Рамазон фатҳу нусрат ойидир
بِسْمِ اللَّهِ الرَّحْمَٰنِ الرَّحِيمِ
Рамазон фатҳу нусрат ойидир
Муборак Рамазон ойида фатҳлар ва улкан ғалабалар амалга ошган. Бу ғалабалар ҳижратнинг иккинчи йили мусулмонлар тутган илк рўзадан бошланди. Ўшанда Аллоҳ Таоло уларни катта Бадр жангида улуғвор нусрат билан сийлади, Макка мушриклари шавкатини синдирди. Кейин ҳижратнинг саккизинчи йили Рамазоннинг йигирманчи кунида Макка фатҳ қилинди ва бу араб мушриклари билан сўнгги кескин учрашув бўлди. Ҳижратнинг ўн учинчи йили мусулмонлар Бувайб жангида форслар устидан нусрат қучдилар. Испанияни фатҳ қилишлари ҳам ҳижратнинг 92 йили Рамазон ойида бўлди. Кейин ҳижрий 223 йил 17 Рамазонда румликлар устидан ғалаба қилиб, Умурияни фатҳ қилдилар. Унинг ортидан Айни Жолут жанги бўлиб ўтди, унда мусулмонлар татарларни ер тишлатдилар ва айни ҳал қилувчи жанг билан уларнинг жабрига, тоғутига буткул чек қўйдилар. Бу ҳам ҳижрий 658 йил 25 Рамазонда бўлди.
Эй мусулмонлар!
Биз бугун танангизга етган жароҳатлардан қонлар шаррос оқаётганига қарамай, сизга ушбу муборак ойда ўтмишда қучган ғалабаларингизни эслатмоқдамиз. Чунки имонимиз комилки, Аллоҳ Ўз авлиёларига албатта нусрат беради, динини ғолиб қилади, Муҳаммад САВ Умматини бу жароҳатларидан куч-қудратга тўлган ҳолда буткул халос этади. Уммат дини ғалаба қилади, тарқоқлик ҳолатидан бирлашиб, унга зулм қилганлар устидан ғалаба қозонади ва Ислом шариатини бутун дунёда барпо этади.
Бутун олам Ислом адолатига муштоқ. У капитализм тузуми зулмидан халос бўлишга талпинмоқда. Бу тузум одамларни ўзининг зулму фасоди исканжасига олиб, дунё халқларини бадбахт қилди. Лекин йирик жиноятчилар Исломга ўзлари, манфаатлари ва нуфузлари учун таҳдид ўлароқ қарашмоқда, Исломни бадном этиш ва Аллоҳнинг авлиёларига уруш қилиш йўлида ўз тоғут малай ҳукмдорларини, қўғирчоқларини, ахборот воситаларини, ҳамма-ҳамма қуролларини ишга солишмоқда… Аммо Аллоҳнинг изни ила, макрлари ўз мағлубиятларига хизмат қилажак. Чунки кўпчилик мусулмонлар қайта куч-қудратларига эриштирадиган ва Роббиларини рози қиладиган йўл Ислом билан, уни татбиқ этиш билан боғлиқ эканини англаб етдилар ҳамда динни қоим қиладиган Халифаликни қоим қилиш сари қадам ташламоқдалар.
Эй муборак замин аҳли!
Аллоҳ Таоло сизни тоатга шошилишингизни кутмоқда, имонингиз ва Ўзи буюрган ҳақни маҳкам ушлашингиз қай даражада эканини кўриш учун сизни синовларга солмоқда. Аллоҳ Таоло бундай деди:
أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ ۖ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّىٰ يَقُولَ الرَّسُولُ وَالَّذِينَ آمَنُوا مَعَهُ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ
«Ёки (эй мўминлар), сизлардан илгари ўтган зотлар ибрати сизларга келмай туриб жаннатга киришни ўйладингизми? Уларга бало ва мусибатлар (устма-уст) келиб, шундай ларзага тушган эдиларки, ҳатто пайғамбар ва иймонли кишилар: «Ахир қачон Аллоҳнинг ёрдами келади?» дейишган эди. (Шунда) уларга бундай жавоб бўлган эди: Огоҳ бўлингизким, Аллоҳнинг ёрдами яқиндир» [Бақара 214]
Шубҳасиз, бизнинг куфрга ва куфр режимларига қарши олиб бораётган жангимиз ҳал бўлиш арафасида. Золим подшоҳлик қасри вайрон бўла бошлади. Ислом Умматининг Шом, Яман, Миср каби юртларда ҳаракатга келгани буюк бир яхшилик ҳақида хушхабар бермоқда. Зеро, ҳақ билан ботил ўртасидаги курашда кўпик-чиқинди вужудга келади, лекин Аллоҳнинг изни ила, бу кўпик тез орада қуриб йўқ бўлиб кетади, яхшилик-ҳақ эса тоза ҳолда қолиб, одамларга фойда келтиради. Аллоҳ Таоло бундай деди:
أَنْزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَابِيًا ۚ وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِثْلُهُ ۚ كَذَٰلِكَ يَضْرِبُ اللَّهُ الْحَقَّ وَالْبَاطِلَ ۚ فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ ۚ كَذَٰلِكَ يَضْرِبُ اللَّهُ الْأَمْثَالَ
«(Аллоҳ) самодан (сел) ёғдирганида жилғалар тўлиб оқиб, сел ўз устида кўпикларни ҳам кўтариб келади, (одамлар) зеб-зийнат ёки асбоб-ускуна ясаш учун ўтда эритадиган нарса-маъданлардан ҳам шунга ўхшаш кўпик (чиқинди пайдо) бўлади, Аллоҳ ҳақ билан ботилни мана шундай (мисол билан) баён қилади, энди, у кўпик-чиқинди ўз-ўзидан йўқ бўлиб кетади, одамларга фойдали бўлган нарса эса Ер юзида қолади, Аллоҳ мисолларни мана шундай баён қилади» [Раъд 17]
Аллоҳ Таолонинг Ўз Росули САВга берган нусратлари ичида энг буюги, ансорийлар жамоаси бўлди. Аллоҳ бу жамоа билан Мадинаи Мунавварада Ислом давлатини барпо этди. Шунинг учун биз барча мусулмонларни шундай муборак кунларда қудрати кенг Аллоҳга янада мустаҳкам боғланиб, Росулуллоҳ САВ башорат берган Халифаликни барпо этишга биз билан бирга ҳаракат қилишга даъват қиламиз, қудрат ва ёрдам аҳлидан худди ўша ансорлар каби динимизга ансор бўлишни талаб қиламиз, токи, Бадр кунги нусрат ва Маккадаги фатҳ мисоли мусулмонларга қудрат майдони сари етакчилик қилайлик.
وَيَوْمَئِذٍ يَفْرَحُ الْمُؤْمِنُونَ* بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ
«Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат эгасидир» [Рум 4-5]
Ҳизб ут-Таҳрир 16 рамазон 1436ҳ
Муборак ер Фаластин 3 июл 2015м
