بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Тинчлик сўзлашувлари

Мусулмонларнинг болалари ва аёлларига қарши даҳшатли қирғин содир этилмоқда!!

Ҳалаб шаҳрининг Сакарий маҳалласидаги Аза лагерини нишонга олган Сурия режими учоқлари 26 нафар тинч фуқаро қурбони бўлган навбатдаги қирғинни содир этди. Шаҳид бўлганлар, жароҳатланганлар орасида болалар ва аёллар бор… Бу маҳалла бир кун аввал заҳарли хлор гази билан нишонга олинган ва унда 100га яқин инсоннинг нафаси бўғилиб, уларга зарур жиҳозларга ҳам эга бўлмаган тиббий пунктда биринчи ёрдам кўрсатилган эди.

Бундан ташқари, айни маҳаллага салибчи кучлар учоқлари чоршанба куни кетма-кет ҳаво ҳужумларини амалга оширган. Бу ҳужумларда 40дан зиёд инсон шаҳид бўлди, 57 нафари жароҳатланди. Қурбонларнинг асосий қисми аёллар ва болалардир. Бундан ташқари бир неча уй-жойлар вайрон этилди.

АҚШ ва Россия ўртасида Суриядаги бўҳроннинг сиёсий ечимини топиш учун шошилинч ҳаракатлар бўлаётганига қарамай, қамалдаги Ҳалаб маҳаллаларида учоқларнинг ҳаво ҳужумлари ва режимнинг бомбардимонлари тинимсиз давом этмоқда. Улар – ўртача ечими ҳалигача топилмаган бир қанча масалалар борлигига дунёни ишонтирмоқчи бўлишяпти! Масалан, пайшанба куни Россия ташқи ишлар вазирлиги берган хабарга кўра, Россия ташқи ишлар вазири Сергей Лавров ўзининг америкалик ҳамкасби Жон Керри билан «Суриядаги фаол террористик жамоаларни мағлуб этиш учун икки давлат ўртасида бўлажак эҳтимолли ҳамкорлик» масаласини муҳокама қилган… Айни пайтда ҳар икки томон ҳам Сурия бўйича ягона келишувга етиб бормаган. Гўё АҚШ идора қилиб турган тил бириктирув доирасида келишиб олган бу икки давлат келишолмаётгандек.

قَاتَلَهُمُ اللَّـهُ ۚأَنَّىٰ يُؤْفَكُونَ

«Уларга Аллоҳнинг лаънати бўлсин, қандай адашмоқдалар-а!» [Тавба 30]

Дарҳақиқат, ҳар сафар Россия билан АҚШ ва унинг малайлари ўртасида учрашувлар, сўзлашувлар қайта бошланиши биланоқ, ҳаво зарбалар кенг кўламда кўпаядиган, қурбон бўлган аёллар ва болалар сони ошадиган бўлиб қолди. Мана, қўзғолон бадалини илгари Ҳимс ва унинг четидаги маҳаллалар ва Шом Маззамияси тўлаган бўлса, энди, Ҳалаб тўламоқда. Зеро, бу қўзғолон «Аллоҳ учун», деб бошланганди ҳамда етакчимиз тоабад, саййидимиз Муҳаммад, дея ҳайқирганди. Энди бўлса, Қўзғолоннинг Исломларини қизғанувчи, номусларини ҳимоя қилувчи кишилари террористлар, дейилмоқда, дунёдаги бир-бирига қарши курашадиган, низолашадиган давлатлар иттифоқчи бўлиб қолишди, бу манзара исломий юртлар ҳукмдорларининг кўз ўнгларида содир бўлмоқда. Бу ҳукмдорлар ўз юртлари ҳаво бўшлиқларини салибчилар учоқларига мусулмонларни қатли ом қилишлари учун очиб беришмоқда, ўз бурчларини арзонгаровга пуллашиб, беҳисоб сиёсий маблағлар тўкишмоқда, ҳатто Сурия болалари ва аёлларининг оқаётган қонларига нисбатан шармандалик позициясини эгаллашмоқда…

