Нажот топган фирқа кимлар?
بسم الله الرحمن الرحيم
Нажот топган фирқа кимлар?
Куфр оламининг мусулмонлар устида юргизган энг катта фитналаридан, фирқакашлик, тарафкашлик фитнаси бўлди. Ўзининг тутган йўлини энг тўғриси дейдиган, фақатгина шу тўғри йўл, бошқалар адашган дейдиган йўналишлар бир неча турлар бўлиб кетди. Ҳар бири ўзини, нажот топган фирқа бизмиз, деди. Натижада мусулмонлар ичида бўлиниш юзага келиб, бу тарафкашлик аста – секин мутаассибликка, кўр – кўрона тақлид қилиш, иймонни асли моҳиятини тушунмасдан, “ота – боболарим мусулмон, мен ҳам мусулмонман” қабилида мусулмонлик авж олди. Ва бу бўлиниш, куфр оламига катта натижа берди. Мусулмонлар бир – бирлари билан айнан шу мавзуни устида тортишишлар, бахслар уюштирдилар, китоблар ёздилар, Пайғамбар алайҳиссалом айтган, нажот топган фирқа бизмиз, дея жар солиш кенг тарқалди. Кофирлар эса, бу вақтда мусулмонлар юртларини ишғол қилиш, босиб олиб, мустамлака қилиш пайида бўлди.
قال صلى الله عليه وسلم : " إن بني إسرائيل افترقوا على إحدى وسبعين فرقة ، وتفترق أمتي على ثلاث وسبعين فرقة ، كلها في النار إلا واحدة " فقيل له : ما الواحدة ؟ قال : " ما أنا عليه اليوم وأصحابي"
Пайғамбар соллаллоҳу алайҳи ва саллам дедилар: “Бану Исроил 71 фирқага бўлиниб кетди, менинг умматим 73 фирқага бўлиниб кетади, уларнинг ҳаммаси жаҳаннамга тушади, фақатгина бир фирқа нажот топади.” Сўрадилар: “У биргина нажот топувчилар кимлар?” Дедилар: “ Бугун мен ва менинг асхобим тутган йўлни тутганлар.” (Термизий ривоят қилган, бошқа лафзлар билан бошқалар ҳам ривоят қилишган. )
Биз хозир ушбу хадисни шархлаб, ўша нажот топувчи фирқа бизмиз деб, яна туганмас бахсни чўзиш ниятида эмасмиз, асло. Бизнинг муродимиз биргина, мусулмонлар кўр – кўрона иймон билан, “мусулмонлар юртидаман, мен ҳам мусулмонман” қабилида мусулмон бўлишни тўхтатиб, Аллоҳнинг борлигини хақиқий асл маънода хис қилиб, бир ақидага бирлашишлари, мусулмонлар бир – бирларига биродар бўлишлари тарафдоримиз.
Демак, Пайғамбар соллаллоҳу алайҳи ва салламнинг тутган йўлларини махкам тутган жамоа нажотга умид қилишга хақли бўлади экан.
Бугун шундай жамоалар борми? Бўлса, улар нима билан машғул? Пайғамбар соллаллоҳу алайҳи ва саллам ва у кишининг асхоблари тутган йўлни бугун қандай қилиб махкам ушласа бўлади?
Бу саволларга жавоб излаш учун хозирда бўлаётган дунёдаги Исломга қарши курашлар ва Исломни ҳаётга қайтаришга қилинаётган харакатларга эътибор берсак, аввало Пайғамбар соллаллоҳу алайҳи ва салламнинг йўлларида амал қилиш учун бизларга, У зот келтирган шариат бўйича яшашимиз зарур эканлигини сезамиз. Бу шариат бўйича яшаш эса, фақатгина ахлоқ ва одобимизни, намоз, рўза, Хаж каби шахсий фиқҳий ибодатларимизни Исломий қилиб олиш билан етарли бўлмаслигини тушуниб етамиз.
