Матбуот баёноти

Путиннинг ташрифи нимадан дарак беради?

بسم الله الرحمن الرحيم

Президент Шавкат Мирзиёев таклифига биноан РФ президенти Владимир Путин 26 май куни давлат ташрифи билан Ўзбекистонга келди. Ушбу ташриф Путиннинг янги муддатга сайланганидан сўнг Хитой ва Беларусдан кейинги учинчи хорижий ташрифи бўлди. Руслар жуда катта делегация – Путиннинг таъбири билан айтганда – деярли ҳукуматнинг ярми билан келди. Ташрифнинг асосий тадбирлари 27 май куни бўлиб ўтди. Бу сафар ОАВнинг эътиборини тортган нарса – Мирзиёев ва Путиннинг ташриф бўйича белгиланган вақтдан ташқари ҳам яккама-якка мулоқот қилгани бўлди. Хабарларга кўра, улар тонгги соат учгача музокара ўтказган ва Мирзиеёв Путинни ўз уйига ҳам таклиф қилган. Ушбу ташрифга охирги вақтларда Америка бошлиқ Ғарбнинг Марказий Осиё, хусусан Ўзбекистон билан алоқалари жадаллашиб қолганидан Путин режими хавотирининг кучайгани сабаб бўлди, дейиш мумкин. Путин сайланиб олганидан сўнг Марказий Осиё давлатлари орасида биринчи бўлиб айнан Ўзбекистонга келгани ҳам, Россия учун Ўзбекистон ўта муҳим эканлигига далолат қилади. Президентларнинг яккама-якка мулоқоти белгиланган вақтдан ҳам ўтиб кетгани ва ҳатто Мирзиёев Путинни ўз уйига таклиф қилгани – гўё Ўзбекистон раҳбари ҳали ҳам Россияга содиқ эканлигини кўрсатиш учун қилинган кўринади. Ҳолбуки, Дэвид Кемэрон ташриф буюришидан бир кун олдин Мирзиёев таътилга чиққани сабабли у билан учраша олмаганди. Ёки аксинча, гарчи Путин катта дабдаба билан кутиб олиниб, ушбу ташриф тарихий бўлгани ва бунда жуда катта натижаларга эришилгани айтилаётган бўлса-да, Путиннинг Мирзиёев бошлиқ ҳукуматдан кўп ҳам кўнгли тўлмаётган бўлишининг эҳтимоли ҳам йўқ эмас. Чунки, масалан, АЭС қурилиши 6 йилдан бери ўзбек ҳукумати тарафидан пайсалга солиб келинаётгани сабабли аввалги шартномани янгилаш учун шахсан Путиннинг ўзи келишга мажбур бўлди. Зеро, миллиардлаб долларга тушадиган АЭС қурилиши руслар учун нафақат иқтисодий, балки сиёсий жиҳатдан ҳам жуда муҳим саналади. Бироқ юртимиздаги аксар жамоат фаоллари АЭС қурилиши борасида ўз хавотирларини билдириб, бу Россияга қарамликни янада кучайтиришини айтиб келадилар. Бундан ташқари, Ўзбекистон рус ҳукмронлиги остидаги КХШТ ва ЕОИИ ташкилотларига ҳозиргача аъзо бўлмай келяпти. Ва охирги пайтларда рус пропагандачилари томонидан Ўзбекистонга турли таҳдидли баёнотлар ҳам янгради.

Бошқа тарафдан, Россия Ўзбекистоннинг транспорт-логистика муаммоларини ҳал қилиб беришни ва энергетик эҳтиёжларини қондиришни ҳам ваъда қилмоқда. Хусусан, Ўзбекистоннинг энг заиф жиҳати бўлмиш сув йўлларидан узилганлигини “Шимол-Жануб” халқаро транспорт коридори орқали ҳал қилишга қизиқтирмоқчи бўляпти. Энергетика соҳасида газ ва ёқилғи-мойлаш маҳсулотларини етказиб беришни кўпайтириш ҳам шулар жумласидан. Аввалига рус компаниялари юртимиздаги катта газ конларига эга чиқди, сўнгра давлат ширкатлари томонидан газ қазиб олиш йилдан-йилга қисқариб борди. Бундан икки йил олдинги куз-қиш мавсумида энергетик кризис ниҳоят даражада чуқурлашиб кетганлиги боис ўзбек ҳукумати Россия билан газ битимини имзолашга мажбур бўлди. Мана энди газга бой бўлган юрт рус газига тобе бўлишга қараб кетмоқда. Шунингдек, Россиядан нефт ва нефт маҳсулотлари импорти ҳам йилдан-йилга ошиб бормоқда.

