмитасининг кенг кўламли тавсиялари принципларига нисбатан ҳеч қачон хотиржамлик ҳисси пайдо бўлмайди, зотан, режимнинг ўзи ҳам бу кўрсатмаларнинг амалда ижро этилаётганини тан олди.

Табиийки, ташқи сиёсатни ёки иқтисодни биладиган ҳар қандай раҳбарият, Хитойни мусулмонлар учун, исломий ўлка учун дўст давлат, деб ҳисобламайди. Чунки у ичкарида мусулмонларга зулм қилаётган, ташқарида душманлик қилаётган давлатдир. Бу унинг Шарқий Туркистон мусулмонларига кўрсатаётган ваҳшиёна муносабатларидан яққол маълум. Уларни масжидга киришдан, Рамазонда рўза тутишдан, муслималарнинг шаръий либос кийишларидан, эркакларнинг соқол қўйишларидан ман қилмоқда, ҳатто мусулмонларнинг ҳабибимиз Росулуллоҳ САВга қиёсан ўз фарзандларига Муҳаммад, деб исм қўйишларига ҳам рухсат бермайди. Хитой йирик мустамлакачи давлатларнинг исломий оламга қарши лойиҳаларини сиёсий жиҳатдан қўллаб-қувватлайди. Унинг ўзи ҳам, Россия, Британия ва АҚШ сингари фақат ўз манфаатини ўйловчи давлат. Энди Янги Ипак йўли лойиҳасини олқишланишига келсак, бу фақат Хитойга фойда келтирадиган шартнома бўлиб, унинг ёрдамида Хитой ўз саноатида Покистон ресурсларидан фойдаланади, маҳсулотларини Покистон бозорларида сотади.

Покистонга Хитой томонидан туғилажак хавф-хатарга келсак, Янги Ипак йўли лойиҳаси Хитойга Покистондаги асосий ресурсларни эгаллаб олишига имкон беради. Ютқазувчи томон Покистон бўлган бу ўйин Покистонни судхўрликка асосланган ташқи кредитлар ботқоғига ботирди, бошқа халқаро кучлар ва мустамлакачи муассасалардан бўлган қарзларига яна қарз бўлди… Бу лойиҳа орқали Покистон режими фақат импортга ва хитойлик ишчи кучига таянишга қарор қилди, бу эса шундоқ ҳам узоқ йиллардан бери қийин аҳволда келаётган қишлоқ хўжалиги ва маҳаллий саноатни бутунлай ўтиргизиб қўйиши мумкин. Тўғри, импортга таянишда Покистонга ҳам бир нарса қолади ва бу атиги ушоқ қадар бўлади, холос… ҳатто шу ушоқлардан ҳам фақат Бажу-Навоз режими фойдаланади, Покистонга умуман ҳеч нарса тегмайди.

Покистондаги улкан имкониятларга қарамай, бу режим суқланиб, сўлаги оқиб турган ажнабий кучларга юртни қўйиб берди. Шунинг учун мусулмонлар бундай омадсиз раҳбарларга қарши чиқиш ва ажнабий кучларга қарамлик даврига бутунлай чек қўювчи лойиҳага ҳаракат қилмоқлари вақти келди. Албатта, бу Пайғамбарлик минҳожи асосидаги рошид Халифаликни барпо этиш лойиҳасидир. Фақат ушбу лойиҳа амалга ошсагина мусулмонлар бугунги исломий ўлкаларни битта давлат сифатида бирлаштириш, улар ўртасида транспорт, алоқа ва энергетика йўлларини қуриш каби турли услублар билан кучли халққа айлана оладилар. Бундан ташқари, рошид Халифалик давлати ажнабийлар технологияси ва сармояларига таяниш ўрнига, ўзининг қудратли оғир саноатини бунёд этади, ҳатто бутун дунёга етакчи давлатга айланишига имкон берувчи кучли иқтисодиёт бино қилади.

Эй Покистон қуролли кучлари сафидаги холис зобитлар!

Қаранг, Бажу-Навоз режимидагиларни, чўнтакларини қаппайтириб олиш учун мустамлакачиларга юрт бойликларини қўш қўллаб топширишяпти. Аммо сизга нисбатан олганда, бу режим Хитой режаси хавфсизлигига қўриқчи қилиш билан қадрингизни пастга урди… Аслида, Исломдаги ролингиз, Ислом ва мусулмонларни барча динлар устидан ғолиб қилиш сари сафарбар бўлишдан иборат. Эсланг, Халифалик замонида қандай қуролдошларингиз бўлган, эсланг саркарда Қутайба ибн Муслим Боҳилийни, у Шарқий Туркистонни фатҳ қилади, аскарларига етакчилик қилиб, Хитой дарвозалари олдида тўхтайди ва то Хитой тупроғини топтамагунича қайтиб кетмасликка онт ичади. Хитой императори бундан хабар топгач, қўрққанидан тиззалари қалтираб қолади… дарҳол мусулмонлар саркардасига жизя тўлаш учун делегация юборади, ичган онтини оқласин деган мақсадда саркардага оёқлари билан депсашга бир уюм тупроқ юборади, ўз муҳрини босиб берсин учун унга подшоҳлар фарзандларидан юборади. Ҳа, Халифалик замонида исломий қуролли кучлар роли мана шундай бўлган. Хўш, сиз зобитларимиз Пайғамбарлик минҳожи асосидаги Халифаликни барпо этиш учун Ҳизб ут-Таҳрирга нусрат-ёрдам бериб, ўша ансорийлар ва буюк саркардалар тарихини қайтармайсизми, куч-қудратингизни тил бириктирувчи раҳбарлар ва уларнинг мушрик худосиз иттифоқчилари фойдасига сарфлаш ўрнига, Ислом ва мусулмонлар хизматига сарфламайсизми?!

Аллоҳ Таоло бундай деди:

مَّا يَوَدُّ الَّذِينَ كَفَرُوا مِنْ أَهْلِ الْكِتَابِ وَلَا الْمُشْرِكِينَ أَن يُنَزَّلَ عَلَيْكُم مِّنْ خَيْرٍ مِّن رَّبِّكُمْ ۗ وَاللَّـهُ يَخْتَصُّ بِرَحْمَتِهِ مَن يَشَاءُ ۚ وَاللَّـهُ ذُو الْفَضْلِ الْعَظِيمِ

«На аҳли китоблар (яҳудий ва насронийлар)дан бўлган кофирлар ва на мушриклар сизга Роббингиз тарафидан бир яхшилик тушишини истамайдилар. Аллоҳ эса раҳмат-марҳаматини ўзи хоҳлаган кишиларга хос қилиб беради. Аллоҳ буюк фазлу карам соҳибидир»             [Бақара 105]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com