بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Остона конференцияси ва фуқаролик бошқаруви конференциялари пуч хаёллар пойгасидир

Муҳаммадсаид Ҳамуд қаламига мансуб

Бошида Шом қўзғолони Дамашқ ва Ҳалабда Сурия режимини қамал қилишга эришганидан кейин АҚШ бошчилигидаги халқаро кучлар ва АҚШ қуроли БМТ сиёсий ечимни ўртага ташлади. Улар конференцияларга ва унинг қарорларини қабул қилишга мажбурлаш учун конференциялардан сиёсий тузоқ ўрнида, Эрон жангарилари ва Россия кучларидан ҳарбий куч ўрнида фойдаланишди. Сурия халқи Женева, Вена, Риёз, мана ҳозирги Остона конференцияларига рози бўлиши учун унинг сохта дўстлари унга босим қилиш ролини ўйнади. Русларнинг қақшатқич бомба ёғдириши ҳамда Туркия ва Форс Кўрфази давлатлари каби «қўллаб-қувватловчи» давлатлар босими остида музокарачилар Остона конференциясига жалб қилинди.

Бу сиёсий ечим саробдир!

كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّىٰ إِذَا جَاءَهُ لَمْ يَجِدْهُ شَيْئًا

«(Унинг амаллари) саҳродаги саробга ўхшайди. Ташна одам уни сув деб ўйлар, токи унинг олдига келгач, ҳеч нарса эмаслигини топур»  [Нур 39]

Бу сиёсий ечимда қўзғолон олиб борилаётган шаҳарларни қамал қилиш мақсадида жанг фитнасидан ҳамда сулҳ ва музокаралар алдовидан услуб сифатида фойдаланилди. Кейин ўзаро сулҳ ва кўчиришдан ва охири Остона конференциясидан фойдаланилди. Шу орқали айрим кучлар билан хавфсиз ҳудудларни белгилаш, деган алдов билан ҳамда оз қолган холис қўзғолончилар ва мужоҳидларни бир-бирига қарши уриштириш орқали, қўзғолоннинг қолган қутганини ҳам кишанлашга уринилди. Миллий армия тузиш ва унга хавфсиз ҳудудларни идора қилиши учун вақтинчалик ҳукуматни қўшиш, қонхўр режим билан битта армияда, битта миллий ҳукуматда иштирок этиш, бу миллий ҳукуматни ёлғондан ўтиш даври ҳукумати, дейиш каби қилмишлар содир этилди.

Бунинг муқобили ўлароқ, Таҳрири Шом фуқаровий бошқарув ташаббусини ўртага ташлаш ва сиёсий ечим лойиҳасига қўшилишга уриниб, фақат ўзини муҳофаза қилмоқда. Унинг ўз манфаатларини муҳофаза қилиши, панага ўтиши, фуқаролик бошқаруви, деган нарса ортига яшириниши ва ён бериш сари қадам ташлаши сабабли ҳам Туркия кучларининг киришига – Таҳрири Шомга қарши курашмаслик шарти билан – рози бўлди.

Остона конференцияси билан Сурия ичкарисидаги фуқаролик маъмурияти конференциялари икки ташаббус ўртасидаги курашдир. Бири исломий кенгаш ташаббуси, иккинчиси Таҳрири Шом ҳайъати ташаббуси. Бу ташаббуслардан мақсад, озод этилган минтақаларни назорат остига олишдир, шунингдек сиёсий ечим ўлжаларидан бирор насибага эга бўлиш учун режим ва Эрон билан музокараларни поёнига етказишда шу ташаббуслардан восита сифатида фойдаланиш ҳамдир. Демак, кўриб турибмизки, бу конференциялар ва фуқаролик маъмуриятларидан бирдан-бир мақсад, қўзғолончилар билан мужоҳидларни асосий мақсадлари ва тўла лойиҳаларидан буришдир, яъни режимни ағдариш ва Пайғамбарлик минҳожи асосидаги исломий бошқарувни барпо этиш мақсадидан оздиришдир.

Ўз-ўзидан савол туғилади: Шом аҳли қонхўр режимни баъзи бир вазирлик ва маъмурий мансабларга қўшиш учун қўзғолон қилганмиди, шунча қурбонликлар, шаҳидлар, асирлар, жароҳатланганлар, қочқинлар ва номаълум кетганлар…ни шунинг учун берганмиди?! Афсуски, мен воқеанинг бундай оқимига «қачон эшак сарбон бўлса, маррага на ўзи етади, на бошқаларни етказади», дея баҳо беришим мумкин, холос.

