Отангни қози урса…

بسم الله الرحمن الرحيم

      Олий Мажлис Қонунчилик палатаси спикер ўринбосари Акмал Саидов Ўзбекистондаги тергов ва жазони ижро этиш муассасаларидаги қийноқ ҳамда ўлим ҳолатлари ҳақида гапираркан, бу бутун дунёда учрайдиган муаммо эканини таъкидлади, деб ёзади Kun.uz.

Қонунчилик палатаси спикери ўринбосари А. Саидовни таъкидлашича:

«Умуман, қийноқлар муаммоси бу – глобал муаммо. Дунёда бирор давлат йўқки, унинг жазони ижро этиш муассасаларида қийноқ учрамаган бўлса. Ҳамма ёқда учрайди. Чунки мен ўтган йили қийноқлар бўйича БМТда Ўзбекистоннинг бешинчи маърузасини қилдим» – деди.

      Қадимдан эл тилидан тушмай келадиган "Отангни қози урса дардингни кимга айтасан" деган иборада "жон" бор.

Эл тилига чуқур ўрнашган бу ибора аслида Расулуллоҳ ﷺ олиб келган дастурга путур етказишга журъат қилувчилар тахтга даъвогар бўлгач ушбу ибора тилларда бот бот такрорланиб шу кунларгача ўз қийматини йўқотмади. Адолат, эзгулик уруғларини қалбларга экишга қодир илоҳий Дастур четлатилгач омманинг қалб рангини шувут қилувчи "бўёқчилар" устимизга келиб юртларни издан чиқариб ташлади. Золимга тик қараб хақни сўзловчи эр йигитлар қувилиб шоҳни мақтабгина унинг зулму ситамларидан омон қолувчи маддоҳлар иқтидорга келиб қолмоқда. Натижа эса шу бечора халқ кўз ўнгида ёмон туш каби мухрланди.

      Ижтимоий тармоқларда "ИИБ тергов бўлимида ўлди", "ДХХ тергов бўлимидаги фуқаро тўртинчи этаждан ўзини ташлаб ўлди" каби маълумотлар ва ҳатто аёлларимизнинг ҳақни сўзлашини ҳам ўзларига хатар деб билган ҳукумат вакиллари ўша "жиноятчи"ни бир кечадаёқ ушлаб, тергаб, судлаб шу кечани ўзида юртдан қувиб чиқарди. Ва бу тезкор фаолликни шахсан президент жанобларининг буйруғи дея таъкидладилар. Блогерларга "қўрқманглар, ортингизда президент турибди" дегувчи Мирзиёев хукумати бир неча ўнлаб блогерларни қамади, ҳатто чет давлатларда қўним топган журналистларга қидирув эълон қиди. Шундан хулоса қилиш жойизки дархақиқат барча блогерлар, журналистлар ортида шахсан президент турибди экан. "Мен турибман" дегани ҳимоячингизман маъносида эмас балки таъқиб маъносидаги "ортда туриш" экан. Олий мажлис палатасида минбарда туриб сўзловчи А.Саидов сўзларига қайтсак унинг маъноси жуда ачинарли. Яъни, "ҳадеб қийноқлардан гапираверманглар, бу элга келган тўй" – деган маънода тушунилади. У ўз сўзлари давомида айтган: “Албатта, 2015-2016 йилгача бўлган даврда ҳам мен Ўзбекистонда қийноқлар масаласи билан шуғулланганман” – деганига келсак, ўша йилларда жазони ижро этиш муассасаларидан чиққан бир неча қатл қилинган махкумлардан хабардорлигини билдиради. Албатта хабардор! Нафақат хабардор, балки шу қийноқлардан икки дунёда жавобгардир булар!

Биз уларни адолат қилишга чақирмаймиз, зеро қақшаган сахродан сув изланмайди. Биз улардан юрт фаровонлигини умид қилмаймиз, чунки қароқчидан сувоқчилик кутилмайди. Аммо, биз уларни бугун ёки эртага келиши кутилаётган, оламга аллақачон шарпаси сезилаётган Ислом Давлатини адолатли қозиси чиқарадиган ҲУКМдан огоҳлантирамиз. Мободо бу эзгулик шарпаларини сезишдан ҳам махрум бўлсалар Эртанги дахшатли қиёмат кунининг мухосабасидан огох қиламиз.

Аллох таоло "Залзала" сурасининг 7-8 оятларида:

فَمَنۡ يَّعۡمَلۡ مِثۡقَالَ ذَرَّةٍ خَيۡرًا يَّرَهٗ وَمَنۡ يَّعۡمَلۡ مِثۡقَالَ ذَرَّةٍ شَرًّا يَّرَهٗ

Бас, ким зарра оғирлигида яхшилик қилса ҳам кўрадир. Ва ким зарра оғирлигида ёмонлик қилса ҳам кўрадир. – дея мархамат қилган. Эй, дунё қўлимда, ҳалқим чангалимда дегувчилар! Сиз қандаям ёмон танлов устидасизлар!

Ҳизб ут-Таҳрир Ўзбекистон матбуот бўлими аъзоси Зайниддин

20.08.2023й