АҚШ Яманда Саудия етакчилик қилаётган коалицияни қўллаб-қувватлашни қайта кўриб чиқишга қарор қилди
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
АҚШ қора юзини ўз малайлари ҳисобига оқлашга уринмоқда
Бундан малайлари тегишли хулоса чиқарармикин?!
АҚШ Яманда Саудия етакчилик қилаётган коалицияни қўллаб-қувватлашни қайта кўриб чиқишга қарор қилди
Яман пойтахти Санъодаги Дор Азода 140 нафар инсоннинг ҳалок бўлишига олиб келган ҳаво ҳужумлари ортидан АҚШ Яманда Саудия етакчилик қилаётган коалицияни қўллаб-қувватлашни қайта кўриб чиқиши ва қисқартириши мумкинлигидан огоҳлантирган.
АҚШ миллий хавфсизлик хизмати матбуот воизи Нед Прайснинг айтишича, «Американинг хавфсизлик масаласида Саудия билан ҳамкорлик қилиши чекланмаган ваколат эмас».
«Бу ҳодиса ва сўнгги пайтларда содир бўлган бошқа ҳодисалар бизни Саудия етакчилигидаги коалицияни қўллаб-қувватлашимизни дарҳол қайта кўриб чиқишга мажбур қилди, аслида ҳам бу қўллаб-қувватловимиз реал даражада қисқартирилган эди», дея қўшимча қилди.
«Биз Америка принциплари, қадриятлари ва манфаатларига ҳар томонлама уйғун келувчи ишларга, шу жумладан, Ямандаги аянчли низони дарҳол ва тоабад тўхтатиш йўлидаги уринишларга доим тайёрмиз», деди.
Саудия етакчилигидаги ҳарбий коалиция президент Абдуроббиҳ Мансур Ҳодийга тарафдор кучларни қўллаб-қувватлаш учун 2015 йил март ойидан буён Яман ичкарисида ҳаво ҳужумларини амалга ошириб келмоқда. (Би-Би-Си Арабий).
Роя газетаси шарҳи:
Саудлар оиласи режими Американинг иттифоқчиси эмас. Балки Ислом ва мусулмонларга қарши урушда қўлловчи унинг қуролларидан биридир. Саудия етакчилик қилаётган ҳарбий коалиция ҳам унинг ўз истаги билан эмас, балки Америка буйруғи билан тузилган. Америка уни Яманда ўнлаб йиллардан буён сиёсий бошқарувга ҳукмронлик қилиб келаётган Британия нуфузини чиқариб ташлаб, ўрнига ўз нуфузини ўрнатиш ёки ҳеч бўлмаганда, у ердаги ўз нуфузига уни ҳам шерик қилиб, Ҳусийларни бошқарувга олиб келиш мақсадида тузган. Ҳусийлар Американинг Ямандаги малайлари ҳисобланади.
Мана, қаранг шу Америкага, Ямандаги Саудия коалицияси содир этган, 140 нафар инсон нобуд бўлган, 500дан зиёди жароҳатланган даҳшатли жиноятдан сўнг, унинг миллий хавфсизлик хизмати воизи Саудия етакчилигидаги коалицияни қўллаб-қувватлашни дарҳол қайта кўриб чиқишга қарор қилишганини, аслида ҳам бу қўллаб-қувватлови реал даражада қисқартирилганини даъво қилмоқда. Шу орқали у мусулмонлар олдида қозондек қорайган юзини оқлашга уриняпти, Саудия етакчилигидаги коалицияни қўллаб, ёрдам кўрсатгани учун душманлари томонидан тутилажак халқаро терговдан ўзини олиб қочишга ҳаракат қиляпти. Бас, шундай бўлгач Америкага ювиндихўрлик қилаётган рувайбизалар бундан ўзларига тегишли ибрат олишармикин, бу давлатнинг ўз манфаатларидан ўзга нарса мутлақо ташвишлантирмаслигини, биринчи муюлишдаёқ бу малайларидан воз кечиб кетаверишини тушуниб етишармикин, ахир, улардан аввалги малайларини ҳам шундай қилганку?!
Роя газетасининг 2016 йил 11 октябр чоршанба кунги 99-сонидан
