Қозоғистон ҳукумати зарур телеканаллар рўйхатини тасдиқлади
بِسْمِ اللهِ الرَّحْمنِ الرَّحِيمِ
Қозоғистон ҳукумати зарур телеканаллар рўйхатини тасдиқлади
Қозоғистон ҳукумати республика ҳудудида тарқатилиши зарур бўлган теле- радиоканаллар рўйхатини тасдиқлади, дея хабар қилади Қозоғистон ОАВ.
Мазкур фармойишга Бош вазир Серик Ахметов томонидан 28 декабрда имзо чекилиб, 9 январь, чоршанба куни расмий матбуотда эълон қилинди.
Рўйхатга қуйидаги теле-радиоканаллар: "Казахстан", "Мадениет", "Балапан", "Хабар", "Ел арна", "Kazakh TV", "Билим", "24 KZ", "Астана", "КТК", "НТК", "7 канал", "31 канал", "СТВ"лар киритилган.
Ҳужжат расмий эълон қилинган кундан тортиб тўққиз кунлик муддатдан сўнг кучга киради.
Изоҳ: Қозоғистон ҳукумати сўнгги вақтлар ичида, Қозоғистон прокуратураси сўрови асосида икки муҳолифат гуруҳи ва ўнлаб муҳолиф нашрлар фаолиятини тақиқлади. Бу сўровга кўра, "К+", "Стан ТВ" телеканаллари, "Республика овози", "Взгляд" газеталари, "Ҳалқ Фронти" ва "Алға" каби сиёсий партия ва ҳаракатлар,шунингдек яна бошқа нашрлар фаолиятини тақиқлади.
Мана шундай йўллар ва таъқиб-таъзиқлар орқали Назарбоев ўзига муҳолиф ва ўзини ўрнига келиши мумкин бўлган шахсларни ва Назарбоевнинг қўлида бўлган "Жаш Отан" партиясига муҳолиф бўлиши мумкин бўлган сиёсий партияларга ҳеч қандай йўл қолдирмасликка ҳаракат қилмоқда.
Хозирги кунда ҳукумат томонидан руҳсат берилаётган "расмий" телеканаллар ва нашрлар орқали эса, ҳудди бугунги кунда Ўзбекистонда шаклланиб бўлган "чўнтак" партиялар ва "мустақил" матбуотни пайдо қилишлиги мумкин бўлади.
Ўрта Осиёдаги барча диктатор ҳокимлар, булар Каримов бўладими ёки Имомали Рахмон ва ёки Бердимуҳаммедовлар ўзлари даъво қилишаётган "демократия"ни ўзлари хоҳлагандек тушуниб , ўзлари билганча татбиқ этиб келишмоқда.
Бу республикаларда улкан моддий бойликлар борлиги сабабли, демократия ҳимоячилари бўлган Ғарб давлатларини "сўлаги" оқиб, бу республикаларда бўлаётган ҳар қандай инсон ҳуқуқлари бузулиши, ҳуқуқларни оёқости қилинишидан ва бу республикалар ўзлари қўл қўйган ҳалқаро қарорларга риоя этмаслигидан кўз юмиб келишмоқда.
2011 йил декабр ойида Жанаўзенда норозилик намоишига чиққан ишчилар норозилигини шафқатсиз бостирилишлиги ва 17 одам халок бўлиб 100 дан ортиқ одамни жарохатланишига ҳам "инсонпарвар" Ғарб давлатлари бўлаётган ходисаларга "ташвиш" билдиришдан нарига ўтишмади.
2005 йил 13 май куни Андижонда иқтисодий қийинчиликлар ва адолатсизликлар сабабли тинч норозилик намойишига чиққан минглаб одамларни Каримов буйруғига биноан қириб ташланишига қарши Ғарб давлатлари ҳеч қандай таъсирга эга бўлмаган санкциялар қабул қилишдан нарига ўтишмаган эди.
Шунинг учун ҳам Ғарб давлатларини бу "эркатой"лари ҳеч қандай жавобгарлик ва ҳисобдан қўрқмай, ўз жиноятларини давом эттириб келмоқдалар. Айниқса Каримов бугунги кунда Иттифоқчи кучлар Афғонистондан чиқиб кетишлиги учун Ўзбекистон энг ишончли ва хавфсиз йўл бўлганлиги сабабли, бу "эркатой"лар ичида энг арзандаси бўлиб қолмоқда.
Абдуллоҳ
