Матбуот баёноти

Наҳза тўғони: Миср ва унинг халқи иродасини синдириш ва уларни тобеликдан озод бўлишларига тўсқинлик қилиш учун Америка томонидан қўлланаётган янги қурол

Эфиопия 2011 йили Кўк Нилда Наҳза тўғонини қуриш ниятида эканини эълон қилганидан буён, улкан сиёсий ва стратегик жиноятнинг босқичма-босқич саҳналари намоён бўлмоқда. Бу воқеага теран ақл ва зийраклик билан қараган киши бу тўғон шунчаки «сув хўжалиги иншооти» ёки «ривожланиш лойиҳаси» эмас, балки АҚШ томонидан минтақада ҳукмронликни ўз қўлига олиш учун ишга солинаётган янги мустамлакачилик қуроли эканини гувоҳи бўлади. Айниқса, мусулмонлар диёрининг юраги бўлган Миср иқтисодий, сиёсий ва ҳатто сувга оид босимлар орқали доимо бошини эгиб яшашга мажбур қилинмоқда. Бу эса яширин урушнинг янги услубларидан бири бўлиб, Мисрни заиф ва тобеликда ушлаб туришга қаратилган.

Эфиопия «ривожланиш ҳуқуқи» ҳақида расмий баёнотлар берган. Бироқ, ҳақиқат шундаки, Наҳза тўғони ҳеч қачон Эфиопиянинг мустақил қарори бўлмаган. Балки у Америка томонидан синчиклаб ишлаб чиқилган ва илк бор ўтган асрнинг эллигинчи йилларида бошланган режаларнинг самарасидир. Ўшанда «Браун энд Рут» номли Америка компанияси Америка Қайта тиклаш идораси раҳбарлигида Кўк Нилда тўғонлар қуришга оид илмий тадқиқотлар олиб борган эди. Наҳза тўғонининг ҳозирги жойи айнан ўша вақтдаёқ танлаб олинган бўлиб, Америкага Миср ва Судан устидан сув орқали босим ўтказиш имконини берадиган энг муҳим лойиҳалардан бири сифатида белгиланган.

Демак, бу Наҳза тўғони минтақани қайта шакллантириш борасидаги Америка режасининг маҳсули бўлиб, Африкада, айниқса, унинг шарқий қисмида тобелик харитасини қайта чизиш учун ишлатилаётган воситалардан биридир. Мана, Америка Форс кўрфазидаги бойлик манбаларини ўз малай ҳукмдорлари орқали эгаллаб олган бўлса, бугун Аддис-Абебадаги таъсири орқали Нил манбаларини назорат қилмоқда.

Эфиопия Америка қўлидаги оддий восита-қуролдан бошқа нарса эмас. Америка уни ўзининг минтақадаги манфаатларига қараб ҳаракатга келтиради ва у орқали юбориладиган сиёсий сигналларнинг вақтини ҳам ўзи белгилаб туради. Бу – Миср режимидаги ҳолатнинг айнан ўзидир. Дарҳақиқат, Миср ҳам ўзини гўёки қарши чиқаётгандек кўрсатади, аслида эса принципиал позиция эгаллашга ҳам, қатъий қарор қабул қилишга ҳам журъат қилолмайди.

Наҳза тўғонини Америка Миср халқига нисбатан олиб бораётган очлик ва босим сиёсатидан айри ҳолда тасаввур қилишнинг иложи йўқ. Зеро, сув ҳаётнинг асосий манбаи. Ана шу тўғон орқали сувнинг катта қисмини тўсиб қўйиш Америка учун Миср халқига нисбатан «сувсизлик» билан таҳдид қилиш, уларнинг сиёсий ва иродавий қарорларини ўз назорати остига олиш имконини беради.

Америка бу Наҳза тўғонини нафақат молиявий томондан, балки уни тўлиқ сиёсий ва дипломатик жиҳатдан ҳам ҳимоя қилиб, қўллаб-қувватлади. Халқаро ва минтақавий барча майдонларда Эфиопияга босим ўтказиш ёки уни мажбурий шартномага имзо чектиришга қаратилган ҳар қандай уринишларни барбод қилди.

Энди эса у тўғоннинг қурилиши якунланганини олқишлаб, уни минтақа, айниқса, Миср ва Судан халқларига босим ўтказиш сиёсатида қўллашга тайёрланмоқда.

