Сайловлар демократия башарасини чиройли кўрсатишга бўлган уринишдир
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Сайловлар демократия башарасини чиройли кўрсатишга бўлган уринишдир
Сайловлар ва Чегаралар масаласи бўйича Мустақил Комиссия 2017 йил 8 август сешанба куни бўлиб ўтган 2017 йилги оммавий сайловларда Ухуру Кениатанинг ғолиб чиққани эълон қилинган эди. Кениата 54.27 %ни ташкил қилган овоз берувчилардан 8.203.290 овозни қўлга киритиб, юртга иккинчи марта президент бўлди. Ушбу миллий президентлик сайловларига «Супер» коалициясидан номзод Раила Одинга, унинг натижасига эътироз билдирди ҳамда Кениата сайлови сохта бўлди, деган даъво билан 2017 йил 17 август пайшанба куни унга қарши норозилик нотаси тақдим қилди. Президентлик сайлови натижаси эълон қилиниши ортидан кучли норозилик намойиши аланга олиб, унда 24 киши нобуд бўлди. Бироқ маҳаллий ва халқаро кузатувчилар сайловлар эркин, ҳалол ва шаффоф ўтганини таъкидлашмоқда.
Биз Ҳизб ут-Таҳрир-Кения аъзолари нобуд бўлганларга ўз қайғуимизни изҳор этиб, қуйидагиларни таъкидлаймиз:
Ҳар қандай демократик сайлов юқоридаги сиёсатчиларнинг ўзига фойда келтиради, оддий инсонларга эса, фойда келтирмайди. Аслида, кенг тарқалган коррупция, қабилачилик ва давлат мулкларининг хусусийлаштирилиши… каби Кения юз тутаётган қатор муаммолар Ухуру Кениатанинг ёки Раила Одинганинг ғалабаси билан ҳал бўлмайди. Чунки бу иккала сиёсатчи ҳам сон-саноқсиз барча бошбошдоқликларга сабаб бўлган капиталистик нотўғри сиёсатларни қўллашади. Демократияни шиор қилиб олган сиёсатчиларнинг ҳаммаси шу жумладан, «ҳақиқий демократик давлатлар»даги сиёсатчилар ҳам оддий инсонлар манфаати учун ишлашмайди.
Демократик сайловлар улар даъво қилаётгандек эркин ва шаффоф эмас. Бу борадаги ҳал қилувчи сўзни доим озчилик элита гапиради, уларга овоз берган бечоралар эмас. Шу боис демократик сайловларда номзодлар сайловчилар овози билан эмас, фақат ўз манфаатини ўйловчи бир сиқим капиталистик ширкатлар ихтиёри билан ғолиб келади ва бу оддий ҳақиқат. Айтиб қўяйлик, сайловлар эркин, ҳалол ва шаффоф ўтди, деган гап Ғарб қўлидаги козир карта. У айни қартасидан маҳаллий вакилларни ҳокимиятга олиб келиш орқали ўзининг ўлаётган демократик тузумига ҳаёт бағишлашда фойдаланади. Бу вакиллар ҳақиқий ўзгаришни кута-кута умидлари пучга чиққан халқни ҳисобига ҳокимиятга чиқади.
Демократлар мана шундай «шаффоф», дея иддио қилинган сайловлар билан халқлар умидини қайта уйғотишга ва уларни алдашга уринишади. Аслида, халқаро «виждон ҳомийлари»нинг ўзлари капиталистлар ҳомийлари бўлиб, уларнинг роли, нафақат Кения, балки бутун Африкани тўхтовсиз курашлар ботқоғига ғарқ қилган демократиянинг айбини сиртдан ёпиб туришдан иборат.
Сўзимиз ниҳоясида исломий жамоаларни, диний раҳбар ва уламоларни адолатли Исломни кенг етказишга даъват қиламиз. Бунинг учун эса, улар Аллоҳ Субҳанаҳу ва Таолонинг шариати сифатида Исломни сиёсий, ижтимоий, иқтисодий тузумни ўз ичига олган система, деган эътиборда қўллаб-қувватламоқлари керак.
Ҳизб ут-Таҳрирнинг
Кениядаги матбуот бўлими
Телефон: +254 737 606 667 – +254 717 606 667
Электрон почта: abuhusna84@yahoo.com
