Порт-Судандаги «Ҳайюл араб» спорт клуби ёнида сиёсий маъруза
Матбуот баёноти
Порт-Судандаги «Ҳайюл араб» спорт клуби ёнида сиёсий маъруза
Ҳизб ут-Таҳрир – Судан вилояти (ҳижрий 1446 йил 23 жумодулаввал, милодий 2024 йил 25 ноябр душанба куни) Порт-Судан шаҳар бозори жанубидаги катта «Ҳайюл араб» спорт клуби олдида «Мулк Аллоҳники бўлиб, у инсонларга омонат топширилган» номли сиёсий маъруза ўтказди.
Тадбирда Ҳизб ут-Таҳрир аъзоси устоз Яқуб Иброҳим маъруза қилиб, Исломдаги иқтисод тузуми асослари ва унинг Судан бошдан кечираётган кризисларни ҳал эта олиши ҳақида гапирди. У Судан имкониятлари катта эканлиги, бироқ аҳолиси қашшоқлик даражасидан ҳам пастда ҳаёт кечираётгани, бунга Ғарбнинг капиталистик иқтисод тузуми татбиқ этилиши сабаб бўлиб, бу борада Ғарбдаги капиталистик давлатлар ва уларнинг Халқаро Валюта Фонди ва Жаҳон Банки каби мустамлакачилик қуроллари ҳукмронлик қилаётганлиги ҳақида сўз юритди. Устоз, шунингдек – Ислом бойлик мавзусини, яъни унга қандай эга бўлиш, уни қандай сарфлаш ва қандай кўпайтириш масаласини узил-кесил ҳал этганини таъкидлади. Шунингдек, Исломга кўра, иқтисодий муаммо капиталистлар даъво қилганидек бойликнинг танқислигида эмас, балки уни адолатли тақсимлашда эканини таъкидлади. Исломда белгиланган мулк турларига тўхталиб ўтган устоз Яъқуб, Суданда жуда кўп бўлган омма мулкини батафсил тушунтириб ўтди. Устоз Яъқуб, шунингдек, Суданга фақатгина исломий тузумни татбиқ қилувчи кучли давлат кераклигини ва Судан халқи ўз бойликларидан шу йўл билан фойдаланиши мумкинлигини билдириб, бу Аллоҳнинг изни ила Пайғамбарлик минҳожи асосидаги рошид Халифалик давлатида яқинда – Роббул оламиннинг изни ила – албатта рўёбга чиқишини таъкидлади.
Маъруза тинглаганлар ижобий муносабат билдирдилар. Ҳатто шайхлардан бири ўрнидан туриб, такбир айтди ва (Ла илаҳа иллаллоҳ Муҳаммадур Росулуллоҳ) ёзуви туширилган байроқни олиб, «Биз шу байроқнинг ҳилпирашини ва давлат Ислом асосида бўлишини хоҳлаймиз», деди. Яна бир киши «нега давлатимиз адолат ва тинчлик ўрнатилиши учун Ислом тузумини татбиқ қилмаяпти?!», деди.
Устоз Яъқуб саволлар ва мулоҳазаларга нафис тарзда жавоб берди, унинг жавоб ва изоҳлари йиғилганлар томонидан жуда яхши қабул қилинди.
Иброҳим Усмон (Абу Халил)
Ҳизб ут-Таҳрирнинг Судан вилоятидаги расмий нотиғи
