بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Омадсиз Федерал Хавфсизлик хизматини танқид қилган шахслар терроризмни оқлаган шахсларга айланди!

Жорий йил 24 октябрда Шимолий Кавказ ҳарбий трибунали доғистонлик имом Муҳаммаднабий Муҳаммедовни Россия Федерацияси жиноят кодексининг 205-2 модда 1 банд (терроризмга очиқ даъват қилиш ёки уни оқлаш) ҳамда 282 модда 1 банд (низо ва адоватга тарғиб қилиш) бўйича 5 йилга озодликдан маҳрум этишга ва жазо муддатини жазони ўташ колониясида ўтказишга ҳукм қилди.

Имом Муҳаммаднабий 2016 йил 4 августда Федерал Хавфсизлик хизматидан ҳибсга олинган мусулмонларни озод этишни талаб қилган пайтда ҳибсга олинди. Хавфсизлик хизмати ҳар сафар жума куни мусулмонларни ҳибсга олиш рейди ўтказишни одат қилиб олган эди. Кейин имом Муҳаммаднабийга 5 апрелда қилган хутбаси сабабли «терроризмни оқлаш» айбловини қўйишди, у эса айни хутбасида хавфсизлик хизматининг салафийлар бошқараётган бир неча масжидни ёпиб қўйгани тўғрисида гапирганди, холос. Демак, бу юртда хавфсизлик хизматини танқид қилиш «терроризм»ни оқлаш, ҳисобланар экан.

Москвадаги «Ёрдам» номли масжид имоми Маҳмуд Велитов билан ҳам шунга ўзшаш ҳодиса содир бўлди. Ҳозир уй қамоғини ўтаётган бу машҳур имом 3 йил аввал қилган хутбаси сабабли айбланди. Хавфсизлик хизмати уни Ҳизб ут-Таҳрир аъзоси Абдуллоҳ Гапаев тўғрисида яхши гап гапиргани ва унинг Кизляр шаҳрида хунук суратда ўлдирилганини айтгани сабабли ҳибсга олди. Демакки, бир мўмин биродарнинг қотилини танқид қилиш ҳам «терроризм»ни оқлаш саналиб, ёши улуғ, ногирон бир имомни беш йилга қамоққа ташлашга кифоя қилар экан.

Шундай қилиб, бугун мусулмонларга айб ёпиштириш осон бўлиб қолди. Буни рус тилида айтилувчи «Когда человек найдётся, и обвинения найдётся», деган машҳур гап билан ҳам ифодалаш мумкин.

Бироқ бу ишлар имомларимизни Уммат манфаатларини ҳимоя қилишларига тўсиқ бўлмаслиги керак. Уларга биз кофирлар қўллаётган бундай қаттиқ азоблар Аллоҳ Субҳанаҳунинг синови эканини, бу зулмни шариатга мувофиқ даф қилиш лозимлигини эслатмоғимиз зарур. Аллоҳ Таоло бундай деди:

فَلِذَٰلِكَ فَادْعُ ۖ وَاسْتَقِمْ كَمَا أُمِرْتَ

«Шунинг учун даъват қилинг ва ўзингизга буюрилгани каби Тўғри йўлда бўлинг»     [Шуро 15]

Эй имом-хатиблар!

Сиз тақводор ва солиҳларга ибрат бўлинг. Чунки Аллоҳ Таоло солиҳ бандаларини ҳаргиз ёрдамсиз қўймайди. Сабр қилинг, Исломни ва Уммат манфаатларини ҳимоя қилинг. Бу сизга бу дунёю охират шарафига ноил қилади. Унутмангки, мусулмонлар ҳақ сўзни айтган ва тўғри йўлда бардавом бўлган зотлар учун ҳам, уни айтишдан қўрққан ва сукут қилган кимсалар учун ҳам гувоҳлик берадилар.

Росулуллоҳ САВ бундай дедилар:

«مَنْ الْتَمَسَ رِضَا اللهِ بِسَخَطِ النَّاسِ كَفَاهُ اللهُ مُؤْنَةَ النَّاسِ، وَمَنْ الْتَمَسَ رِضَا النَّاسِ بِسَخَطِ اللهِ وَكَلَهُ اللهُ إِلَى النَّاسِ»

«Ким одамларни норози қилиш билан Аллоҳни рози қилиш йўлини изласа, уни одамлар зараридан Аллоҳнинг Ўзи сақлайди, ким Аллоҳни норози қилиш билан одамларни рози қилиш йўлини изласа, уни одамларнинг ўзига топшириб қўяди»(Имом термизий ривояти).

Ҳизб ут-Таҳрирнинг

Россиядаги матбуот бўлими

Расмий сайт: www.hizb-russia.info

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">mediaoffice.htr@gmail.com