بِسْمِ اللهِ الرَّحْمٰنِ الرَّحِيمِ

Матбуот баёноти

Роҳингалар бир оловдан бошқа оловга ташланмоқда

Фақат Халифалик давлатигина Уларни қутқаради ва ҳақ-ҳуқуқларини қайта олиб беради

Xaлқаро Миграция ташкилоти Бангладешнинг Кўкс-Бозор шаҳридаги «COVID-19» даволаш марказида даҳшатли ёнғин чиққани ҳақида хабар берди. Мьянмадан келган қочқинлар яшовчи ушбу лагердаги ёнғин 2022 йил 9 январда юз берган. БМТ агентлиги ўзининг твиттердаги саҳифасида ёнғинда ҳеч ким жабрланмаганини, аммо ҳодиса минглаб роҳинга қочқинларига салбий таъсир кўрсатганини, 900.000га яқин қочқин истиқомат қиладиган дунёдаги энг йирик қочқинлар лагерига жиддий зарар етганини билдирди.

Кўкс-Бозор лагеридаги чодирлар бамбук ва брезентдан ясалган ва бир-бирига туташ чодирлардан иборат… Бу эса, қочқинлар машаққатлари ва қўрқувларини ошираётган ёнғиннинг тез тарқалишини осонлаштиради.

Таъкидлаш лозимки, айни лагер бу ва бошқа ҳодисаларга биринчи марта учраётгани йўқ. Масалан, 2021 йил март ойида ҳам 10000 чодир ёниб кетган ва 45000 нафар шахс кўчирилган. 2021 йилдаги кучли мавсумий сув тошқинлари 46000 қочқинга таъсир қилган ва ҳалокатли кўчкиларга сабаб бўлган.

Маълумки, Мьянмадаги биродарларимиз қонхўр режимнинг қишлоқларга ўт қўйиш, ўлдириш, ва таъқиб қилиш каби этник тозалаш операциясига дучор бўлганлар. Аммо Мьянма режими буни инкор этиб, исломий «экстремистлар»га қарши курашаётганини даъво қилиб келади. Бироқ, аслида, бу режим азбаройи Ислом ва мусулмонларни қаттиқ ёмон кўрганлигидан келиб чиқиб, мусулмонларни қирғин қилмоқда ва қолганларини диндан қайтаришга ҳаракат қиляпти.

Биродарларимиз у ердаги ўлимдан қочиб, тинч яшаш умидида қўшни давлатга қочиб келгандилар. Бироқ, Бангладеш ҳукумати буни таъминлаб бермади ва оқибатда улар ёмғирдан қочиб, дўлга тутилдилар! Чунки ёнғинга мойил бамбук ва брезент чодирлар уларни на ёнғинлар оловидан сақламоқда, на қаҳратон қиш совуғидан ва на сув тошқинларидан. Зеро, буни бошпанасиз бошпана дейиш мумкин! Чунки ҳукуматнинг бу ишидан унинг юзаки иш тутаётгани, ўз ерида қочқинларнинг бўлишини истамаётгани кўриниб турибди. Зеро, у қочқинларни – айниқса 2017 йил август ойида бошланган ва ҳаётларига таҳдид солаётган шафқатсиз қирғиндан кейин ҳаётлари хавф остида қолган бўлишига қарамай – Мьянмага депортация қилиш ва юртларига қайтариб юбориш ниятида эканини бир неча бор таъкидлади.

Бангладеш ва бошқа юртлардаги мусулмон қочқинлар аҳволи шуни кўрсатиб турибдики, шубҳасиз, исломий юртлар тепасидаги бугунги мавжуд ҳукуматларнинг барчаси душманлар билан тиллари бир… Чунки ўз юртларида террорист ва экстремист, деган тамға остида зулмга учраб, қўшни мусулмон юртларига қочиб чиққан мусулмонлар у ерларда яна хорлик ва хўрликка учрамоқдалар. Улар ўзларининг хавфсизлиги, тинчлиги ва бошпанасини йўқотганлари учун бу ҳукуматлардан тинч ҳаёт топиш илинжида келгандилар. Аммо умидлари пучга чиқиб, ёнғин, қўрқув, шафқатсизлик ва ўлимга дучор бўлмоқдалар.

Эй Ислом Уммати!

Булар жиноятчиларнинг зулмига учраган биродарларимиз. Уларни қийноққа солиб, бечора-заиф аҳволда юртларидан қувиб солишди… Бу биродарларимиз ўз динларини ҳимоя қилиш учун юртларини ташлаб чиқишди, динларини ўзгартирганлари йўқ. Анави ҳукуматлардан хавфсизлик ва тинчлик қидирган эдилар, лекин умидлари пучга чиқди. Бундай кимсалардан ҳимоя ва хавфсизлик сўраладими? Ахир, улар кофирларга эргашган малайлар бўлиб, мусулмонларни қувғин қилиш ва динларига қарши курашда улар билан ҳамкорлик қилаётган бўлса…

Эй Ислом Уммати!

Бу биродарларимизнинг азоб-уқубати қачонгача жавоб этади?! Сизнинг сукутингиз сабабли Аллоҳнинг душманлари қачонгача фарзандларингизга азият беради?! Бас, қўзғалинг ҳамда эгнингиздан хорлик ғуборини қоқиб ташланг. Чунки Аллоҳга қасамки, сиз ҳозирги ҳолатингиздан рози бўладиган Уммат эмассиз. Зеро, Аллоҳ Таоло Ислом Умматини инсонлар учун энг яхши уммат қилиб чиқарган.

Биз Ҳизб ут-Таҳрир марказий матбуот бўлимининг аёллар қисми аъзолари куч-қудрат аҳли орасидаги ҳар бир холис кишини бизнинг Аллоҳ нозил қилган аҳкомларни қайта татбиқ қилиш ва рошид Халифалик даъватини барпо этишга бўлган даъватимизни қабул қилишга чақирамиз. Чунки ёлғиз ушбу давлатгина ҳар бир мусулмон ва муслимани, ер юзидаги ҳар бир жонзотни зулмдан ҳимоя қилади. Шунингдек, биз Уммат уламоларига ҳам мурожаат қиламизки, Аллоҳнинг калимасини олий қилишга ёрдам бериб, Аллоҳнинг меросхўрлари мақомига муносиб равишда, Уммат ҳолини ислоҳ қилишга ҳаракат қилинг. Ҳукмдорларингиз олдида баралла ҳақ сўзни айтиб, Умматингизни бирлашишга, ҳокимиятини қайта барпо этишга даъват қилинг.

Мусулмон эркак ва аёлларни ушбу динга нусрат бериш ва уни дунёга ҳукмрон қилиш учун биз билан бирга фаолият қилишга ва бутун дунёдаги биродарларимиз ва опа-сингилларимизга ёрдам беришга чақирамиз. Бундай шафқатсизлик, репрессия, хорлик, таҳқирлов ва қашшоқликка мусулмонлар учун бир давлатни барпо қилиш билангина барҳам берилади. Зеро, бу давлат уларнинг қадр-қимматини ҳимоя қилиб, барча зўравонликни улардан даф қилади.

Аллоҳ Таолога дуо қилиб, Умматни бирлаштиришини, унга нусрат бериб, тезроқ кечиктирмай қайта улуғ мақомига уни олиб чиқишини сўраймиз.

Ҳизб ут-Таҳрирнинг марказий матбуот  бўлими аёллар қаноти