Роҳинга мусулмонлари Мьянма-Бангладеш-ўлим қайиқлари орасида
بِسْمِ اللهِ الرَّحْمٰنِ الرَّحِيمِ
Роҳинга мусулмонлари Мьянма-Бангладеш-ўлим қайиқлари орасида
«Monte Carlo Doualiya» веб-сайти (ҳижрий 1444 йил 2 жумодуссоний, милодий 2022 йил 26 декабр душанба куни) бундай хабар тарқатди:
«Душанба куни БМТга қарашли ахборот агентлигининг Рейтерга айтишича, Бангладеш лагерларидаги оғир шароит сабабли қочқинлар у ердан қочишга ҳаракат қилганлар. Оқибатда, 180 нафар роҳинга мусулмонлари минган қайиқ чўкиб кетган ва бу ҳодиса 2022 йилни ушбу этник гуруҳ учун энг ёмон йиллардан бирига айлантирган.
Бир миллионга яқин роҳинга мусулмонлари Мьянмадан қочиб, аксар аҳолиси мусулмон бўлган Бангладешдаги тиқилинч лагерларга жойлашганлар… Улардан ўн минглаби 2017 йилдаги Мьянма армияси томонидан содир этилган қатли омдан сўнг ўз ватанларидан қочиб келган роҳингаларни ташкил қилади.
Аксар аҳолиси буддист бўлган Мьянма роҳинга мусулмонларини Жанубий Осиёдан ноқонуний кўчиб келган, деган даъво билан улардан кўпчилигига фуқаролик беришдан бош тортиб келади».
Роя:
Роҳинга мусулмонлари Мьянма ҳукумати томонидан амалга оширилаётган қирғин, номусга тажовуз ва ўз ерларидан этник тозалаш операцияларига дуч келмоқдалар. Улардан маълум қисми Бангладешга қочиб келган. Аммо у ердаги яшашга яроқсиз қамоқ лагерларида қуршовда қолиб, очликдан ва таъқиблардан азоб чекдилар. Ҳасина ҳукумати улардан хориж ёрдамларини олишда ва ички сиёсатда айёрлик билан фойдаланди. Шунинг учун у ердаги роҳинга мусулмонлари денгиз тўлқинларига дош беролмайдиган эски қайиқларда денгиз бўйлаб номаълум манзилларга бориш учун ўзларининг бор-буд жамғармаларини сарфладилар ва учқундан қочиб оловга йўлиқдилар! Тайланд, Малайзия ва Индонезия каби қўшни давлатлар эса, уларни мамлакатга киритмай, чўкиб ўлишларига қўйиб беришди!
Гарвард университети томонидан олиб борилган «Қочқинлар лагерининг геосиёсий стратегияси», деб номланган тадқиқотда бундай дейилади: «Қочқинларга мезбонлик қилувчи турли ривожланаётган давлатлар ва дунёнинг етакчи давлатлари қочқинларни ё чегара яқинидаги яроқсиз лагерларда сақлашяпти ёки ўзларининг геосиёсий манфаатларига қараб уларни қабул қиладиган бир неча давлатларнинг ерларига тарқатиб юборишмоқда».
Аллоҳнинг изни ила, яқинда барпо бўлажак Халифалик инсонларни, улар хоҳ мусулмон, хоҳ ғайримусулмон бўлсин, бундан қатъий назар, кризисга киритиб қўйиш билан ҳаргиз ўзининг сиёсий мақсадларига интилмайди. Чунки Халифалик давлати нафақат мусулмонларнинг ҳаёт ва ҳурматларини ҳимоя қилади, балки бутун дунёдаги қувғинга учраганлар учун бошпана вазифасини ўтайди. Мисол учун милодий 1492 йилда Усмоний халифа Боязид II Испаниянинг қувғинига учраган ва сургун қилинган яҳудийларга ўз дарвозаларини очиб, уларни мусулмон жамиятига қўшган. Боязид «Кимда-ким мусулмонлар ҳимоясида яшашни истаса, Халифалик давлатига кириши ва у ерда тинч яшаши мумкин», дея эълон қилган. Мана буюк Ислом, мана унинг аҳкомлари ва давлати.
Роя газетасининг 2022 йил 11 январ чоршанба кунги 425-сонидан