Миср режими ўз суверенитетини даъво қилиб келса-да, бироқ Наҳза тўғони қурилиши бошланганидан бери Америка рухсат берган доирадан ташқарига чиқмади. 2011 йили Эфиопия томонидан тўғон қурилиши эълон қилинган пайтда ҳам, биринчи тўлдириш бошланганда ҳам, ҳатто тўртинчи тўлдиришдан кейин ҳам ҳеч қандай жиддий ҳаракат қилмади. Энди эса, Эфиопия тўғонни тўлиқ тўлдириш якунланганини эълон қилганига қарамай, Миср режими фақат «эътироз» ва юзаки рад этиш баёнотлари билан кифояланмоқда. Амалда эса ҳеч қандай чора кўраётгани йўқ. Аксинча, миллионлаб инсонларнинг ҳаёти хавф остида турган бир пайтда, Вашингтон ва Тель-Авив билан хавфсизлик ва разведка соҳаларида ҳамкорлигини давом эттирмоқда.

Нега шундай? Чунки бу режим аслида ҳақиқий ҳукмдор эмас. У фақат хўжайини Америкага хизмат қиладиган оддий ижрочидир. Ўзига белгиланган сиёсатларни сўзсиз амалга оширяпти ва рухсат этилган доирадан бир қадам ҳам ташқарига чиқмаяпти. Юрт қанчалик оғир таҳдид остида бўлмасин, айни чекловни бузмаяпти.

Бу фақат Миср режимига хос ҳолат эмас. Бугун мусулмон ўлкаларидаги мавжуд режимлар фақат Ғарб манфаатларига хизмат қиладиган малай режимлардир. Улар бирорта ҳам мустақил қарор қабул қила олмайди ва фақатгина Ғарб чизиб берган режа бўйича ва мустамлакачининг розилигига мувофиқ ҳаракат қилади.

Нил дарёси мустамлакачиликдан кейин пайдо бўлган Миср, Эфиопия ёки Судан каби миллий давлатларнинг мулки эмас. У барча мусулмонлар учун умумий мулк ҳисобланади ва фақат Ислом аҳкомлари асосида бошқарилиши лозим. Мусулмонларга янги воқеликни мажбуран юклаш мақсадида Нил сувини тўсишга ёки унинг оқимини ўз манфаати йўлида ўзгартиришга ҳеч қандай режимнинг ҳаққи йўқ.

Қандай қилиб Мисрни Нил сувидан маҳрум этишни тасаввур қилиш мумкин?! Ёки Нил сувининг катта қисми Эфиопия – яъни, аслида Америка – назоратидаги тўғон ортида ушлаб турилишига қандай йўл қўйиш мумкин?! Қолаверса, мусулмонлар ҳарбий босқиндан кам бўлмаган бундай тажовуз қаршисида қандай қилиб сукут сақлаши мумкин?!

Агар халқ ишларини бошқариш давлат зиммасида бўлса, бу каби тажовузни тўхтатиш ҳам унинг зиммасидаги мажбуриятдир. Бу иш БМТга шикоят қилиш ёки расмий баёнотлар бериш билан эмас, балки сиёсий иродани тобеликдан озод этиш, зарурат туғилганда тажовузкорни тийиб қўйиш ҳамда ўз ҳуқуқларини тиклаш учун куч ишлатиш орқали амалга оширилиши лозим. Аллоҳ Таоло бундай деган:

﴿فَمَنِ ٱعۡتَدَىٰ عَلَيۡكُمۡ فَٱعۡتَدُواْ عَلَيۡهِ بِمِثۡلِ مَا ٱعۡتَدَىٰ عَلَيۡكُمۡ﴾

«Ким сизга тажовуз қилса, сиз ҳам унга худди ўша даражада жавоб қайтаринглар»   [Бақара 194]

Наҳза тўғони муаммоси ҳам Умматнинг бошқа барча муаммо ва инқирозлари каби ҳақиқатни очиқ кўрсатиб турибди: муаммо фақат тўғоннинг ўзида ёки фақат Эфиопияда эмас, балки халқ ишларига ғамхўрлик қилувчи, тажовуздан муҳофаза этувчи ҳамда сув, озиқ-овқат ва сиёсий хавфсизликни таъминловчи Ислом давлатининг йўқлигидадир.

