بِسْمِ اللهِ الرَّحْمٰنِ الرَّحِيم

Роя газетаси:

Мусулмонларга нусрат-ёрдам бериш кайфияти маълум, масхарабозлик фойдасиз

Ҳижрий 1438 йил 10 зул-ҳижжа, милодий 2017 йил 1 сентябр жума куни «Русиял Явм» сайти нашр қилган хабарда бундай дейилади:

«Эрдоган жума куни Истанбулдаги Адолат ва Тараққиёт партияси қароргоҳида қурбон байрами муносабати билан ўтказилган тантанада «Қатли ом бўлди, халқаро ҳамжамият эса ҳамон сукутда… демократия шиори остида содир этилаётган бундай қатли омдан кўз юмган ҳар бир киши, шу қирғиннинг бир қисмига шерикдир», деди».

Туркия президенти – Мьянманинг жанубий ғарбидаги Аракан вилоятида содир бўлаётган ишларни, жорий йил 19 сентябрда ўтказилиши белгиланган БМТ бош ассамблеяси мажлисида, «ҳатто ҳамма бу ҳақда сукут қилса ҳам» унинг юрти бутун дунёга буни шарҳлаб беришини маълум қилди.

Эрдоганнинг таъкидлашича, у Исломий Ҳамкорлик Ташкилотининг муддатли раиси сифатида, айни ташкилотга аъзо давлатлар раҳбарлари ҳамда БМТ бош котиби Антониу Гутерреш билан бир неча кундан бери телефон орқали боғланиб, Араканда содир бўлаётган воқеаларни муҳокама қилган.

Янги расмий баёнотларда хабар қилинишича, бир ҳафта ичида Мьянманинг шимолий ғарбини титратган бундай зўравонлик амалиётида 400 нафар шахс ҳалок бўлган. Бу эса, роҳинга халқи ўнлаб йиллардан бери дуч келаётган қонли зўравонликлар ичида энг фалокатлисидир. У ердаги армия ўз фуқароларини ҳимоя қилиш учун «экстремист террорист»ларга қарши тозалаш амалиёти олиб бораётганини таъкидламоқда».

Роя газетаси шарҳи:

Мьянмадаги роҳинга мусулмонларига ёрдам бериш айни давлатлар раҳбарлари билан муҳокама қилиш билан ҳаргиз амалга ошмаслигини, чунки бу давлатлар роҳингага нусрат-ёрдам беришдан бўйин товлаб, уларнинг қирғинига тил бириктириш жиноятига шерик эканини Эрдоган жуда яхши билади. Шунингдек, уларга ёрдам беришда БМТ ташкилотидан умидвор бўлишнинг ҳожати йўқлигини, чунки ер юзидаги мусулмон ва бечора халқлар қирғинининг расмий назоратчиси мана шу ташкилот эканини ҳам яхши билади. Эрдоган яна шуларни ҳам яхши биладики, агар у мусулмонларга ёрдам беришга ҳақиқатдан ҳам ҳарис, рағбатли, ростгўй бўлганда эди, етти йилдан бери Сурия аҳлини қираётган қонхўр Асадга қарши ўз армиясини ҳаракатга келтирган ва Ҳалабни унга топшириб қўймаган бўларди, ўзининг чегара қўшинларига бу тоғут жаҳаннамидан қочиб келаётган мусулмонларни ўлдиришга буюрмасди…, армиясини Мьянма сари йўллаб, роҳинга мусулмонлари учун интиқом сифатида анави бутпарастларни ер билан яксон этарди. Бироқ бундай ишлар сен Эрдоганга йўл бўлсин, ахир айбинг аллақачон очилиб бўлди. Энди масхарабозлик ва мунофиқлигинг фойда бермайди. Чунки мусулмонларга ёрдам бериш, ҳимоя қилиш ва душмандан қутқариб олишни фақат яқинда – Аллоҳнинг изни ила – барпо бўлажак Пайғамбарлик минҳожи асосидаги рошид Халифалик давлати амалга оширади.

Роя газетасининг 2017 йил 6 сентябр чоршанба кунги 146-сонидан