Айни босқичда фуқаролик маъмурияти, деган нарсадан фронтлар очишдан чалғитиш ва адаштириш кўзланган. Бу билан ярашув, музокаралар, тарангликни юмшатиш, вақтинчалик ҳукумат, деган нарсаларга замин яратилади, қонхўр режим ҳамкорлигида ўтиш даври ҳукумати тузиш амалга оширилади, буларнинг ҳаммаси шунча берилган қурбонликларни зое кетказади, режим Исломга қарши уруш олиб борадиган ва Ислом давлати барпо этишга бўлган ҳар қандай ҳаракатни бостирадиган марказий хавфсизлик давлати сифатида ўзининг эски структурасини сақлаб қолади… Бу кимсалар ва уларнинг ортидан эргашаётганлар ишнинг бундай оқимда кетиши Шом қўзғолони ва унда берилган қурбонликларга қарши оғир жиноят эканини билмайдиларми?!

Сурия ичкарисида фуқаролик маъмурияти таклифининг ўртага чиқиши гуруҳларнинг ҳақиқатдан омадсиз эканига далолат қилади. Улар қўлимизда исломий сиёсий лойиҳамиз бор, деган даъвони қилишган эди. Бироқ ҳеч қандай лойиҳалари йўқ экани, кўр туяни адашгани каби адашишгани аён бўлди. Яна бошқа гуруҳларнинг ҳам сиёсий, деб эргашган етакчилари, Ғарб элчихоналари ва разведкалари томонидан ясалган жосуслар бўлиб чиқди… Шулар орқали энди сиёсий етакчи сифатида фуқаролик маъмурияти, деган нарсани тақдим этиляпти, билмадик, бу қайси китобу қайси суннатга мувофиқ олинган, бу билан қандай қилиб одамларни бошқаришади… Демак, аслида лойиҳа йўқ бўлган, хом хаёл ва сароб бўлган, холос.

Сиёсий етакчилик сиёсий лойиҳага асосан барпо бўлади, қўлида лойиҳаси йўқ шахсларга асосан эмас. Бундайлар қўлида конференциялар хулосалари ва сиёсий ечим, деган нарса бор. Одамлар унинг шакл ва мазмуни қандай эканини билмайди, аслида, унинг шакл ва мазмуни мутакаббир АҚШ ва қўғирчоқлари нуфузини сақлаб қолишдан иборат, холос.

Биз Шом қўзғолони етиб келган мана шундай яққол воқелик қаршисида ҳамда режалаштирилаётган ва Шом аҳлини кутиб турган номаълум келажак олдида бундай демоқчимиз: қўзғолончилар ва холис мужоҳидлар, айрим етакчилар олдида ҳамон имконият мавжуд, у ҳам бўлса, дастурхонни унга тортиқ қилинган конференциялар ва уларнинг хулосалари билан қўшиб тўнтариб ташлаш имкониятидир. Бу режим ва жангариларнинг заифлиги яққол кўриниб қолди, улар Дайруз Зур ва Ҳамада биргина Исломий давлат, деган ташкилот томонидан зиёнга юз тутишмоқда. Агар мужоҳидлар шундай қулай фурсатдан фойдаланиб, фронтларни аланга олдирсалар, қўзғолонни бошидаги каби қайта бошласалар ва ўз ақидаларидан балқиб чиққан очиқ сиёсий лойиҳани, яъни Пайғамбарлик минҳожи асосидаги Халифалик лойиҳасини қабул қилсалар ҳамда Аллоҳ динига ёрдам бериб, нусратига инониб, шу лойиҳага асосланган сиёсий етакчилик остига кирсалар, шубҳасиз, ўша ёвузлик дастурхонини ағдариб ташлашга қодир бўладилар, бу билан эса, Аллоҳ Таолонинг

يَا أَيُّهَا الَّذِينَ آمَنُوا إِن تَنصُرُوا اللَّـهَ يَنصُرْكُمْ وَيُثَبِّتْ أَقْدَامَكُمْ

«Эй мўминлар, агар сизлар Аллоҳга ёрдам берсангизлар (яъни Унинг йўлида жиҳод қилсангизлар), У зот ҳам сизларга нусрат-ёрдам берур ва жанг майдонида қадамларингизни собит-барқарор қилур»   [Муҳаммад 7]

деган оятида айтилгандек, нусрат шартига амал қилган бўладидар.

Роя газетасидан олинди