Онажоним

Мўъминлар устига тушса мусибат,
Хақ келса йўқолар турмас бу зулмат,
Сабр қилинг бунга куйинманг ҳеч вақт,
Онажоним бу кун сизни соғиндим.

Сабр қилмоқ бу кун мўъминларга хос,
Ёмонлик доимо куфрга асос,
Яратган Роббимни танидим холос,
Онажоним бу кун сизни соғиндим.

Жаннат йўли билинг қийину хатар,
Дўзах йўли ажаб, инсонни алдар,
Насиб қилса бир кун ўғлингиз қайтар,
Онажоним бу кун сизни соғиндим.

Кўпчилик арзонга иймон сотибди,
Кимлардир нур дея зулмат топибди,
Хақни таниганлар бунда ётибди,
Онажоним бу кун сизни соғиндим.
 
Сабр қилинг бу кун қилмангиз хасрат,
Аллоҳнинг ваъдаси тожу-тахт албат,
Огоҳ бўлинки яқиндир нусрат,
Онажоним бу кун сизни соғиндим.

+3

0