Россия Сурияни қушхона ва тирик нишонлари бўлган тир деб ҳисоблайди
بسم الله الرحمن الرحيم
Россия Сурияни қушхона ва тирик нишонлари бўлган тир деб ҳисоблайди
Хабар:
Россия Ташқи ишлар вазирлигининг расмий вакили Мария Захарова Hürriyet газетасининг Челик Алпарслон билан бўлган интервьюни чоп этганлигидан ғазабда эканлигини билдирди, бунга сабаб, интервьюда яқинда Сурия ҳудудида уриб туширилган Россиянинг Су-24 самолёти экипажи командирини Челик Алпарслон отиб ташлаганини билдирган. “Туркиянинг энг илғор ва марказий газеталаридан бири қотил ва террористга, амалга оширган жинояти билан мақтаниши ҳамда Россия ва рус халқига нисбатан нафратга тўла бўлган миллий мафкурани ёйиши учун минбар ҳозирлаб берди”, — деди Мария Захарова.
Изоҳ: Россия Ташқи ишлар вазирлиги вакилининг бу баёноти Россиянинг жирканч иккиюзламачилигидир ҳамда Суриядаги мусулмонларга қарши операциясига нисбатан позициясининг ёлғон ва виждонсизликдан иборатлигига ёрқин бир мисолдир. Россия Ташқи ишлар вазирлигига қуйидагича ўринли савол бергимиз келади: “Ким сизларга мусулмонлар ҳудудига бостириб киришга рухсат берди? Мусулмонларни бомбалашга, шунингдек бундай ёвузликларингизга индамай қараб туришларини сурбетларча талаб қилишга нима ҳаққингиз бор?”
Ахир Су-24 учувчилари бу жойдаги тинч аҳоли бошига бомбалар ёғдирмаганмиди? Қизиқ, Россия бомбалашларига нисбатан Сурия халқи томонидан қандай муносабатни кутган экан? Балки, ҳозиргина яқинлари ва қариндошларидан, уй ва бутун мол-мулкидан айрилган одамлар, ҳозиргина бошларига бомба ёғдирган учувчини қучоқ очиб кутиб олишлари, қорнини тўйғазишлари ва русларнинг Латакиядаги Хмеймим авиабазасига элтиб қўйишлари керакмиди?
Россия Алпарслонни учувчини ўлдиргани ва чет давлати ҳудудидаги ҳарбий иштироки учун қўлга олиб, жазолашни талаб қилмоқда, ҳолбуки бу вақтда, Россиянинг ўзи камида иккита давлат – Украинанинг Жануби-Шарқи ва Сурия – каби давлатлар ҳудудларидаги ҳарбий компанияларда иштирок этмоқда! Наҳотки, бу одамларда уят ва ор-номусдан бир томчи ҳам қолмаган бўлса?
Сўнгги вақтларда, Россиянинг сиёсий раҳбарияти ўзининг каззоб ва ифлос башарасини тез-тез намоён қилмоқда, мусулмонларга худди қаршилик кўрсатмаслиги керак бўлган қушхонадаги ҳайвонлардек муносабатда бўлаётганларини кўрсатмоқда. Бу айниқса, 2015 йил 17 декабрда ўтказилган матбуот конференциясида Путиннинг қуйидаги баёнотида ҳам аниқ билинди: “Россиянинг ҳарбий-космик кучлари бюджетга зарар келтирмай Сурияда анча вақт машқ қилишлари мумкин”. Демак, Россия президентининг фикрига кўра, Сурия – бу машқ ўтказиладиган лагер, Сурия мусулмонлари эса – тирик нишонлар, уларни ўлдириш мумкин ва бунинг учун ҳеч қандай жавобгарликка тортилмайди. Бунинг устига, улар яна сурбетларча ўз ҳаёти, уй-жойи ва оиласини ҳимоя қилганларни жазолашни талаб қилмоқдалар.
Россия бир неча юз минг тинч аҳолини ўлдирган Асадни қўлламоқда, у ўз халқига нисбатан геноцидни амалга оширди, буни барча ҳуқуқни ҳимоя қилиш ташкилотлари тан олган. Россия буни қонуний ҳукумат, деб атамоқда, ҳолбуки Асад ҳатто Америка, унинг ёрдамчилари ва Россиянинг қўллови билан ҳам Суриянинг бор-йўғи 14% ни назорат қилмоқда! Бугун Яқин Шарқда бўлаётган буюк жиноятга бутун дунё гувоҳ бўлиб турибди, вақти келиб бунинг учун ҳар бир кимсанинг жавоб бериши муқаррардир.
Ислом ерларининг маркази бўлган Шомдаги қўзғолоннинг ҳар бир душмани шуни билсинки, Сурия халқининг Аллоҳга бўлган иймони бор ва худосизларнинг барча ҳужумлари ўзларининг зарарларига бўлади. Ҳар бир фикрловчи одам Суриядаги қўзғолоннинг 5 йилдан ортиқ вақт давом этаётганига эътибор берсин, бу инсоният тарихидаги энг узоқ вақт давом этаётган қўзғолонлардан биридир. Ислом душманлари унга қарши кечаю кундуз курашмоқдалар, улар Аллоҳга иймонидан бошқа деярли ҳеч нимаси йўқ бўлганларга қарши энг замонавий ҳарбий технологияларни қўлламоқдалар, лекин буларга қарамай барибир ғалаба қозонишни эплай олмаяптилар. Наҳотки, бу фактлар онгли кишиларни фикрлашга мажбур қилмаса?
Аллох Таъоло айтди:
وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ * أَلا إِنَّهُمْ هُمُ الْمُفْسِدُونَ وَلَكِن لاَّ يَشْعُرُونَ
Уларга: «Ер юзида бузғунчилик қилманглар», дейилса, «Биз ислоҳ қилувчилармиз», дейдилар. Огоҳ бўлингизким, улар албатта бузғунчилардир, лекин ўзлари буни сезмайдилар (Бақарa-11-12).
Умар Туркистоний
02.01.2016й.
