Матбуот баёноти

Сайловлар илмоний-секуляр тузумни қўллаб-қувватлаш воситаси бўлиб, бу тузум Халифалик билан алмаштирилиши керак

Тунисда 2010 йилнинг охирларида халқ қўзғолони бошланган пайтда Ҳизб ут-Таҳрир қўзғолонни муваффақиятли қиладиган ва қўзғолончилар талабларига жавоб берадиган ягона ҳазорий лойиҳа инсон ўйлаб топган режимни ағдариб, ўрнига адолатли сиёсий тизимни ўрнатишдан иборат эканини ва бу Пайғамбарлик минҳожи асосидаги рошид Халифалик давлати соясида Ислом билангина амалга ошиши мумкинлигини таъкидлаган эди.

Мамлакат мустақилликка эришганидан бери, Ҳизб мустамлакачиларнинг динни ҳаётдан ажратувчи илмоний конституция асосида ўтказилган сайловлар орқали эски режимни янгилаб-таъмирлаб қўйишга қаратилган уринишларига қарши чиқиб келади. Ҳизб ут-Таҳрир, шунингдек, қулаган режимни илмоний, гибрид ва қўшма конституция тузиш орқали қайта тиклашдан иборат ғарблик мустамлакачи салибчиларнинг қўзғолон учун чизиб берган барча йўлларидан огоҳлантириб келди. Зеро, бу конституция Ғарб давлатларининг манфаатларини ҳимоя қилувчи, қонунларини татбиқ этувчи ҳамда Умматнинг Ислом асосида самарали ўзгаришларни амалга оширишига тўсқинлик қилувчи Ғарб малайларини етиштириб чиқаришдан бошқа мақсадга хизмат қилмайди.

Шунга биноан, бугунги кунда «коррупцияга қарши кураш», «юрт озодлиги», «қарорни қайта тиклаш» каби шиорлар кўтариб чиқилаётган эса-да, бироқ 2024 йил 6 октябрда бўлажак президентлик сайлови навбатдаги театр ўйинидан нарига ўтмайди. Бу театр ўйинчилари ҳукмдорлар ва мухолафатчилардан иборат сиёсатчилар бўлса, режиссёри салибчи Ғарб мустамлакачилигидир. Шундан келиб чиққан ҳолда, биз Ҳизб ут-Таҳрир – Тунис вилояти аъзолари қуйидаги фактларни қайта таъкидлаймиз:

1 –Халқ қўзғолон кўтарар экан, Ғарб ва унинг малайларидан тортиб, Аллоҳ нозил қилган аҳкомлар билан ҳукм юритмайдиган ғайриилоҳий тузум ва конституцияларга қадар, ўзининг азоб-уқубатларига жавобгар бўлган барча тарафларга қарши қўзғалди. Халқ бу билан хаосни истамаяпти, балки Ислом ўзлиги асосидаги кенг қамровли туб ўзгариш бўлишини истамоқда. Бу эса илмонийлик-секуляризм сояси остида ўтказиладиган сайловлар билан бўлмайди. Аксинча, Китобу Суннат остидаги ҳақиқий сайлов билан, мусулмонларнинг ягона конституцияси орқали бўлади.

2 –Мусулмон юртларидаги мавжуд бошқарув тизимларининг келиб чиқиши ва давом этиши Ғарб давлатларининг қўлида. Чунки бу тизимлар мусулмонлар устидан мустамлака ва ҳукмронликни сақлаб қолишнинг ягона кафолатидир.

3 –Режимнинг ҳар сайлов мавсумида одамларни буюк исломий лойиҳадан чалғитиш, мусулмонларнинг умрини ва ёш авлодларини зое қилиш учун олиб борадиган маъносиз курашлари аслида Ғарб элчихоналари қабулхонасида шакллантирилади ҳамда уларнинг устидан глобал ва минтақавий кучлар мувозанати ўз ҳукмини ўтказади. Сайлов натижалари суверен қарорни қонунийлаштириш учун фойдаланиладиган бир пардадир.

4 –Ҳа, Умматни озод этиш учун унинг мусулмон юртларидаги ҳақиқий-реал кучлари ҳаракатга келиши шарт бўлиб қолди. Халқ намойишлари қанчалик жонли ва саботли бўлса-да, режимни ағдариш ва мамлакатни сиёсий қарамликдан чиқариш имконсиз. Бунинг учун албатта куч-қудрат халқ томонга ўтмоғи лозим. Ана шундагина кураш Уммат фойдасига ҳал бўлиб, Уммат қулликдан ва Ғарб гегемонлигидан озод бўлади.

5 –Умматнинг уйғониши ҳукмдорни ўзгартириш ва конституцияга ўзгартиш киритиш билан бўлмайди. Балки бунинг учун албатта режимни, барча мафкуравий, сақофий ва ҳуқуқий томонлари билан қўшиб ағдариш лозим. Мустамлакачи Ғарб кишанларини парчаламоқнинг бирдан-бир йўли шудир. Шундай сўнг Китобу Суннатдан истинбот қилинган, Ҳизб ут-Таҳрир томонидан тақдим этилган очиқ сиёсий лойиҳа асосида бирлашилади. Кейин Ҳизб ут-Таҳрир билан биргаликда ва унинг сиёсий етакчилигида Аллоҳ Субҳанаҳунинг ризоси ҳамда Пайғамбарлик минҳожи асосидаги рошид Халифалик давлатини барпо этиш орқали рўёбга чиқадиган Умматнинг манфаати ва икки дунё саодати сари қадам ташланади.

Ҳизб ут-Таҳрирнинг Тунисдаги матбуот бўлими