بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Роҳинга мусулмонларига ёрдам бериш БМТ зиммасида эмас,

исломий юртлар армиялари зиммасидадир

Абу Ҳамза Хутвоний қаламига мансуб

Роҳинга мусулмонлари азоб-уқубатлари ҳамон давом этмоқда. Исломий олам давлатлари уларни ҳануз ёрдамсиз қолдириб келяпти. Халқаро ҳамжамият бу бечораларга қарши содир этилаётган қилмишлардан кўзини юмиб, бунга фақат хавотир изҳор қилиш, таассуф билдиришдан нарига ўтмаяпти.

Жинояткор будпараст Мьянма (Бирма) давлати босқини остидаги Аракан вилояти мусулмонлари аччиқ қора кунларни бошдан кечираётган бир пайтда, бунга чек қўйиш, ҳеч бўлмаса, оқибатларини енгиллатиш учун бундай воқелик «халқаро оила» томонидан жиддий қарши олинмади.

Дарҳақиқат, Бирма президентлик аппарати матбуот воизи роҳинга қишлоқларидан 176таси аҳолидан бутунлай бўшаб қолганини, бошқа 34тасидан баъзи аҳоли тарк этганини эътироф этди. Албатта бу яқинда Аракан вилоятида гувоҳи бўлинган зўравонлик ҳодисалари ортидан шундай бўлди. Бироқ матбуот воизи шунча қишлоқнинг нега аҳолидан бўшаб қолиши сабабини айтмади. Роҳинга қишлоқларига ўт қўйиш ҳамон давом этаётганини айтган гувоҳларнинг гувоҳлиги бунинг ҳақиқий сабабларини кўрсатиб берди. Демак, аҳолининг кўчишига уй-жойларга мунтазам ўт қўйилиши бевосита сабаб бўлмоқда. Бунинг устига, бу мусулмон халқ, қирғин, ёқиб юбориш, қийноққа солиш, номусга тажовуз қилиш, қамал, оч қўйиш, таҳдид қилиш, мол-мулкларини талон-тарож қилиш, қочқинга айлантириш каби репрессия ва қасддан жазолашларга дучор бўлмоқда.

Қишлоқларга қасддан ўт қўйиш услубидан, роҳинга мусулмонларини ўз ватанларидан бутунлай ҳижрат қилишга ва қишлоқларига қайтиб кела олмасликка мажбур қилиш кўзланган. Сўнгги уч ҳафта ичида муҳожирлар сони тўрт юз мингдан ортиб кетди. Бу Араканда қолганларнинг ярмини ташкил қилади. Бундай мажбурий кўчириш халқаро қонун тили билан айтганда ирқий тозалаш, дейилади ва халқаро ҳамжамиятга ҳар қандай имкониятдан фойдаланган ҳолда буни дарҳол тўхтатиш вазифасини юклайди.

Роҳинга муҳожирларининг азоб-уқубатлари, бутпараст бирмаликлар қўлидан қочиш билангина тугамайди. Тинч бошпана бўладиган ерга етиб олиш учун қуруқлигу денгиздаги чегаралар бўйлаб юриш билан навбатдаги азоб-уқубатлар босқичи бошланади.

Бир неча кун ва тун пиёда йўл юриб, қўшни Бангладешга ўтиш учун соҳилга етиб келишганда эса, бу қонхўр Бирма ҳукумати уларга нисбатан ёмон муомала ва ғоят таҳқирловчи муносабат кўрсатмоқда. Ҳукуматдан сўнг уларни талон-тарож қилиш очкўз қайиқчиларга қолган. Улар бу бечораларни қўшни қирғоққа элтиб қўйиш эвазига, аёллар тақинчоқлари, чорва ҳайвонлар каби мол-мулкларини талашяпти. Агар бермайдиган бўлишса, у ёқда жинояткор бутпараст жангариларнинг пулемёт ва автоматларига нишон бўладилар.

Халқаро Ёрдам ташкилоти бундай хабар қилади: «Айни мажбурий ҳижрат чоғида ғайриинсоний шароитда 130дан зиёд фарзанд кўриш ҳолати рўй берган, оддий тиббий ёрдам даражаси ҳам йўқлиги, озиқ-овқат ва тиббий ашёлар етишмаган бир муҳитда кўпчилик аёллар туғиш чоғида ҳаётдан кўз юмган, баъзи гўдаклар ўлиб қолган, аёлларнинг туғишдан олдин ва кейин дам олишлари ҳақидаку гапиришнинг ҳожати йўқ. БМТнинг болларга оид ташкилоти ЮНИСЕФга кўра, Бангладешдаги роҳинга қочқинлари сони тўрт юз мингга етган, улардан 220 минги ёш болалардир».

«Мьянмалик аскарлар қишлоғимиздаги ҳар бир уйни, далаларни ёқиб чиқишди, мен оилам билан соҳилга қочдим, қочув чоғида жуда ёмон вақтларни бошдан кечирдим, чунки етти кун тўхтовсиз йўл юрдим, бошқалар билан бирга уч кун ўрмонда қамалда қолиб кетдик, ўнлаб қўшниларим ва қариндошларимнинг қирғинини ўз кўзларим билан кўрдим», дейди Амина Хотун исмли бир қочқин аёл.

