بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Бирлашган Миллатлар Ташкилоти жиноятларга шерик бўлиб, мустамлакачилик қуролларидан биридир

Мьянма мусулмонлари халқаро вакил келиши ортидан ўзгариш бўлишига умид қилмоқдалар

Рохин (Ракхайн) штатидаги мусулмонлар БМТ вакили Янхэ Лининг минтақага ташриф буюришидан сўнг ижобий ўзгариш бўлишидан умид қилмоқдалар. Маълумки, айни минтақада армия мусулмон озчиликка нисбатан қирғин, номусга тегиш ва минглаб уй-жойларга ўт қўйиш каби қонунбузарлик амалиётларини содир этганликда айбланмоқда.

БМТ вакилининг Рохин штатига ташрифи уч кун муддат ичида ғарбий Рохин штатидаги вазиятга доир тергов-суриштирув олиб бориш билан ниҳоясига етди. Тергов-суриштируви натижасида, сўнгги уч ой мобайнида ушбу штатда амалга оширилган ҳарбий амалиёт оқибатида 65 минг рохинга мусулмонлари чегара орқали Бангладешга қочиб ўтгани маълум бўлди.

«Биз, бу ташриф рохинга учун ижобий ўзгариш келтиради ва инсоний ҳақ-ҳуқуқларимизни қўлга киритишимизга ёрдам беради, деган умиддамиз», дейди хавфсизлик чораси сифатида ўз исмини сир қолишини илтимос қилган ва ҳозирда Ки Кан Пиен қишлоғида вақтинча яшаётган рохинга қочқинларидан бири.

Янхэ Ли ҳуқуқий вазиятни барқарорлаштириш учун Мьянмада 12 кун туради. Маълумки, бундан бир йилча аввал демократик йўл билан сайланган Аун Сан Су Чжи ҳукумати ташкил қилинган эди.

Ли асосий эътиборини аксари Рохин штатида яшовчи рохинга аҳолисига қаратди. У, март ойида БМТ қошидаги инсон ҳуқуқлари кенгашига  ҳисобот беражагини билдирди. (Скай Ньюс Арабия).

Роя газетаси шарҳи:

Рохинга мусулмонлари сиёсий турткилар асосида ҳаракат қиладиган, ҳужжатлаштиришдан бошқа бирор иш қилмайдиган бундай ожиз ташкилотларга муҳтож эмас. Бугун Мьянмадан тортиб Сурияга қадар, Фаластиндан тортиб Марказий Африкага қадар бутун Умматимиз бу каби миссиялар, комиссиялар ва тергов-суриштирув ҳайъатларидан ҳамда улар билан ҳамкорлик қилаётган ҳукуматлар, БМТ каби барча ташкилотлардан умидини узган. Чунки буларнинг барчаси на бирор ишончли ечим берсин, на азоб-уқубатларга чек қўйиш учун бирор чора-тадбир кўрсин. Рохинга халқи ҳамон репрессия қилиниб, «фуқаролиги йўқлар», дея ажратилмоқдалар. Шу кунгача Мьянмада ҳам, бошқа қўшни давлатларда ҳам, шу жумладан, Бангладеш, Малайзия ва Индонезия каби аксар аҳолиси мусулмонларни ташкил қилувчи давлатларда ҳам улар фуқароликдан маҳрум этилганлар.

Ўн минглаб рохинга мусулмонлари юрт ичкарисидаги қочқинлар жамлоқларида – уларнинг аксари тиқилинч – оғир шароитда яшамоқдалар, ёмон овқатланишдан, касалликлар тарқалишидан азият чекмоқдалар, у ерларни тарк этишларига рухсат берилмаяпти. У ерларда даволаниш, таълим олиш каби асосий ҳуқуқ ва хизматлардан фойдаланишолмаяпти. Дарҳақиқат, БМТ ўзини эҳтиёждан ташқари ортиқча ташкилот эканини аллақачон ўзи исботлаб бўлган. Бу ташкилот азалдан рохинга ва бошқа мазлум мусулмонларга ёрдам беришда омадсиз ташкилот бўлиб келган.

Бу айтганларимизнинг барчаси яққол далолат қилмоқдаки, халқаро демократик низом рохинга мусулмонларини ҳам, бошқа бутун дунёдаги мазлум мусулмонларни ҳам ҳимоя қилишга қодир эмас, қодир эмасликдан ташқари ҳатто ёрдам беришни исташмайди ҳам. Шунингдек, бу айтганларимиз мусулмонлар ғайриисломий ташкилотлар, ҳайъат ва ҳукуматларнинг адолат ва хавфсизликни рўёбга чиқаришига ишонмасликлари учун етарли далил ҳамдир.

Рохинга муҳтож бўлаётган нарса, Пайғамбарлик минҳожи асосидаги рошид Халифалик давлатидир. Ёлғиз шу давлатгина уларни ҳимоя қилишга қодир бўлиб, уларга хавф ва зулмдан холи келажакни рўёбга чиқаради. Ушбу давлатни барпо қилишга ҳаракат қилиш ўрнига, беҳуда нарсаларга умидни тикиш эса, дунёдаги барча мазлум мусулмонлар машаққатига машаққат қўшишдан бошқа нарсага олиб бормайди.

Роя газетасининг 2016 йил 18 январ чоршанба кунги 113-сонидан