بِسْمِ اللهِ الرَّحْمنِ الرَّحِيمِ

Матбуот баёноти

Покистон Толибон ҳаракати гувоҳлиги АҚШнинг Ҳиндистонни қўллаб-қувватлашини тасдиқламоқда

Покистон барқарорлигини таъминлаш учун АҚШ ва Ҳиндистон давлати разведкаларини йўқ қилайлик

2017 йил 26 апрел куни армия Аҳрор ва Покистон Толибон ҳаракати собиқ расмий нотиғи Яқуот Али эътирофларини нашр қилди (уни Эҳсонуллоҳ Эҳсон ҳам дейишади). Бу эътирофлар Покистондаги беқарорликларга Афғонистонга яширинча кириб олган Ҳиндистон разведка агентлигининг таҳлил ва тергов қаноти жавобгар эканини исботламоқда. Зеро, Ҳиндистон разведка агентлигининг таҳлил ва тергов қаноти АҚШ босқинчилигидан сўнг Афғонистондан ўзига хавфсиз бошпана топган.

Ажнабий разведка қўли билан бегуноҳ мусулмонлар қони тўкилишига оид бу маълумот шуни фош этмоқдаки, Навоз-Бажу режими Америкадек бир илоннинг бошини кесиб ташлаш ўрнига, аксинча, минтақада салибчи кучлар ҳозирлигини сақлаб қолмоқда ва бунга ёрдам бермоқда, уларни тўла сиёсий ва ҳарбий жиҳатдан қўллаб-қувватламоқда. Покистон Толибон ҳаракати гувоҳлиги таҳлил ва тергов қаноти ролини нафақат тасдиқлади, балки бу қанот Афғонистонга қандай кириб қолди, деган табиий саволни ҳам келтириб чиқарди. Албатта, фитналар уюштиришга устаси фаранг бўлган Американинг Афғонистонда мавжуд бўлиб туриши Ҳиндистон разведкасининг ҳам мавжуд бўлишига имкон яратганига асло шубҳа йўқ. Зеро, Американинг Афғонистонни уруш қилиб босиб олишидан олдин, Афғонистонда мавжуд бўлиш Ҳиндистоннинг тушига ҳам кирмаган эди. Бироқ ўша пайтда Мушарраф Америкага барча турдаги қўллаб-қувватловни тақдим этгандан сўнг, Афғонистон дарвозаларини Ҳиндистонга очиб берган Вашингтон ҳам ўз навбатида Мушаррафга «миннатдорчилик» билдирган. Ўшандан бери Покистон тепасига бирин-кетин келаётган режимлар, Американинг мавжуд бўлиб туриши учун васийлик ва ҳомийлик ролини адо этиб келишмоқда. Бу ролни Америка буйруқларига итоат қилиш ҳамда америкалик салибчи кучларга ва уларнинг мушрик иттифоқчиларига қарши курашаётган қаршилик ҳаракатини йўқ қилишга «янада кўпроқ ҳаракат» қилиш орқали адо этишмоқда.

Покистон ва бутун минтақадаги беқарорлик ва бошбошдоқликнинг асл сабаби Ҳиндистон ортида турган Американинг Покистонда мавжуд бўлиб туришидир, албатта. Чунки бу ишда Ҳиндистонга АҚШ томонидан имконият яратиб берилмаса, бунга унинг ўзида журъат ҳам, имконият ҳам етишмайди. Анави ҳукмдорлар эса, Американинг мавжуд бўлиб туришига чек қўйиш учун жиддий қадамлар ташлаш ўрнига, юртда унинг разведкаси, дипломатик ҳайъатлари, махсус ҳарбий қисмларининг жойлашувига ёрдам беришмоқда, элчихона, консуллик ва базалари хавфсизлигини ҳимоя қилишмоқда. Яна бу ҳукмдорлар соддадил одамлар олдида ёлғон даъволар қилишдан уялишмаяпти, чунки бу одамлар, унинг шунча қилмишларига қарамай. Америка билан иттифоқчилик қилиш, Покистон хавфсизлиги ва тараққиётини таъминлаш учун керак, деган даъвога ҳануз ишониб келмоқдалар!!

Эй Покистондаги холис зобитлар!

Покистон Толибон ҳаракати эътирофлари Ҳиндистоннинг Покистонга қарши ролини фош этибгина қолмай, балки сиёсий ва ҳарбий муассаса раҳбарлари орасидаги хоинларга нисбатан очиқдан-очиқ айблов ҳамдир. Барчамизга яъши маълумки, Америка Исломнинг, мусулмонларнинг ва Покистоннинг душманидир, Вашингтон Хитойнинг кучайишига ҳамда ҳақиқий Исломнинг қайтишига қарши равишда Ҳиндистонни минтақани назорат қилувчи кучга айлантиришга қаттиқ ҳаракат қилмоқда. Шу боис Американинг Покистонга қарши Ҳиндистонни афғон ерларига жойлаштираётганини била туриб, уни қўллаб-қувватлаш, хоинликнинг айнан ўзидир. Ҳеч шубҳа йўқки, Навоз-Бажу режими душманларимизга, Қабилалар минтақасидаги мусулмонлар орасида ҳамда қуролли кучлар сафида фитна оловини ёқишларига қўйиб берди. Бу режим сиз холис зобитларни илоннинг ортидан эргаштириш ва қаттиқ хавф остида қолдириш билан адаштиряпти. Бунинг ўрнига, сизни Американинг мавжуд бўлиб туришига чек қўйиш сари сафарбар қилиши керак эди, ваҳоланки, бу ишга сиз бир неча соатдаёқ қодирсиз. Шунинг учун сиз Американинг юртимизда ва бутун минтақадаги мавжудлигига узил-кесил чек қўймоғингиз лозим. Бу эса хавф-хатардан сўнг бизнинг ҳолимизни тинчлик-хотиржамликка айлантириб қўядиган Пайғамбарлик минҳожи асосидаги рошид Халифаликни барпо этиш учун Ҳизб ут-Таҳрирга нусрат-ёрдам бермагунингизча амалга ошмайди.

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ

«Аллоҳ сизлардан имон келтирган ва яхши амаллар қилган зотларга худди илгари ўтган зотларни (ер юзига) халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир»                        [Нур 55]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com