Мусулмонлар битта Умматдирлар
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Мусулмонлар битта Умматдирлар
Шариат Сайкс-Пико қурган чегаралар устидан Халифалик давлатини барпо қилишга буюради
Жазоир билан Марокаш режимлари Америка малайи Башар Асад режими жаҳаннамидан қочиб келган суриялик қочқинлар тақдири билан ҳамон ўйнашмоқда. Куни кеча Башарнинг Абиҳдаги жиноятларини яширган Америка, бугун унга бутун қуролларини ишга солиб, қатли ом қилишига, жумладан, фуқароларни қамал қилиб, қочқинга айлантиришига имкон яратмоқда. Кимда-ким Американинг бу малайига қуллик қилишни истамаса, ўлим танловига ёки саломат қолиш учун – агар саломат қололса – саҳро ва денгизларга қочиш танловига дуч келмоқда.
Лекин Туркия, Ливан, Иордания, Форс Кўрфази давлатлари ҳукмдорлари эса, бу бечора қочқинларга босим қилиб, дурустроқ ҳаёт кечиришларига йўл беришмаяпти. Яқинда шов-шув бўлган хабарларга кўра, Жазоир билан Марокаш эркак, аёл ва болалардан иборат суриялик қочқинлар масаласида бир-бирларини айблаб, ўзаро айтишишди, иккала томон ҳам қочқинлар олдидаги масъулиятдан суғурилиб олиб, барчаларини Фижиждаги икки давлат ўртасидаги чегара минтақага ташлаб қўйишди. Марокашнинг Жазоир билан бўлган жанубий шарқида жойлашган бу ҳудуд 1994 йилдан бери ёпиқ туради.
Бу ҳодисалар ҳукмдорларимиз пешонасига тушган шармандалик тамғасидир. Бу Аллоҳ Субҳанаҳунинг мусулмонлар бошқа инсонларсиз битта Уммат бўлишларига оид буйруғига ҳам, мусулмон мусулмон биродарига ёрдам бериши таъкидланган шаръий ҳукмга ҳам зид. Чунки мусулмон исломий юртларга бегона эмас, Ислом миллатчиликка асосланган чегаралар бўлишини ҳаром қилган. Бу чегараларни мустамлакачи Ғарб зўрлаб ўтказган бўлса, ҳукмдорлар «чегарадан ноқонуний ўтиш», деган нарсани дастаклаб, бу чегараларни хавфсизлик кучлари ва армиялари ёрдамида темиру олов билан мудофаа қилишмоқда. Сайкс-Пико қонунлари бўйича «чегарадан ноқонуний ўтиш» жиноят ҳисобланади ва мусулмон ўз заминида, диёрида бегона бўлиб қолади. Бу ювиндихўр ҳукмдорлар эса, мусулмонлар юртларидаги бойликларни Ғарб ширкатларига талаш учун қўйиб беришмоқда, мусулмонлар бошларидан бомба ёғдиришлари учун салибчи кучларнинг ҳарбий самолётларига ўз ҳаво бўшлиқларини очиб беришмоқда, уларнинг пиёда ва денгиз кучлари учун ҳарбий базалар очиб бериб, ўша базалардан турли баҳоналар остида Афғонистондан то Марокашга қадар барча исломий юртлардаги мусулмонларга зарбалар йўллашларига қўйиб беришмоқда…
Саҳиҳ ҳадисда Росулуллоҳ САВнинг ушбу сўзлари ривоят қилинган:
«اَلْمُسْلِمُ أَخُو الْمُسْلِمِ لاَ يَظْلِمُهُ وَلاَ يُسْلِمُهُ، وَمَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ، وَمَنْ فَرَّجَ عَنْ مُسْلِمٍ كُرْبَةً، فَرَّجَ اللَّهُ عَنْهُ كُرْبَةً مِنْ كُرُبَاتِ يَوْمِ القِيَامَةِ، وَمَنْ سَتَرَ مُسْلِمًا سَتَرَهُ اللَّهُ يَوْمَ القِيَامَةِ»
«Мусулмон мусулмоннинг биродаридир, унга зулм қилмайди, уни душманга топшириб қўймайди. Ким биродарининг ҳожатини чиқарса, Аллоҳ унинг ҳожатини чиқаради, ким битта мусулмонни ғамдан қутқарса, Аллоҳ уни қиёмат кунги ғамлардан биридан қутқаради, ким битта мусулмоннинг айбини яширса, Аллоҳ уни қиёмат куни айбини яширади».
Эй Жазоир ва Марокашдаги аҳлимиз!
«Вожибни адо этиш учун зарур бўлган нарса ҳам водибдир», деган шаръий қоида бор. Шариат сизларга биродарларингизга бошпана бериш ва ёрдам кўрсатишни буюради. Шу билан бирга, мустамлакачилар ўрнатган чегараларни вайрон қилиб, ўз дини билан фахрланадиган, шариат билан бошқариладиган қайта битта Умматга айланишни, мўмин мўминга мададкор бўлишини ва саҳиҳ ҳадисда келгани каби, гўё бир-бирларини тираб турадиган бино каби бўлишга буюради. Бу малай ҳукмдорлар Аллоҳ шариатини татбиқ қилишга тўсқинлик қилиб, Ғарбнинг юртларимиздаги манфаатларини қўриқлашга зўр бериб ҳаракат қилишса шариат уларни ағдаришга ва рошид имом-халифага байъат беришга буюради. Ушбу халифа туну кун бедорлик билан ичкарида шариат аҳкомларини татбиқ этади, мустамлакачи давлатларнинг бойликларимиз ва юртларимизга кўз олайтиришларига қарши қалқон бўлади.
Абу Бакр Сиддиқ РА айтадилар: мен Росулуллоҳ САВнинг бундай деганларини эшитгандим:
«إِنَّ النَّاسَ إِذَا رَأَوْا الظَّالِمَ فَلَمْ يَأْخُذُوا عَلَى يَدَيْهِ أَوْشَكَ أَنْ يَعُمَّهُمُ اللَّه بِعِقَابٍ مِنْهُ»
«Агар одамлар золимни кўра-била туриб, қўлидан ушлаб қолмасалар, Аллоҳ Ўз ҳузуридан барчаларига ёппасига азоб бериши мумкин». Бас, бу золим ҳукмдорлар қўлидан тутиб, юзларига ҳақ сўзни очиқ айтинг, уларга Аллоҳ шариатини барпо этиш жавобгарлигини юкланг. Агар бундай қилмасалар, у ҳолда, уларни ўзгартириш ва Пайғамбарлик минҳожи асосидаги Халифаликни барпо этиш учун фаолият қилаётганларга қўшилиб фаолият қилинг.
Усмон Баххош
Ҳизбут Таҳрирнинг
марказий матбуот бўлими раиси
