بسم الله الرحمن الرحيم

Роҳинья мусулмонлари бутпарастлар болғаси ва мусулмон ҳокимлар сандони орасида қолмоқдалар

Хабар:

“The Times” газетаси Халқаро миграция ташкилотининг бош директори Уильям Лейси Свингнинг Мьянмадаги зулмлардан жон сақлашга уринаётган қочқин роҳиня мусулмонлари ҳақида сўз юритилган мақоласини чоп этди.

Муаллифнинг таърифлашича, роҳинялик қочқинлар моддий ва психологик ёрдамга ўта муҳтож. Унинг билдиришича, ўтган ойда Бангладеш пойтахти Даккадаги ташкилот расмий вакилидан Мяьнманинг Ракхайн вилоятидан қочаётганларнинг янги тўлқинлари ҳақида билдиришнома олган. Улар Мьянмада 2016 йилнинг октябрида бошланган зўравонликлардан қочиб келган 80 мингдан ортиқ Роҳиняликларга бошпана берган  Бангладешнинг Кокс-Бозор жамлоғидан бошпана топишган.

 У Бангладешга роҳинялик мусулмонлар оқими кириб келишда давом этаётганини қўшимча қилди; шу йилнинг август ойида қочқинлар сони ярим миллиондан ошиб кетган. Унинг ёзишича, қочқинларнинг бошидан кечирган азоблар, қотиллик, зўрлашлар, тириклайин ёқиб юборишларни кўриб бутун дунё ғазабланмоқда. Свингни таъкидлашича, икки давлат чегарасининг ҳар икки томонида юз бераётган инсоний ҳалокатни олдини олиш учун халқаро ҳамжамият бу ваҳшийликларни тўхтатиши керак. Яна у Бангладеш ҳукумати қочқинларни турар жой, сув, озиқ-овқат, тиббий ёрдам билан таъминлаш учун кўмак бериши ҳамда Кокс-Бозор жамлоғида кундалик ёғингарчилик сабабли лойда (бу сўзнинг тўғридан тўғри маъносида) яшаётганларга ғамхўрлик қилиши кераклигини таъкидлаган.

У тоза ичимлик суви ва канализация йўқлиги туфайли турли юқумли касалликлар тарқалиши хавфи мавжудлигини, шунингдек зўравонликларга дучор бўлган аёллар керакли тиббий ва психологик ёрдамсиз қолаётганини қўшимча қилди. Аёллар ва болаларнинг ҳимояси йўқлиги сабабли улар қул савдогарларига осон ўлжа бўлмоқдалар (“ВВС”).

Изоҳ: Мусулмонлар бир томондан – Араканда буддистлар томонидан этник ва диний тозалашларга дучор бўлаётган бўлса, бошқа томондан – исломий юртлар ҳокимларининг тошбағирликлари ва сукут сақлаб туришлари орасида қолмоқдалар, улар ҳамон қатли ом қилинмоқдалар (бунга ёрдам бераётганларни Аллоҳ ҳалок қилсин!), бироқ мусулмонлар фақатгина Араканда қирғин қилинмаяпти, бу дунёнинг барча ерларида содир бўлмоқда. Масалан, Хитойда мусулмонлар қамоққа олинмоқдалар ва қийноққа солинмоқдалар, кундалик ибодатларни бажаришдан маҳрум қилинмоқдалар, эътиқодларига қарши очиқ кураш олиб борилмоқда; Россия, Европа, Марказий Африка, Нигерия, Кашмир, Ҳиндистон ва бошқа давлатларда ҳам мусулмонлар ўлдирилмоқда, қамоққа олинмоқда, азобланмоқда, уларга нисбатан шафқатсиз муносабатда бўлинмоқда. Бу ҳатто Сурия, Афғонистон, Ироқ, Миср, Кения каби аҳолисининг кўпчилигини мусулмонлар ташкил қиладиган минтақаларда содир бўлмоқда. Бугунги кунда Ислом татбиқ этилиши кераклигини айтган ёки талаб қилган ҳар қандай одам ўлдирилмоқда ёки қамоққа ташланмоқда. Иш шу даражага етиб бордики, бутун бошли ҳалқлар зулм ва зўравонликлардан қутулиш учун қочқин бўлишга мажбур бўлмоқдалар, чунки бугунги кунда ўзини бутун дунё мусулмонлари учун масъул деб ҳисоблайдиган, Исломга асосланиб ҳукм юритадиган Ҳорун ар Рашид, Мўътасим, Абдулҳамид II каби одил ҳоким йўқ.

Бангладешнинг ҳам, қолган Сайкс-Пико давлатлари раҳбарларининг ҳам ҳақиқати шундан иборатки, уларнинг бу одил ҳукмдорларга ҳеч қандай алоқаси йўқ, аксинча, малай ҳокимлар мусулмон роҳиняликларни Мьянма ҳукумати ва армиясининг зулм ва зўравонликларидан қочиш имкониятидан маҳрум қилишмоқда. Бутун дунёдаги мазлум мусулмонларга ёрдам бера оладиган, уларни Аллоҳнинг қонунлари билан одилона бошқарадиган ягона давлат – бу Халифалик давлатидир.

Аҳмад Абу Қуддум

Ҳизб ут-Таҳрирнинг Марказий матбуот бўлими радиоси учун махсус