بِسْمِ اللهِ الرَّحْمنِ الرَّحِيمِ

Матбуот баёноти

«Ҳар бир қишлоқда-юртда ўша жойнинг катталарини ҳийла-найранглар қиладиган жиноятчиларга айлантирдик, улар қилган макрлар фақат ўзларига уради, холос, лекин ўзлари сезмайдилар»

Трампнинг АҚШ президентлигига сайланиши

Дональд Трампнинг АҚШ президенти бўлиб сайланиши тўғрисидаги хабар бутун дунёда шов-шувга айланди. Унинг сайловда ғолиб бўлиши Европа, Осиё ва Америка молиявий бозорларига кутилмаган зарба бўлди. Германия канцлери Меркел унинг сайланганига нисбатан хушёрлик билдириб, унга ўзаро ҳамкорликни давом эттириш учун демократик тамойил ва қадриятларни ҳурмат қилиши лозимлигини шарт қилди. Франция президенти ҳам Трампнинг ўзаро қадриятларга зид келувчи баёнотларига нисбатан эҳтиёткорлик изҳор қилди. Европа Иттифоқи ташқи ишлар вазирлари унинг сайланишидаги салбий таъсирларни муҳокама қилиш учун ўзаро йиғинга чақиришди.

Аслида, Трампнинг сайланиши бизга нимани англатади, қадрли мусулмонлар? Ислом ва мусулмонларга адоват ўчоғини алангалатиб ёқувчи куфр боши Америка сиёсатида бизга нисбатан қандай ижобий ўзгариш бўлиши мумкин?! Демократ Обама ёки унинг ўтмишдоши республикачи Буш мусулмонларга дўст эдими?! «Оқ уй»га бирин-кетин келган раҳбарлар даврида АҚШ сиёсати Ислом ва мусулмонларга нима олиб келган?! Юртларимизга ҳукмрон бўлиш, бойликларимизни талон-тарож қилиш, ресурсларимизни ташиб кетиш, золим подшоҳларни қўллаб-қувватлаш учун тўхтовсиз адоват олиб келмадими, ахир, бизга нисбатан бу адоват уларнинг қон-қонигача, суяк-суягигача сингиб кетганку?! Уларнинг ҳар бири мусулмонларнинг Пайғамбарлик минҳожи асосидаги иккинчи рошид Халифалик давлати соясида қайта бирлашишларини олдини олиш учун бор кучларини сарфлашмадими?!

Кичик Жорж Буш Афғонистондаги аҳлимизга қарши адоват бошлаб, салибчилик уруши эълон қилди, Ироққа қилган урушидан бу юртни бутунлай вайрон қилишга аҳд қилгани яққол намоён бўлди. Кейин Обама келиб, 2009 йил Анқара ва Қоҳирада, 2010 йил Жакартада қилгани каби, қатор жимжимадор маърузалари билан мусулмонларни алдашга уринди… Кейин эса Шом қўзғолонини бостиришга уриниб, Дамашқ қонхўрини мутлақ қўллаб-қувватлаши билан тишларини кўрсатиб ириллади. У илгари мухолафат сафидалиги пайтида Жорж Бушни «Дрон» учоқларидан фойдалангани учун танқид қилганди. Бироқ ўзи қудратга келгач, айни учоқлар ҳужумидан кенг кўламда фойдаланиш билан Афғонистондан тортиб, Покистон, Ироқ, Яман, Сомали, Сурия… каби исломий юртларда даҳшатли қирғинларни ва вайронагарчиликларни амалга оширди.

Ҳа, биз Ислом ақидасидан туриб гапирамиз, шу боис АҚШ раҳбарларида Ислом ва мусулмонларга нисбатан душманлик чуқур томир отганидан ўзга нарса кўрмаяпмиз. «Оқ уй» раҳбарлари башараларида айрим зоҳирий ўзгаришлар бўлиши мумкин. Бироқ мутлақо ўзгармас ҳақиқат шуки, Америка ўзининг Ислом ва мусулмонларга нисбатан сиёсатида бузуқ ишлар қилишни албатта давом эттиради. Аммо бу давлатда намоён бўлиб турган қудрат ҳаргиз давом этмайди, ботил албатта заволга юз тутади, дунё ўзгариб туришга маҳкум. Мусулмонлар қачон Роббиларига бўлган имонларида маҳкам туриб, фоний дунёдан Роббиларининг ризосини афзал билсалар ва шариат татбиқи учун ҳаракат қилиш билан Аллоҳга ёрдам берсалар, улар бутун башариятни бу АҚШ балоларидан қутқаришга, инсонларни куфр зулматидан Ислом нурига, капитализм зулмидан Ислом адолатига, дунё торлигидан дунё ва охират кенглигига олиб чиқишга албатта қодир бўладилар. Чунки бу Аллоҳнинг ваъдасидир, Унинг ваъдаси эса ҳақдир, Аллоҳим уни яқин қилсин.

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ

«Аллоҳ сизлардан имон келтирган ва яхши амаллар қилган зотларга худди илгари ўтган зотларни (ер юзига) халифа-ҳукмрон қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар»    [Нур 55]

Усмон Баххош

Ҳизбут Таҳрирнинг

марказий матбуот бўлими раиси