Шуни алоҳида таъкидлаш лозимки, Ўзбекистонда терроризм ва экстремизмга қарши кураш ниқоби остида Ислом ва мусулмонларга қарши курашга эътибор сўнгги вақтларда кучайиб қолди. Айниқса, Путин ташрифи олдидан ҳукумат томонидан турли антиисломий чора-тадбирларни ўтказиш кўпроқ кузатилди. Бу халқимизни Исломдан узоқлаштиришга қаратилган ишлар Ўзбекистонда изчиллик билан амалга оширилаётгани ҳақида Мирзиёевнинг Путин олдида ҳисобот бериши учун қилинганлигидан дарак беради.

Путиннинг юртимизга ифлос қадамларини босиши ҳар бир иймонли кишини хавотирга солиши аниқ. Чунки бу кофир мустамлакачи рус давлати Марказий Осиё ва Ўзбекистон мусулмонлари учун азалий душман. Мана шуларнинг худосиз-коммунист аждодлари юртимизга бостириб кириб, бойликларимизни талон-тарож қилишган, муслима аёлларни зўрлаб, ваҳшийларча қирғинлар содир этишган. Худди ҳозир Ислом даъватини етказаётган мусулмонларни террорист ва экстремист дея айблашга уринаётганидек, рус босқинига қарши курашган мард ота-боболаримизни халқимизга босмачи дея танитишган. Бугун эса гўё ҳеч нима бўлмагандек яна юртимизга бурниларини суқиб киришмоқда ва ўзларини хўжайинлардек тутишмоқда. Ўзбек ҳукумати ҳам тарихда бўлиб ўтган ишлардан ҳеч ибрат олмай, душманларимиз билан ош-қатиқ бўляпти. Уларни рози қилиш учун халқ ичидаги мард ва жасур ўғлонларни таъқиб остига олиб қамаяпти, ўз фуқаролари рус давлати ерларида хорлик ва қарамликка маҳкум қилинаётганини, ҳатто Украина урушига мажбурлаб жўнатилаётганини кўра-била туриб кўрмаганга оляпти, бойликларимизни текинга бериб юборяпти… Халқимиз орасида бу ишларга норозилик кучли эканига қарамай, ҳукумат рус хожасининг қош-қовоғига қараб иш тутяпти. Бундан Мирзиёевнинг халқни рози қилишимиз керак, дея бот-бот оғиз кўпиртириб гапириб келаётганлари қуруқ сафсатадан бошқа нарса эмаслиги яна бир бор ўз исботини топяпти.

Мусулмон халқимизни Россияга ҳар соҳада қарам бўлиб қолишдан фақат бир нарса – Исломни ҳокимият тепасига олиб келишгина қутқаради. Зеро, русларнинг энг кучли тарафи деб ҳисобланадиган армияси, қуролли кучлари улар ўзлари даъво қилганидан анчагина заиф эканлиги Украина уруши фонида яққол кўриниб қолди. Ахир, бу Аллоҳнинг биз мусулмон бандаларига душманларимизнинг заифлигини кўрсатиб қўйиш билан мадад бераётганига далолат қилмайдими?! Ахир, бу аслида бизларга Аллоҳнинг нусрати эмасми?! Ҳеч шубҳа йўқки, ибрат оладиган одамлар учун бунда оят-аломатлар бордир! Аллоҳ таоло деди:

وَلَن يَجْعَلَ ٱللَّهُ لِلْكَـٰفِرِينَ عَلَى ٱلْمُؤْمِنِينَ سَبِيلًا

– “Аллоҳ ҳаргиз кофирлар учун мўминлар устига йўл бермагай”. (Нисо:141)

Ҳизб ут-Таҳрир Ўзбекистон матбуот бўлими

02.06.2024й