بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Нетаняху Мисрнинг «тинчлик» йўлидаги ташаббусини олқишлади

Ўтган якшанба «Исроил» бош вазири Бенямин Нетаняху Миср ташқи ишлар вазири Самиҳ Шукрий билан учрашиши ортидан «Мен ўзаро ҳамкорликдаги мунозарани сабрсизлик билан кутяпман, президент Сисийнинг фаластинликлар билан тинчликни ва регионал тинчликни рўёбга чиқиши йўлидаги Миср ташаббусларига оид таклифини олқишлайман, фаластинликларни Миср ва Иордания йўлидан юришларига ва музокара столига қайтишларига чақираман», деди. Кейин «Биз ўзаро зиддиятларимизни ҳал этишимиз ва икки халқнинг икки давлати асосидаги тинчлик орзусини рўёбга чиқаришимиз лозим бўлган бирдан-бир йўл мана шу», дея қўшимча қилди.

Ўз навбатида, Миср ташқи ишлар вазири ҳам бундай деди: «Менинг зиёратим минтақа барқарорлигига, хусусан, исроиллик ва фаластинлик фуқаролар тинчлигига Мисрнинг тарафдор эканлигининг бир қисмидир. Биз икки халқ ўртасида тинчлик кўпригини қура оламиз ҳамда минтақа учун ижобий натижаларга олиб борувчи тинчликка эришиш сари кетмоқдамиз, деган умиддамиз». Яна бундай қўшимча қилди: «Минтақада терроризмнинг тарқалиши тинчлик амалиётига хавф солмоқда, вазият бундай давом этиши мумкин эмас».

Шукрийнинг Тель-Авив сафари ўтган якшанба куни, яъни сафаридан бир неча соат олдингина эълон қилинди. Сафардан, асосан, Мисрнинг тинчлик ташаббусини бошлашдаги саъй-ҳаракатлари тўғрисида сўзлашув олиб бориш ва «Исроил»-Фаластин ўртасидаги музокараларни ўрганиш мақсад қилинган. (Арабий Жадид).

Роя газетаси шарҳи:

Миср ҳукмдорлари одати шу. Улар АҚШнинг Фаластин масаласига оид қарашларини амалга ошириб берувчи даллоллардир…

Бир вақтнинг ўзида, Миср президенти Исломга қарши курашмоқда. Бу курашни Ислом нусусларини тозалашга чақириш билан ёки унинг тили билан айтганда «диний қўзғолон» қилишга ва исломий фикрлардан «муқаддасликни бартараф қилишга» даъват қилиш билан олиб боряпти. Шу билан бирга, Миср аҳлини қашшоқлаштиряпти, уларга зулму зўравонлик қиляпти, Ғазо аҳлини эса қамал қиляпти. Ташқи ишлар вазири бўлса, яҳудийлар давлатига сафар қилиб, ўша ердан туриб, «террористларнинг ёйилиши тинчлик амалиётига хавф туғдиради», дея эълон қиляпти. Исро ва Меърож заминини босиб олиб, Фаластин аҳлини қираётган, уларни қамал қилаётган яҳудийлар Миср президенти наздида террорист эмас, балки мусулмонлар террористдир… Миср ҳукмдорларига Аллоҳнинг лаънати бўлсин, мусулмонларнинг улардан қутулишиги ва Пайғамбарлик минҳожи асосидаги рошид Халифалик давлати барпо этишларига ёрдам берсин.

Роя газетасининг 2016 йил 13 июл чоршанба кунги 86-сонидан