Нима учун Ҳизб ут-Таҳрир – Сурия вилоятига қарши ахборот ҳужумлари бу қадар кучаймоқда?!
بسم الله الرحمن الرحيم
Роя газетаси:
Нима учун Ҳизб ут-Таҳрир – Сурия вилоятига қарши ахборот ҳужумлари бу қадар кучаймоқда?!
Ҳизб ут-Таҳрир-Сурия вилояти радиосининг 2018 йил 28 апрел кунги хабарига кўра, «Сўнгги пайтларда Ҳизб ут-Таҳрир-Сурия вилоятини бадном қилишга қаратилган ахборот кампанияси жуда кучайиб кетди. Бир неча телеканаллар ва матбуот саҳифалари иштирокида олиб борилган бу ҳужум Халифалик қулатилганига доир Ҳизб йигитлари томонидан Идлибда уюштирилган хотира тадбирлари ортидан кучайди».
Роя газетаси шарҳи:
Баъзи бир нохолис ахборот воситаларидаги жарчилар орқали Ҳизбга қарши туҳмат тошлари отилаётгани тасодиф эмас. Шу пайтгача йиллар давомида улар Ҳизб фаолияти ва тадбирларига орқа ўгириб келишган эди. Энди бўлса, ўзаро тил бириктириб, Ҳизб номини булғашга уринишмоқда, Ҳизб фаолияти сабабли ёмонлик етиши мумкинлигидан оддий одамларни қўрқитишмоқда. Бугун Шом диёрида жаранглаётган Ислом овозлари айни ахборот воситалари ортида турган кучларга ёқмаяпти. Зеро, Ҳизб ут-Таҳрир кўтариб чиқаётган лойиҳа мустабид тоифачи илмоний лойиҳага қарши кураш олиб бораётган бирдан-бир лойиҳа бўлиб қолмоқда. Шомдаги фаол халқаро кучлар эса, ҳозирги тоғут режимни жинояткорлари ва муассасаларию таянчлари билан қайта ишлаб чиқишга, шу орқали айни илмоний лойиҳани мустаҳкамлашга уриняпти.
Ахборот воситалари орқали одамлар онгини заҳарлаш учун олиб борилаётган Ҳизбга қарши бундай туҳмат кампаниялари Шом аҳли берган қурбонликларга бепарво қарамаслик тўғрисидаги баланд овозларга қарши курашнинг бир қисмидир. Зотан, Ҳизб ут-Таҳрир – айни қурбонликлар беҳуда кетмаслиги ва одамлар анави режим жинояткорлари ва уларнинг ортида турган душманлар қўлида яна қул бўлиб қолмаслиги учун жонбозлик кўрсатмоқда. Чунки Ҳизб Ислом ва мусулмонларни ёмон кўрувчи бугунги тузумлардан Умматни озод қилиш ҳамда Ислом тузумини қайтаришда ўз тариқатидан ҳеч оғишмай давом этмоқда. Ушбу йўлдан бизни ҳеч нарса тўхтатиб қололмайди, ё бу йўлда ҳалок бўламиз ёки Ислом ер юзининг мағрибию машриқига ҳукмрон бўлишини кўзларимиз кўриб қувонади.
Роя газетасининг 2018 йил 2 май чоршанба кунги 180-сонидан
