بسم الله الرحمن الرحيم

Хабар ва изоҳ

Рус “айиғи” Ўрта Осиё мусулмонлари устидаги ҳарбий ва хавфсизлик чангалини янада кучайтирмоқчи

Хабар: qalampir.uz  “путин МДҲ давлатларини хавфдан огоҳлантирди” деган сарлавҳа остида 13 октябрда қуйидаги хабарни тарқатди:

Афғонистонда Ироқ ва Суриядан келган террорчилар йиғилмоқда. Улар Мустақил Давлатлар Ҳамдўстлиги (МДҲ) мамлакатларидаги вазиятни беқарорлаштиришга уринишлари мумкин. Бу ҳақда Россия Президенти Владимир Путин МДҲ давлатларининг хавфсизлик ва разведка идоралари раҳбарлари билан учрашувда айтди.

Унинг таъкидлашича, террорчилик ҳаракатлари тўғридан-тўғри Афғонистонга қўшни давлатларга ёйилиши мумкин.

“Бу борада Афғонистон чегарасидаги вазиятни доимий назорат қилиш ва жангариларга қарши туришга тайёр бўлиш, бунинг учун куч тузилмалари ишини мувофиқлаштириш, агар керак бўлса, қўшма махсус операцияларни ўтказиш муҳим”, дея қўшимча қилди Россия раҳбари.

Путин Америка қўшинлари олиб чиқилгандан кейин Афғонистондаги ҳолат оғирлашгани ва ИШИД гуруҳининг ҳаракатларидан сўнг, ушбу вазият янада чигаллашганини таъкидлади.

Изоҳ: Буни Россиянинг СНГ мамлакатларидаги ўз нуфузини сақлаб қолиш ва ҳарбий кучларини ушлаб туриш борасидаги яна бир уриниши деб баҳолаш мумкин. Зеро, шундай савол туғилади: хўш, путин россияси бу мамлакатлар халқларининг тинчлиги, хавфсизлиги ҳақида қайғурадиган, бу халқларга ёрдам беришга ҳарис бўлган бир ғамхўр “хайрия жамиятими”?! Йўқ, асло!! Аксинча, Россиянинг ўзи АҚШ каби биринчи рақамли террорчи давлатдир. Россияни ҳам қолган мустамлакачи давлатлар каби фақат ўзининг манфаатлари қизиқтиради, холос. Россиянинг қонли мустамлакачилик тарихига назар ташласак, чор Россиясининг босқинчилик сиёсати, ундан кейин коммунистик совет иттифоқининг репрессив сиёсати оқибатида бу мамлакатлар аҳолисининг, айниқса Ўрта Осиё ўлкаларидаги миллионлаб мусулмонларнинг қирғин қилинганига гувоҳ бўламиз. Россия узун асрлар давомида бу ўлкалардаги бойликлар ва ресурсларни талон–тарож қилди ва ҳамон талон–тарож қилмоқда. Путин Россияси Ислом ва мусулмонларнинг ашаддий душманидир. Буни путин режимининг Сурия ва бошқа юртларда қилган қонли жиноятлари тасдиқлаб турибди. Буни шу режимнинг кўплаб мусулмонларни, жумладан Ҳизб ут–Таҳрир аъзоларини ҳам “терроризмга қарши кураш” ниқоби остида узоқ йиллик қамоқ жазоларига маҳкум қилгани ҳам кўрсатиб турибди.

Путиннинг МДҲ давлатларининг хавфсизлик ва разведка идоралари раҳбарлари билан бўлган бу учрашувдаги “… бунинг учун куч тузилмалари ишини мувофиқлаштириш, агар керак бўлса қўшма операцияларни ўтказиш муҳим” деган гапидан хулоса қилинса, бу давлатлардаги малай ҳукуматлар Ислом ва мусулмонларга қарши, айниқса Ҳизб ут–Таҳрирга қарши курашни авж олдириши мумкин. Буни яқинда Қирғизстонда Ҳизб ут–Таҳрир аъзолариниг қамоққа олингани кўрсатиб турибди. Россиянинг махсус хизматлари: ФСБ ва рус разведкасига норасмий тобе ва ифлос ишларни, суиқасдларни амалга оширувчи вагнер ҳарбийлашган тўдасининг бу мамлакатларнинг махсус хизматлари билан биргаликда террорчилик актларини уюштириб, мусулмонларга тўнкаши эҳтимоли ҳам кучли. Чунки путин россияси ўз манфаатлари йўлида мусулмонлар у ёқда турсин, ҳатто ўзининг рус фуқароларини ҳам қурбон қилишдан тоймайди. Масалан 90 чи йилларда Россиянинг Чеченистондаги қонли жиноятларини оқлаш учун ФСБ Москва, Буйнакс ва Волгодонскда аҳоли яшайдиган кўп қаватли биноларни портлатган ва бунинг оқибатида юзлаб тинч аҳоли қурбон бўлган эди. Ўшанда ФСБ буни Чеченистон мужоҳидларига тўнкаган эди.  Кейинчалик ФСБ нинг собиқ ходими, подполковник Александр Литвиненко бу портлашларни ФСБ нинг ўзи амалга оширганини фош қилиб чиқди. Собиқ совет иттифоқининг ёвуз хавфсизлик ташиклоти КГБ нинг собиқ ходими Путин ҳокимият тепасига ана шундай қонли жиноятлар йўли билан келди.

Россия Ўрта Осиёга, хусусан Ўзбекистонга АҚШ, Хитой ва европа иттифоқи нуфузи кириб келаётган бир шароитда ўзининг бу юртлардаги нуфузинии қайсидир даражада сақлаб қолишга уринмоқда. Шу мақсадда путин режими бу юртларни Афғонистондаги вазиятдан тинимсиз қўрқитиб келмоқда.

Ўрта, Осиёдаги, хусусан Ўзбекистондаги мусулмонлар Россия, АҚШ, Хитой ва европа иттифоқи каби очкўз мустамлакачилар манфаатларига хизмат қиладиган малай ҳокимлардан ва уларнинг репрессив хавфсизлик хизматларидан халос бўлишмас экан, на жонлари, на мол–мулклари, на ор–носуслари омонда бўлмаслигини тушуниб етишлари лозим. Уларни бундан халос қилиб, жонлари, мол–мулклари ва ор–номуслари хавфсизлигини таъминлайдиган халоскор эса Пайғамбарлик минҳожидаги рошид Халифаликдир. Зеро, Росулуллоҳ ﷺ айтганларидек:

إنما الإمام جنة يقاتل من وراءه و يتقى به

“Имом–халифа бамисоли ортида туриб жанг қилинадиган ва сақланиладиган бир қалқондир”

Ҳизб ут-Таҳрир марказий медиа офиси радиоси учун Ислом Абу Халил – Ўзбекистон