Матбуот баёноти

Россия Ташқи разведкаси директорининг Ўзбекистон ДХХ раҳбарияти билан учрашуви

بسم الله الرحمن الرحيم

Россия Федерацияси Ташқи разведка хизмати (СВР) директори Сергей Наришкин Ўзбекистонда Давлат хавфсизлик хизмати (ДХХ) раҳбари Абдусалом Азизов билан музокаралар ўтказди  ва “Халқаро терроризмга қарши кураш, кенг кўламли минтақавий ва халқаро муаммолар бўйича разведка маълумотлари алмашинуви, шунингдек, замонавий таҳдид ва таҳдидларга қарши курашиш бўйича биргаликдаги салоҳиятни кучайтириш бўйича ҳаракатларни мувофиқлаштиришга алоҳида эътибор қаратилди”, – дейилади СВР хабарида. (sputniknews.uz 01.11.2023й)

Шуни таъкидлаш жоизки, ДХХ ушбу ташриф ва учрашув ҳақида ҳеч қандай расмий маълумот бермади. Бу ташкилот золим Каримов даврида Ислом ва мусулмонларга қарши курашда қандай асосий ёпиқ зулм машинаси сифатида хизмат қилган бўлса, ҳозиргача у айни шу функцияда давом этиб келмоқда. Лекин биз бундай шубҳали ташриф ва учрашувлардан асосан Россия манфаатдор эканини ҳеч қачон эътибордан қочирмаслигимиз лозим. Чунки Наришкин тилга олган “терроризм”га қарши курашда галдаги нишонга олинганлар – яна мусулмонларнинг ўзидир. Россия, Америка “терроризм”га қарши кураш ниқоби остида мусулмон юртларини босиб олиб, бойликларини талаб келаётганини айтиб, бутун дунёга жар солаётган бўлса-да, унинг ўзи ҳам бундан асло мустасно эмас. Балки у “терроризм”га қарши курашни рўкач қилиб, маҳаллий ҳукуматлар идораларини, айниқса омма-халқни қўрқитиш ва ўз таъсир доирасида ушлаб туришда бу иборадан унумли фойдаланишга уриниб келади. Биз уларнинг “Ўзбекистон учун Афғонистондан реал терроризм хатари бор…” деб юқори доираларда тинимсиз жар солиб келаётганига кўп маротаба гувоҳ бўлиб келмоқдамиз. Бу билан Россия минтақа хавфсизлигини таъминлаш унинг иштироки билангина амалга ошишини ва фақат унинг ўзигина бу борада кафил бўлиши мумкинлигини уқтирмоқчи бўлади. Разведка соҳасида маълумот алмашиш, ҳамкорлик қилиш – буларнинг барчаси бугунги кунда асосан Ғарб, айниқса Американинг минтақага суқилиб киришини олдини олишга қаратилган, десак тўғрироқ бўлади. Бу борада РФ Хавфсизлик кенгаши котиби Николай Патрушев шундай деган эди: “Ғарб Марказий Осиёдаги вазиятни беқарорлаштириш ниятида – бу ҳақда Россия махсус хизматлари бир неча бор хабар қилган. Россия минтақа давлатлари билан англо-саксларнинг бу йўналишдаги бузғунчи таъсири ҳақида мунтазам маълумот бериб туради”.

Бироқ бу ёвуз мустамлакачи давлатлар, хусусан Россиянинг “терроризм” хавфи ҳақидаги сийқаси чиққан гапларига кўпчилик одамлар ишонмай қўйди. Бу бор-йўғи халқларни ва юртларни мустамлака қилишдаги бир восита эканлиги фош бўлиб бўлди. Аслида, Россия Марказий Осиё, жумладан Ўзбекистон мусулмон халқи Ислом асосида уйғониб, унинг қонунлари асосида яшашни талаб қилишидан қаттиқ қўрқмоқда. Шунинг учун у Ғарбнинг “терроризмга қарши кураш” чўпчагидан унумли фойдаланиб, минтақа мусулмонларини нималаргадир ишонтирмоқчи бўлмоқда. Аммо халқимиз учун ҳақиқий хавф – Россиянинг ўзидир. У бизнинг тарихий душманимиз. Унинг минтақамиз мусулмон халқи устида қарийб бир ярим асрдан буён амалга ошириб келаётган босқинчилик, қатлиом, қирғинбарот каби ваҳшиёна жиноятлари ҳали ёдимиздан чиққани йўқ. Шунингдек, унинг Украина ерлари ва халқига қилаётган уруш ҳаракатларини қандай изоҳлаш мумкин?! Ҳозир ҳам Россия анави хоин ҳукумат раҳбарлари орқали ўз мустамлакачилик сиёсатини кун сайин мустаҳкамлаб бормоқда. Аммо энди бунга нуқта қўядиган вақт келди! Бироқ бу ишни Мирзиёев ҳукумати ўз халқи эътиқоди ва интилишларини инобатга олган ҳолда аҳоли ишончига кириб, улар билан жипслашган битта кучга айланиш орқалигина амалга ошира олади. Демак, халқимизни бирлаштириш ва ягона кучга айлантиришнинг бирдан бир йўли – динимизга қайтиш, Исломий таълимот ва тушунчаларни оммалаштиришдир.  Жафокаш Фаластин халқининг Ўз юрти ва Исломий муқаддасотлари учун кўрсатаётган бугунги фидоийлиги гапимизнинг ёрқин исботи. Шунинг учун мусулмон халқимиз Россиядан ташқари “дард устига чипқон” ўлароқ юртимизга суқулиб киришга зўр бериб интилаётган мустамлакачи давлатларга ҳам йўл очиб, шароит яратиб бераётган ҳозирги ғайриисломий тузумни улоқтириб, Ислом тузумини ҳокимият тепасига олиб келиш учун ҳаракат қилишлари лозим. Мана шу ягона нажот йўли, нусрат эса Аллоҳдандир! Зеро, Аллоҳ таоло дейди:

إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ

– “Аниқки, то бирон қавм ўзларини ўзгартирмагунларича Аллоҳ уларнинг аҳволини ўзгартирмас”.                                                             (Раъд:11)

Ҳизб ут-Таҳрир Ўзбекистон матбуот бўлими