ОТБ Ўзбекистонга Фарғона водийсида электр таъминотини модернизациялашга 150 млн доллар кредит беради

Осиё тараққиёт банки (ОТБ) директорлар кенгаши Ўзбекистон ҳукуматига Фарғона водийсида электр таъминотини модернизациялашга 150 млн доллар миқдорида кредит беришни мақуллади, дейилади, банк сайтида жойлаштирилган ҳабарда. Кредит маблағи банкни одатий захирасидан 18 млн доллар ва Осиё тараққиёт банкидан 132 млн доллар ажратилади. Кредит келишувига шу йил охиригача қўл қўйиш режалаштирилган. Лойиҳа миқдори 288 миллион доллар бўлган 500 кв қувватига эга бўлган "Наманган" электр станцияси, 501 МВА ли бўлган иккита автотрансформатор билан қурилиши 2013-2015 йилларга мўлжалланган ва яна 175 километр узунликдаги "Янги Ангрен ИЭС-ЭС "Наманган" 500кв юқори кучланишликдаги линия ва 220 квга мўлжалланган 32 километрлик линиялар қурилади. Ўзбекистон лойиҳани амалга оширишга 138 миллион доллар ажратади. Лойиҳа амалга оширилса Фарғона водийсида жойлашган уч вилоят Фарғона, Андижон ва Наманган вилоятлари узлуксиз ишончли электр энергияси билан таъминланади. Ўзбекистон ОТБга 1995 йилда аъзо бўлган. Ўтган вақт мобайнида банк томонидан таълим, соғлиқни сақлаш, энергетика, темир йўл ва автомобил йўллари, қишлоқ хўжалигини такомиллаштириш соҳалари сингари 35 та ҳамкорлик лойихалари учун кредитлар ажратган. Бу лойиҳалар миқдори 8,6 миллиард доллар бўлиб, ундан 3,8 миллиард доллари ОТБ хисобига тўғри келади.

Изоҳ: Капитализм тузимидан келиб чиққан бу банкларни барчаси рибо (судхўрлик)га асосланган бўлиб, улар томонидан ажратилган кредит, ёрдам ва бошқа турдаги пуллар, буни олган давлатни оддий фуқаролари бўйнига қарз бўлиб илинаверади. Ҳозирги кунда Ўзбекистонни ташқи қарзини ҳар бир фуқарога бўлиб ҳисоблаганда 143 долларга тўғри келади. Унга яна ОТБ ажратган 150 млн доллар ҳам қўшилмоқда. Бу олинган қарзларни фоизи эса, кундан-кунга ошиб бораверади. Каримов, унинг оиласи ва атрофидаги амалдорлар Ўзбекистондаги жамиийки моддий бойликларга эга чиқиб олиб, улардан келган даромадларни ўз билганларича сарфлашмоқда, Ўзбекистон ҳалқи эса, қорин тўйдириш ғамида чет ўлкаларда сарсон-саргардон бўлиб юрибти. Агар бу мустабид Каримов фақат ўзини ва оиласи манфаатини ўйламай, Ўзбекистон бойликларини шу ҳалқ учун ишлатганда, одамлар бугунги кундагидек қашшоқ ва хор бўлиб юрмас эди.

Агар Каримов Ўзбекистон бойликларини тўғри сарфлаб, шу эл учун ҳизмат қилганда, Ўзбекистон бир йилда етиштирган пахтадан топган даромадни ўзига бундай электр станцияларидан 5-6 тасини барпо қилиши мумкин бўлар эди.

Агар Каримов Ўзбекистондек олтин заҳираси ва қазиб олиш бўйича дунёда етакчи ўринни эгаллаган давлатни адолат билан бошқарганида, Ўзбекистон бошқа давлат, банк ва ташкилотлардан қарз олиш ўрнига мухтож давлатларга беминнат ёрдам кўрсатиши мумкин бўлар эди.

Агар Каримов фақат ўз чўнтагини ўйлаб, Ўзбекистондан қазиб олинадиган нефть ва газни четга сотиш ўрнига, аввал ўз ҳалқини таъминлаганда, неча йиллардан бери оддий ҳалқ газ ва свет йўқлигидан қийналмаган, қиш ойларида уйини иситишлик учун ҳар-хил газ сўргич ва бошқа воситалардан фойдаланишлик оқибатида қанчадан-қанча уйлар куйиб кетмаган, одамлар куйиш натижасида ногирон бўлиб қолмаган ёки ҳалок бўлмаган бўлар эди. Аммо, Каримовни ҳокимият тепасига олиб келган ва У томонидан амалга оширилган шунча ваҳшийлик ва қирғинлардан кейин ҳам, ҳокимият тепасида ушлаб турган мустамлакачи Капиталистик давлатларни ўзлари ҳам, моддий манфаатни барча нарсадан устун қўйишади. Шунинг учун ҳам бу мабдага эътиқод қилувчилар моддий манфаат турганда бошқа нарсалардан кўз юмишади.

Бундан келиб чиқиб шуни айтиш мумкинки, муаммо битта Каримовда эмас, балки уни қўллаб-қувватлаётган Капиталистик тузумдадир.

Ҳизб ут-Таҳрирнинг Ўзбекистондаги медиа офиси Али

0

0