Ойларнинг Саййиди Рамазон Муборак бўлсин!

بسم الله الرحمن الرحيم

Азиз мусулмонлар! Бугун милодий 2023 йил 23 март, ҳижрий 1444 йил Рамазон ойининг биринчи куни. Ушбу покланиш, нусрат ва яхшиликларга тўла бўлган Рамазон ойи сиз азиз Умматга муборак бўлсин!   

Мана, Уммат қалбларини эритувчи, адолат ва эзгулик тимсоли амирул мўминин табрик хутбаси янграмаган 102-рамазон ҳам кириб келди. Халифасиз ўтган бу аср бутун Уммат учун етарлича аччиқ сабоқ бўлди. Мустамлакачилар парчалаб ташлаган юртларимизда қонлари тўкилмаган, ҳақни сўзлагани учун зиндонбанд бўлмаган мардлар деярли қолмади. Юртларимиз бойлиги таланиб, муслим ва муслималар иймонларига аёвсиз чанг солинди. Бу аср иймонларимизни чўғ каби куйдирувчи аср бўлди. Қуръонимиз ёқилиб, пок туйғуларимизнинг топталиши дилларни тилкалаб қон қилди. Саййидул мурсалин Росулуллох ﷺ ҳақоратланиб, кўз ёшлар дарё бўлди. Оҳ, султонсиз ўтган бу аср азизлигимизни яксон қилиб, хорлик либосини кийдирди.

Аммо Роббул оламинга беадад ҳамдлар бўлсинки, ушбу хорликлар Умматнинг уйғонишига туртки бўлди. Фаластин мусулмонларини тинимсиз қатл қилишлар, Шом азизларини қирғинбарот гирдобига ташланиши, Ироқ, Афғон, Ҳинд мусулмонларининг алам-изтироблари, Шарқий Туркистон мусулмонларига бўлаётган ғайриинсоний муносабат, зулм, қатллар, Ўзбекистон зиндонларидаги шафқатсиз қийноқлар… олам мусулмонларига азизликлари Ислом ва ягона вужудга бирлашмоқ билан бўлишини эслатиб, англатиб қўйди. Устларидаги малай, рувайбиза, хоин раҳбарлар ёлғонларига ишончлари йўқолиб, бу ҳақир кимсалар ортида турган тубсиз жарликни кўролдилар. Ва аввалгидек азизлик бўлиш асоси қайта тикланиши вожиб бўлган иккинчи Рошид Халифалик Давлатида эканига амин бўлдилар.

Бу ишонч дунё мусулмонларининг Туркия ва Суриядаги зилзиладан азият чеккан биродарларига ёрдамга шошилишларида, Ғарб кофирларининг Китобимиз ва Росулимиз ﷺга нисбатан қилган муомаласига қарши тортган ғазабнок наъраларида яққол кўриниб қолди. Умматнинг ўз азизлик ғоясига яқинлашиб қолганига нафақат мусулмонлар, балки бутун Ғарб давлатлари ҳам ишониб қолди. Бу давлатлар энг олий бахт, деган хомхаёлда орзулари сари чопиб, охир-оқибат етган манзиллари сароб бўлиб чиқаётганига бирин-кетин амин бўла бошлади. Энг асосийси, улар бу Уммат юртларини парчалаб ташлашган бўлса-да, бироқ Умматнинг иймоний робиталарини узиб ташлай олмасликларига ишонч ҳосил қилишди. Аксинча, улар Исломга қарши қанчалар бирлашмасин, қалбларида бир-бирларига бўлган адоватлари алангаланиб қолаверди. Буларнинг барчаси олам аҳли кўз ўнгидаги ҳақиқатга айланди.  

Эй азизликка лойиқ аҳлимиз! Ушбу Муборак Рамазон ойида Оламлар Роббисига яқинлик ҳосил қилинг! Қотган қалбларни эритинг, бир-бирингиздан айирувчи адоватларни энг ашаддий душманларингизга қаратинг! Бу Муборак Рамазонда покланиб, қалбларни улфатлантиринг!

Эй Роббимиз, бизларга ушбу Рамазонни Нусрат эшикларини очувчи қилиб бер! Хорлик тамғаларини парчалаб, азизлик бўстони эшикларини очиб, Умматни қувонтир!

Омин дея кўтарилган қўлларни умидсиз пастлатма! Зеро, Сен Ўз ваъдасига хилоф қилишдан Поксан! Қалбларни нуринг ила мунаввар айла! Амин Я Роббал аъламин!

Сенинг ушбу қавлинг бизга умид бағишлайди:

وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ

– “Бандаларим Сиздан (эй Муҳаммад) Мен ҳақимда сўрасалар, Мен уларга яқинман. Менга дуо қилган пайтларида дуогўйларининг дуосини ижобат қиламан. Бас, ҳақ йўлга юришлари учун (улар ҳам) Менинг (даъватимга) жавоб қилсинлар ва Менга иймон келтирсинлар”.                                         (Бақара:186)

Ҳизб ут-Таҳрирнинг Ўзбекистондаги матбуот бўлими

23.03.2023й