Юқоридаги ҳадисни қўллаб қуйидаги оятда шундай дейилади:
وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءتْ مَصِيراً
“Ким ўзига (Аллоҳнинг) ҳидояти очиқ – ойдин бўлгандан кейин, Пайғамбарга хилоф қилса ва мўминларнинг йўлидан бошқа йўлга юрса, кетган томонига ташлаб қўямиз ва жаҳаннамга киритамиз. У(жаҳаннам) қандоқ ҳам ёмон жой!” (Нисо. 115)
فَإِنْ آمَنُواْ بِمِثْلِ مَا آمَنتُم بِهِ فَقَدِ اهْتَدَواْ
“(Эй Муҳаммад), Агар улар сиз иймон келтирган каби иймон келтирсалар, батахқиқ ҳидоят топурлар.” (Бақара 137)
Ким ҳаёт тарзини ушбу муқаддас йўлга мувофиқ қилса, у хақиқий нажот топгувчидир. Чунки у Пайғамбари ва мўъмин биродарлари тутган йўлни тутди, шу йўл хақиқий бахт саодат йўли эканлиги хис қилди.
Кимки Пайғамбар алайҳиссалом бизларга қолдирган шариат бўйича яшаш йўлидан тойиладиган бўлса, бу тўғрида Аллоҳ Таъоло шундай деди:
فَلَوْلاَ كَانَ مِنَ الْقُرُونِ مِن قَبْلِكُمْ أُوْلُواْ بَقِيَّةٍ يَنْهَوْنَ عَنِ الْفَسَادِ فِي الأَرْضِ إِلاَّ قَلِيلاً مِّمَّنْ أَنجَيْنَا مِنْهُمْ وَاتَّبَعَ الَّذِينَ ظَلَمُواْ مَا أُتْرِفُواْ فِيهِ وَكَانُواْ مُجْرِمِينَ
“Олдинги даврда ўтганлар ичида бузғунчиликлардан қайтарадиган фозил кишилар бўлганида эди! Фақат Биз қутқарган озчилик мустасно. Золимлари эса айш-ишратга берилиб, гуноҳкорлардан бўлишди.” (Ҳуд. 116)
فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ
“Кимки шундан ўзгани истаса, бас, улар чегарадан чиққанлардир.”(Маъориж. 31)
Хулоса ўрнида айтадиган сўзимиз, биз мусулмонлар, Пайғамбари мақтаган, нажот топиши ваъдасини берган жамоа бўлишни истасак, Пайғамбаримиз соллаллоҳу алайҳи ва саллам ва у кишининг асхоблари юрган шариат йўлини махкам тутишимиз керак экан. Бунинг учун ушбу шариатни ҳаётимиздан ўчириб ташлаган куфрга қарши бирлашиб, бир – биримиз билан тарафкашлик, мутаассиблик қилиб тортишиш, бахслашишни тўхтатиб, бир ақидага бирлашишимиз лозим экан, бунинг учун Аллоҳнинг арқони(Қуръони) ва Унинг Пайғамбари соллаллоҳу алайҳи ва салламнинг йўлларини маҳкам ушлашимиз кифоя қилади.
وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ
“Барчангиз Аллоҳнинг арқонини(Қуръонни) маҳкам тутинг ва бўлиниб кетманг. Аллоҳнинг сизга берган неъматини эсланг: бир вақтлар душман эдингиз, бас, қалбларингизни улфат қилди. Унинг неъмати билан биродар бўлдингиз. Оловли жар ёқасида эдингиз, ундан сизни қутқарди. Шундай қилиб, Аллоҳ сизга Ўз оятларини баён қилади. Шоядки ҳидоят топсангиз.” (Оли Имрон. 103)
Ана шундагина мусулмонлар бугунги зулмлар қоронғулигидан яна ёруғликка, Ислом шариатига мувофиқ ҳаёт кечиришдек буюк бахтга етишадилар, ана шундагина Аллоҳ мусулмонларга Ўз нусратини беради,
أَلا إِنَّ نَصْرَ اللَّهِ قَرِيبٌ
“Огоҳ бўлингким, Аллоҳнинг нусрати яқиндир!”
(Бақара. 214)
Ҳизб ут-Таҳрирнинг Ўзбекистондаги медиа офиси Муслим
05.06.2015й.
