Мусулмонларни зулм ва зўравонликка қарши қўзғаш кампанияси
Хабар ва изоҳ
Мусулмонларни зулм ва зўравонликка қарши қўзғаш кампанияси
بسم الله الرحمن الرحيم
Хабар: Жорий йилнинг 4 июл куни Тошкентда 23 нафар собиқ сиёсий маҳкумлар устидан суд ҳукми ўқилди. Улардан 15 нафарига 7 йилдан 14 йилгача озодликдан маҳрум қилиш ва жазони махсус тартибли колонияда ўташ белгиланди. Қолганларига эса 5 йилгача озодликни чеклаш жазоси тайинланди. Ушбу 15 нафар йигитга ўқилган ҳукмлар қуйидагича: Маҳмудов Дилмурод, Тўлаганов Мирзоҳид ва Ахунжанов Умидларга 7 йилдан, Раҳматов Анвар, Мирзааҳмедов Отабек, Алимаҳмудов Азиз, Низамов Мурод ва Мамуров Дилмуродларга 12 йилдан, Абдуллаев Забихулло, Ҳикматов Фахриддин, Юлдашев Анваржон, Мирзааҳмедов Машраб, Ашрапов Садриддин ва Шамсиев Олимларга 13 йилдан, Фозилбеков Давронбекка 14 йил. Бундан ташқари, мамлакатнинг турли вилоятларидан яна 19 нафар собиқ сиёсий маҳкумлар қўлга олиниб, пойтахт Тошкентга олиб келинган ва ҳозирда улар устида тергов амалиёти кетмоқда.
Изоҳ: Ҳозирда судлари тугаб, узоқ йилларга озодликдан маҳрум қилинган ушбу йигитлар ҳам, ишлари терговда кўрилаётганлар ҳам Каримов режимининг зулм машинаси қурбонлари бўлишган. Ҳизб ут-Таҳрир йигитлари соф Исломий даъватни юртимиз мусулмонларига етказа бошлаганлари мусулмонларга нисбатан чуқур адовати билан танилган қонхўр Каримов ва унинг ўша вақтдаги Америкалик хожаларига ёқмади. 1999 йилда Тошкентда давлатнинг ўзи томонидан уюштирилган портлашлардан сўнг минглаган Ҳизб ут-Таҳрир йигитлари қўлга олиниб, узоқ йиллик қамоқ жазоларига ҳукм қилинди. Юқорида тилга олинган йигитлар ҳам шулар жумласидан. Масалан, 14 йиллик қамоқ жазосига ҳукм қилинган Фозилбеков Давронбек аввалда умрининг навқирон 21 йилини оғир шароитли қамоқларда ўтказган. Шунингдек, Шамсиев Олим 19 йил, Ҳикматов Фахриддин 19 йил, Мирзааҳмедов Отабек 20 йил, Маҳмудов Дилмурод 19 йил, Мамуров Дилмурод 22 йил умрини оғир шароитли қамоқхоналарда ўтказишган ва уларга ўша йиллар давомида бир неча бор янги муддатлар қўшиб берилган…
Каримов режими даврида қамалган бу минглаган беайб йигитларга нисбатан тергов пайтларида ва сўнгра қамоқларда ақл бовар қилмас даражадаги руҳий ва жисмоний қийноқлар қўлланган. Масалан, гуруҳ бўлиб калтаклаш, орқасига дубинка тиқиш, тирноқ остига игна санчиш, кўкрак учини тирноқолгичда кесиш, танага қайноқ сув қуйиш, соатлаб қимирламайдиган ҳолда темир каравотга боғлаб қўйиш ва ҳоказо. Бундай жирканч ва ғайриинсоний қийноқлар ўша вақтда энг ашаддий жиноятчиларга, ҳатто одам ўлдириб тушганларга ҳам қўлланган эмас. Энди бу мазлум мусулмонларни намоз ва рўза каби ибодатларни адо этишларидан мунтазам ман қилиб келингани эса алоҳида катта мавзу. Булардан мақсад – Аллоҳнинг динини олий қилишдек вожиб амалдан қайтариш, Ҳизб ут-Таҳрирдан узоқлаштириш, Ҳизбни ҳақоратлаш ва ҳатто унга қарши хиёнат қилишга мажбурлаш бўлган. Гўё шу билан улар “ёт ғоялар” таъсиридан чиқиб, “тўғри йўл”га қадам қўйганликларини исботлаш керак бўлган.