Бу ҳукмдорлар мусулмонлар қонини сариқ чақалик ҳам қадрлашмайди. Мана, Туркия ҳукмдорлари, Суриядаги гўдаклар йиғисини, аёллар фарёдини эшитмади, юртнинг чор атрофига сочилаётган мусулмонлар таналарини кўрмади. Яқинда бўлса, бу давлат бош вазири Йилдирим «Суриядаги Башар Асад ҳукумати у ердаги турли доиралар ўртасида кечаётган кураш учун бирор сиёсий ечимни тополмаслиги мумкин эмас», деган баёнот берди! Шу ўринда қуйидаги саволларни бермоқчимиз: Суриядаги бугунги қирғин ва унга ўхшаш бошқа қатли омлар, заҳарли газ қўлланиши, порохли бўчкалар ёғдириш… буларни Туркия ҳукмдорлари билишмайдими?! Дарё бўлиб оқаётган шунча қонлар қаҳрамонлик қарорларини чиқаришга туртки бўлмайдими, ахир, узоқ вақтдан буён мана шундай мусулмонлар ва заифхоллар шундай қарорларни орзиқиб кутмоқдаларку?!

Эй исломий юртлар ҳукмдорлари, огоҳ бўлинг!

Сурия болалари ва аёллари сизнинг инсонпарварлик юкларини ташувчи кемаларингизга ҳам, қораловчи баёнотларингизга ҳам, музокара учрашувларингизга ҳам муҳтож эмас. Чунки улар борасида Аллоҳдан қўрқадиган, уларга нусрат қўлини чўзиб, белларига мадад бўладиган, ерларида бузғунчилик ва қатли ом қилаётган ҳар бир кимсанинг пайини қирқадиган кишидан бошқа ҳеч ким уларнинг ярасига малҳам бўлолмайди.

Суриядаги мусулмонлар уларнинг қонини сўрувчилар ўртасида бўлаётган тинчлик сўзлашувларини ҳам, бир малайдан иккинчи малайга ўтувчи сиёсий ечимни ҳам қабул қилмадилар. Чунки улар Россия роли АҚШ истагидан четга чиқмасликдан иборатлигини, Америка Россия томонидан тиқиштирилаётган пунктларни менсимайди, деган ташвиқотлари бир сиёсий манёврдан бошқа нарса эмаслигини яхши англамоқдалар. Чунки Америка мана шундай манёврларга ўтишга мажбур бўлди. Сабаби, Суриядаги мусулмонлар иродасини синдиришнинг ва ўз истибдоди, зоравонлиги билан уларни тиз чўктиришнинг уддасидан чиқолмади.

Қаторлашиб келаётган бундай мусибатлар фақат Сурия аҳлига чекланмаяпти. Бугун бутун дунё мусулмонлари ўшандай зулм, қаҳр ва қийноқларни бошдан кечирмоқдалар. Бу башарият ўртасида адолатсизлик, коррупция ва исломий бошқарувнинг йўқлиги натижасидир.

Лекин бу зулм олови, ҳар қанча узоқ ёнмасин, қанча аланга олмасин, албатта ўчади, Аллоҳнинг изни ила, адолат ва инсоф қуёши албатта чиқади. Хусусан, биз шуни гувоҳи бўляпмизки, Ислом Уммати кундан-кунга уйғонмоқда, унинг танасига жон кириб, ўзининг ягона Умматлигига чуқур ишонмоқда. Ғарб эса Пайғамбарлик минҳожи асосидаги рошид Халифалик давлатини барпо қилиш фикридан зир титраб-қўрқиб, уни кечиктиришга бор кучи билан ҳаракат қилмоқда. Улар макр қилурлар, Аллоҳ ҳам «макр» қилур. Аллоҳ «маккор»роқдир.

Ҳизб ут-Таҳрирнинг марказий

матбуот бўлими аёллар қисми

Телефон-факс: 00961 1 30 75 94

Уяли телефон: 00961 71 72 40 43

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">ws-cmo@hizb-ut-tahrir.info