بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Салмон Трампни Мосулни вайрон қилгани, аҳлини ўлдиргани ва қочқинга айлантиргани учун табрикламоқда

Ҳижрий 1438 йил 21 шавол, милодий 2017 йил 15 июл шанба куни «Ал-Жазира нет» сайтида бундай дейилган:

«Вашингтон Таймс газетасида келтирилишича, кеча Саудия қироли Салмон ибн Абдулазиз АҚШ президенти Дональд Трамп билан телефон орқали суҳбатлашиб, уни Мосулдаги Исломий Давлат ташкилотига қарши эришган ғалабаси билан табриклади.

Газетанинг Оқ уйга таянган ҳолда ёзишича, Трамп Салмон билан Франция сафаридан қайтаётиб, самолётда гаплашган. У ҳар қандай турдаги терроризмни молиялаштиришни тўхтатиш ва экстремистик идеологияга қарши курашиш лозимлигини таъкидлаган.

Роя газетаси шарҳи:

Қаранг, бу Салмонни, наҳотки, у Америка самолётлари ёрдамида Мосулнинг вайрон қилингани ва у ердаги минглаб мусулмоннинг қириб ташлангани билан ўз хўжайини Трампни табриклаётган бўлса?! Наҳотки уни юз минглаган инсонлар уй-жойларидан қувиб чиқарилиб, қочқинга айлантирилгани билан ёки бўлмасам, қийноққа солиниб, гина-адоватчи жангарилар қўли билан қатл қилингани билан табриклаётган бўлса?! Ёки уни мана шуларнинг барчаси билан ҳамда кўҳна ва мағрур Мосул вайрон қилиниб, ҳувиллаган аҳволга келтириб қўйилгани учун табриклаяптими?! Лекин ажабланишга не ҳожат, ахир, мусулмонларнинг бошқа ҳукмдорлари сингари, Салмон ҳам Ислом ва мусулмонларга қарши курашларида хўжайини рухсат бермаса, бир оғиз ҳам гапирмайди, бир қадам ҳам ташламайди.

Роя газетасининг 2017 йил 19 июл чоршанба кунги 139-сонидан