БМТ роҳинга мусулмонларини дунёда энг кўп репрессияга учраганлар, дея эътироф этади, ўнлаб йиллардан бери уларга қарши зўравонлик амалиёти содир этилганини ва ёмон муносабат қилинаётганини, уларда адолатга эришиш умиди қолмаганини, дунёда уларга қулоқ солувчи топилмаётганини тан олади… Шуларнинг барчасини тан олса-да, аммо бу ташкилот уларга чек қўйиш учун бирор нарса қилишдан ожиз.

Ўз-ўзидан савол туғилади: Ўнлаб йиллардан бери бу бечораларни бутпарастлар дўзахидан бир оз бўлса ҳам енгиллатишга нима сабабдан БМТ ожизлик қилади, нега халқаро ҳамжамиятнинг қўлидан ҳеч нарса келмайди?!

Бунинг жавоби қуйидагича:

Халқаро ҳамжамият мустамлакачи, очкўз, Ислом ва мусулмонларга гина-адоват туювчи йирик кофир давлатлардан иборат. Бу ҳамжамият АҚШ, Россия, Британия, Франция, Хитойдан иборат бешта доимий аъзо давлатлар ҳамда Германия ва Ҳиндистон каби доимий бўлмаган ўнта давлатлар дохил Хавфсизлик Кенгашини тамсил қилади. Бинобарин, улар мусулмонларга етаётган мусибатларга парво қилишмайди. Чунки мусулмонлар заиф ва халқаро позицияда таъсирга эга эмас. Халқаро ҳамжамият эса, кучли давлатлардан бошқа ҳеч кимни тан олмайди.

Хитой хавфсизлик ва барқарорликни муҳофаза қилиш учун Аракандаги хавфсизлик амалиётлари борасида Мьянма ҳукуматини қўллаб-қувватлашини очиқ расман маълум қилди. Россия билан Ҳиндистон ҳам шундай қилди, фақат юмшоқроқ оҳангда. АҚШ Бирма ҳукуматидан бундай хавфсизлик кампаниясини тўхтатишни талаб қилди, лекин унга роҳинга азоб-уқубатлари жавобгарлигини юклагани йўқ. Британия муаммони Хавфсизлик Кенгашига кўтарди, бироқ бу кенгаш мана шундай юмшоқ-субутсиз позицияси сабабли асл муаммони ҳал қилишга муваффақ бўлолмади. Шундай қилиб, азоб-уқубатлар давом этиб, турли хил тус олди.

Бундан ташқари, муаммонинг иқтисодий қирраси ҳам бор. Бирма улкан миқдорда нефт ва газ захирасига эга, кўплаб маъданлар, жумладан, катта миқдорда олтин бор. Бу эса йирик давлатлар сўлагини оқизиб, Америка ва Хитойни айни бойликларни ўзлаштириш мақсадида Бирма ҳукумати томонида туриш учун ўзаро кучли иқтисодий рақобат қилишга ундади. Зеро, бу давлатлар айни ҳолатда кичик халқларга эътибор бермайди, айниқса, улар мусулмон халқ бўлса.

Исломий юртлар ҳукмдорлари хоин, малай ва ожиз бўлишгани боис ўз вазифаларини адо этишда сусткашлик қилишади, бу эса айни мусибатнинг бош сабабчисидир. Мусибатнинг тўхтамаётганидан шу нарса ўз тасдиқини топмоқдаки, бу мусибатга ҳам, мусулмонларнинг бошқа турли мусибатларига ҳам фақат битта ечим бор, у ҳам бўлса, мусулмонлар дахлсизлигини ҳимоя қилувчи мустақил ҳарбий потенциалдан фойдаланишдир. Чунки роҳинга мусулмонлари билан бир қаторда, бутун дунёдаги мазлум мусулмонларга нусрат-ёрдам бериш мусулмон армияларнинг вазифаси. Зеро, нусратга қодир куч-қудратга шулар эга. Бу вазифани уларга Ҳақ Субҳанаҳу ва Таоло

وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ

«Агар улар сизлардан дин йўлида ёрдам сўрасалар, нусрат-ёрдам бериш зиммангиздадир» [Анфол 72]

деган, каломи орқали фарз қилган. Бироқ улар бу ишни Ислом давлати орқалигини амалга ошира олади. Чунки исломий юртлардаги мавжуд миллий ва фуқаровий давлатлар ўз армияларини ўзларига чизиб берган рамкадан ташқарида ҳаракатлантира олмайдиган ожиз, малай ва заиф давлатлар эканини воқелик исботлаб турибди. Шунинг учун Пайғамбарлик минҳожи асосидаги рошид Халифалик давлатини барпо қилиш лозим… Чунки фақат унинг армиясигина чегараларни ошиб ўтиб, мусулмонлар дахлсизлигини мудофаа қилишга ва айни дахлсизликни бузиш тўғрисидаги шайтон васвасасига тушганки ҳар қандай давлатдан интиқом олишга қодирдир.

Роя газетасидан олинди

+1

0