Шунинг учун Ислом Уммати зиммасидаги шаръий ва сиёсий жиҳатдан юкланган вожиб вазифа – Пайғамбарлик минҳожи асосидаги рошид Халифаликни барпо этиш йўлида фаол ва жиддий саъй-ҳаракат қилишдир. Халифалик сунъий чегараларни бекор қилади, Умматни ягона давлат остида бирлаштиради ва Нил дарёсини барча фуқаролар учун муҳофаза қилиниши лозим бўлган умумий мулк сифатида белгилайди.

Эй Кинона армиясидаги холис ҳарбийлар! Эй покиза ва солиҳ Миср фарзандлари! Эй юрагида ҳануз иймон тафти ва Ислом ғурури жўш ураётганлар! Эй Миср ва унинг аҳлини ҳимоя қилишга қасамёд қилганлар! Эй золимлар учун қамчи бўлишга эмас, балки Ислом учун қилич бўлишга аҳд берганлар!

Ҳақ сўзини айтиш вақти етиб келмадими?! Умар, Холид ва Салоҳиддинлар каби жасорат билан туриш вақти келмадими?! Тақдиримизни душман қўлига топширган ва Нил сувини арзимас нарса эвазига тобелик бозорида сотган бу хиёнаткор тоифани ағдариш вақти келмадими?!

Нилнинг юқори қисмида қурилган бу тўғон шунчаки сув иншооти эмас. Йўқ, аксинча, у Американинг заҳарли ҳанжаридир. Бу ҳанжарни аҳли оилаларингизнинг юрагига санчиш учун муносиб фурсатни кутиб турибди.

Тарих айнан шу лаҳзаларда ёзилмоқда! Сиз эса бугун ҳеч қачон унутилмайдиган имконият олдида турибсизлар: ё Аллоҳ сизларнинг қўлингиз билан нусрат ва ғолибликни насиб этадиган мардлардан бўлиб, Ислом бошқарувини ва унинг давлатини барпо этиб, Миср ва унинг аҳлига чўзилган Американинг қўлини кесиб ташлайсиз… Ёки сукут сақлаб, ҳақоратга бош эгиб қоласиз ва қиёмат кунига қадар сукут ва ожизлик гуноҳи зиммангизда ёзилиб қолади!

Шундай экан, сиз Мадина ансорлари каби бу азиз диннинг ансорлари бўлинг! Ислом байроғини баланд кўтаринг! Хиёнаткор режимни ағдаришни очиқ эълон қилиб, Умматни мустамлакачилик ва ҳар қандай ҳукмронликдан озод қилишда Мисрни бошланғич нуқтасига айлантиринг, Нил сувини, мусулмонлар қонини ва уларнинг қадр-қиммати ва шарафини ҳимоя қилувчи, Пайғамбарлик минҳожи асосидаги рошид Халифаликни барпо этинг!

Мана энди сизнинг пайтингиз етиб келди! Бас, Аллоҳ йўлида ростгўйлик билан туринг! Нусрат сизни интизорлик билан кутмоқда. Аллоҳ эзгу амал қилганларнинг мукофотини ҳаргиз зое кетказмас!

﴿وَمَا لَكُمۡ لَا تُقَٰتِلُونَ فِي سَبِيلِ ٱللَّهِ وَٱلۡمُسۡتَضۡعَفِينَ﴾

«(Эй мўминлар), сизга нима бўлдики, Аллоҳ йўлида ва бечоралар(ни озод қилиш) йўлида жанг қилмаяпсиз?!»                                                                                                           [Нисо 75]

Ҳизб ут-Таҳрирнинг Миср вилоятидаги матбуот бўлими

0

0

Related posts:

Эй Кинона аҳли: қўзғолонингиз Ислом ва унинг ҳукмларини татбиқ этиш учун бўлсин акс ҳолда йўқ Эй Кинона аҳли Аллоҳнинг уйларини бузувчи бундай режимни бузиб ташланг! Мисрнинг қизил чизиқлари мавжуд бўлиб, улар Мисрнинг Исломга, шариатга ҳамда Миср халқини ва унинг бойликларини ҳимоя қиладиган Ислом давлатига қайтишини тақозо қилади Мисрдаги «фатволарни тартибга солиш» қонунидан шариатни бостириш ва дин ўрнига режимга хизмат қилиш кўзланган!