بِسْمِ اللهِ الرَّحْمنِ الرَّحِيمِ

Росул сизларга нима олиб келса, уни олинглар, сизларни нимадан қайтарса, қайтинглар!

Ушбу оламда ўзини мўъмин – мусулмон деган инсон бор экан, ҳар бири ўз ўлчовида, динни тушунган чегарасида, Аллохдан қўрқишини, Уни Рози қилишни хоҳлашини айтади.

Бизларни яратишдан мақсади, Унгагина ибодат қилиб, ундангина ёрдам сўраб, Унинг олдига боришимизни Ирода қилган Роббимиз, ушбу розилик учун ушбу яшаётган оламимизда нима қилсак, Унинг розилигига эришишимизни айтиб ўтган, яъни эй мўъминлар! Агар Менинг розилигим керак бўлса

وَمَا آَتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ

“Росул сизларга нима олиб келса, уни олинглар, сизларни нимадан қайтарса, қайтинглар. Аллоҳга тақво қилинг. Албатта Аллоҳ азоби қаттиқ Зотдир.”   (Хашр. 7)

 – деб бизларга риоя қилишимиз зарур бўлган йўлни кўрсатиб берган.

Бу очиқ – ойдин тушунарли бўлиб турган маъно, Роббимиз бизларга кўрсатиб бермоқчи бўлган кўрсатмаларни етказиш учун танланган Пайғамбар – Пайғамбаримиз Муҳаммад соллаллоҳу алайҳи васаллам, бизларни нимага буюрсалар унга амал қилишимиз ва нимадан қайтарсалар, ундан қайтишимиз кўриниб турибди. Яъни яшаётган ҳаётимизда ҳар қандай муаммони, хоҳ у ижтимоий бўладими, хоҳ иқтисодий бўладими, хоҳ сиёсий бўладими, ҳар қандай муаммони мумкин ёки мумкинмаслигини аниқлашда, харом ёки халоллигини белгилашда, ушбу Пайғамбаримиз соллалоҳу алайҳи васаллам бизларга келтирган кўрсатмаларга амал қилишимиз лозим бўлади.

وَمَا يَنْطِقُ عَنِ الْهَوَى * إِنْ هُوَ إِلاَّ وَحْيٌ يُوحَى

“У (Муҳаммад) ҳаводан олиб гапирмайди. Унинг гапираётгани ваҳийдан ўзга нарса эмас.”  (Нажм. 3 – 4)

يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً

“Эй иймон келтирганлар! Аллоҳга итоат қилинг, Пайғамбарга ва ўзингиздан бўлган(Ислом хукмларини жорий қилувчи) бошлиқларга итоат қилинг. Бирор муаммо устида тортишиб қолсангиз, агар Аллоҳ ва охират кунига иймон келтирган бўлсангиз, уни Аллоҳга ва Пайғамбарга қайтаринг. Ана шундай қилиш хайрли ва оқибати яхшидир.”    (Нисо. 59)

فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجًا مِّمَّا قَضَيْتَ وَيُسَلِّمُواْ تَسْلِيمًا

“Йўқ, Роббинггизга қасамки, сизни ўз ораларида чиққан келишмовчиликларга ҳакам қилмагунларича, кейин, чиқарган ҳукмингизга қалбларида ғашлик топмасдан, бутунлай таслим бўлмагунларича, зинҳор мўъмин бўла олмаслар!”  (Нисо. 65)

Бизлар мўъминмиз, Аллоҳга иймоним бор, Аллоҳни илоҳликда, махлуқларини тарбия қилишида (Роббликда), махлуқларига яшаш қонуниятлари белгилаб беришда, улар устидан хукм юритишда ягона, шериги йўқ, ягона – дедик. Лекин яшаш жараёнимизда эса, инсонлар томонидан тузиб чиқилган қонунларни ўзимизга қонун қилиб белгилашга Роббимиздан ҳаё қилмадик. Инсонлар томонидан ўйлаб чиқилган ушбу қонунлар, бизларни шу қонунларни тузиб чиққан кофирларнинг моддий манфаати учун яшайдиган холатга олиб келди. Золим куфр олами ўзининг ушбу қонунларини дунё ҳаётида жорий бўлиб туришини сақлаб қолиш учун, ҳаётда яшаш учун энг зарур бўлган табиий захиралар, бойликларни ўзалаштириш, мустамлака қилиш учун мусулмонларга қарши оммавий кураш олиб боришга бошлади.

Ушбу куфр олами тузиб чиққан қонунлар, дунёнинг қаерида мусулмонлар кўп яшайдиган ер бўлса, ўша ерда мусулмонларни бир баҳона билан оммавий қирғин қилишга йўл очиб берди, масалан: Афғонистонда, Ироқда, Марказий Африкада, Сомалида, Суданда, Мисрда, Сурияда, Ливанда, Боснияда, Чеченистонда, Шарқий Туркистонда, Тожикистонда, Ўзбекистонда, Бирмада ва бошқа кўплаб жойларда мусулмонларни йўқ қилишга турли қонуний йўллар очиб берди.

Мусулмонлар бу холатга келишига, юқорида айтганимиз, Пайғамбаримиз соллаллоҳу алайҳи васаллам бизга олиб келган нарсаларни тўғри тушунмай қўйдик, бу нарсаларни тушуниш деганда тавҳид, улуҳият – рубубият, одоб – ахлоқ, фиқҳ масалалари устида тортишувларни олиб боришни Пайғамбарим соллаллоҳу алайҳи васаллам олиб келган, у киши қайтарган нарсадан қайтадиган йўл шу, деб тушунадиган бўлдик. Натижада, биз мусулмонлар бир – биримиз шундай тортишувларни ҳал қилиш учун тортишиб ўтирган вақтимизда, кофирлар дунёни маънавий – мафкуравий жиҳатдан эгаллаш учун ўзининг демократия деган тушунчасини дунёнинг ҳамма ерига олиб кирди, демократияга кўнмаган жойларга харбий йўл билан олиб кирди. Мусулмонлар эса, хамон юқоридаги тортишувлардан чиқиб, бир – бирларини ака – ука, биродар деб тушунишга етиб бормаяптилар, хамон ушбу тортишувларни хал қилиш билан, бутун оламни хар томондан эгаллаб ташлаган куфр оламини енгиб, мусулмонларнинг ўз давлати, ўз жамияти бўлишига олиб бориладиган йўл, деб ўйламоқдалар, вахоланки Роббимиз: “Росул сизларга нима олиб келса, уни олинглар, сизларни нимадан қайтарса, қайтинглар” – деб турган холатида, биз ўша орзу қилган Исломий жамиятимизга олиб борадиган йўл ҳам, айнан Пайғамбаримиз Муҳаммад соллаллоҳу алайҳи васалламнинг шундай жамиятни тузишда ушлаган йўлларини олишимиз энг тўғри адашилмайдиган йўл хисобланади.

Ҳизб ут-Таҳрирнинг Ўзбекистондаги медиа офиси Муслим

03.03.2014й.