Шуни алоҳида таъкидлаш керакки, бу ишда Каримов режимига хизмат қилувчи ёлланма имом-домлаларнинг ҳам алоҳида роли бор. Бу имом-домлалардан ташкил қилинган гуруҳлар Ўзбекистондаги қамоқларда Ҳизб аъзолари билан яккама суҳбатлар ўтказишар, “нотўғри йўл”дан қайтишга ундашар, улардан қайси бирлари қайтишга мойилу қанчаси ҳали ҳам “қайсарлик” қилаётгани борасида батафсил ҳисоботлар тайёрлаб, керакли идораларга топширишар эди… Бу орада қанчадан-қанча Ҳизб аъзолари айнан ўшаларнинг суҳбатларидан кейин қўлланган шафқатсиз қийноқлар ортидан шаҳид бўлишган. Уларнинг жонсиз ва қийноқдан қорайиб кетган таналарини оилаларига топширилиб, зудлик билан ими-жимида дафн қилиб юборишга мажбур қилишган… Бу билан қаттол Каримов режими ўз жиноятларини яширмоқчи бўларди. Ҳа, бу режимнинг зулму зўравонлиги ортидан қанчадан-қанча оилалар пароканда бўлди, минглаган тақволи, пок мусулмонларга “ватан хоини”, “халқ душмани”, “экстремист”, “террорист” каби ҳунук номлар ёпиштирилди…
Бундай мисли йўқ зулму зўравонликларни яна Ислом уммати ёдига солишдан мақсад шуки, сўнгги пайтларда Мирзиёев ҳукумати ҳам аввалги режим йўлини тутишни бошламоқда. Ўзбекистон ҳукуматининг бундай разил ишга қўл ураётганига сабаб, анави “катта оға”лари бўлмиш Россия ва Америка каби мустамлакачи давлатларни рози қилиш эканлигига шубҳа йўқ. Зеро, Ҳизб ут-Таҳрир ташкил топганидан бери уларнинг томоғига тиқилган суяк каби бўлиб қолмоқда. Шунинг учун улар мусулмон юртларидаги малайларидан Ҳизбни ёмонотлиқ қилиб, унга қарши давомли курашни талаб қилиб келишади. Чунки Ҳизб Ислом умматини иккинчи Рошид Халифалик давлатини тиклаш орқали Исломий ҳаётни қайта бошлашга чақирмоқда. Албатта, халқаро майдонда бундай кучли мабда-мафкурага эга давлатнинг пайдо бўлиши капитализм мустамлакачилигига асосланган бугунги халқаро тизим илдизига болта уради. Кофир мустамлакачи давлатларнинг бой Исломий юртларимизга чирмашиб олган қон томирларини чопиб ташлайди. Хусусан, Муборак Фаластин заминидаги яҳуд вужудини илдизи билан қўпориб ташлаб, Ғазо ва Ақсони озод қилади…
Демак, Ўзбекистонда аввалги режимнинг зулм машинаси яна қайта ишга тушишига асло йўл қўйиб бўлмайди. Бас, етар! Мусулмон халқимиз ва бутун Ислом уммати зулму зўравонликларга қарши “Бас, етар!” дея жавоб бериш вақти келди! Яна оилаларнинг пароканда бўлишига, пок ва тақволи кишиларнинг ёлғону туҳматлар билан узоқ йилларга қамалиб кетишларига қарши овозларни баландроқ кўтаринг! Ҳизб ут-Таҳрирнинг ““ВОО УММАТИМОО!!!” Ўзбекистондаги фикр маҳбусларидан нидо!” шиори остидаги оламий кампаниясига қўшилинг! Уни қўллаб-қувватланг ва мазлумларни ҳимоя қилинг!
Ўзбек режими ва унинг қўл остидаги диний идора, суд-ҳуқуқ тизими, хавфсизлик кучларидаги барча катта-кичик лавозим эгаларига шуни яна бир бор эслатамизки, ушбу мазлумларга етказилган ҳар қандай озорнинг оқибати икки дунё хору зорлигидир! Пайғамбаримиз ﷺ айтганларидек, “Зулм Қиёмат кунининг зулматидир!” Бас, бу зулмлардан тийилинглар! Ва Аллоҳ таолонинг мана бу сўзини тадаббур қилинглар:
وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
– “Золим кимсалар, яқинда қандай оқибатга қараб кетаётганларини билиб қолурлар”. (Шуаро:227)
Шуни унутмангки, ҲАҚ гарчи бироз ўтиб бўлса ҳам, албатта, ғолиб бўлади. Зулм ва зўравонлик эса, шармандаларча мағлуб бўлади!
كَتَبَ اللهُ لَأَغْلِبَنَّ أَنَا وَرُسُلِي إِنَّ اللهَ قَوِيٌّ عَزِيز
– “Аллоҳ (Лавҳул-Маҳфузда): “Шак-шубҳасиз Мен Ўз пайғамбарларим билан бирга ғолиб бўлурман”, деб ёзиб қўйгандир. Албатта, Аллоҳ энг кучли, энг қудратлидир”. (Мужодала:19)
Ҳизб ут-Таҳрир марказий медиа офиси радиоси учун Ислом Абу Халил – Ўзбекистон
