Шавкат Мирзиёев келажакда халқ мухосабасини қабул қиладими ёки менсимаслик сиёсатини олиб борадими?!
Шавкат Мирзиёев келажакда халқ мухосабасини қабул қиладими ёки менсимаслик сиёсатини олиб борадими?!
بسم الله الرحمن الرحيم
Хабар: Ўзбекистон Республикаси Президенти сайловининг дастлабки натижалари эълон қилинди. Унда 88,61% овоз билан Шавкат Мирзиёев ғолиб деб эълон қилинди.
Изоҳ: Каримов ўлимидан сўнг бироз талвасага тушган режим ўзини тезда ўнглаб олди. У ўзининг ”янги” фаолиятини одатдагидай ёлғон сўзлаш, қонунга хилоф иш тутиш ва халқни репрессия қилиш ва таъқиб қилиш орқали унга таъссир ўтказиш билан бошлади. Бунга мисол қилиб Каримов ўлими ҳақидаги хабарни яшириш, Ўзбекистон Олий Мажлиси Қонунчилик палатаси ва Сенатининг 8 сентябрь куни ўтказилган қўшма йиғилишида мамлакат президенти вазифасини вақтинча бажариш ваколати конституцияда кўзда тутилганидек, Сенат раиси Ниғматулла Йўлдошевга эмас, бош вазир Шавкат Мирзиëевга топширилгани ва шунингдек республиканинг турли вилоятларида Тошкентдан жўнатилган МХХнинг махсус ходимлари уйма уй изғиб юриб, асосан ёш йигитларни (ҳеч бир айбловсиз) “вақтинчалик” дея аталмиш изоляторларга жойлаганини айтишимиз мумкин. Шундай қилиб, ўзбек халқига қарши ўз бошимчалик репрессия ва зўровонлик сиёсати олиб борилди.
Демак, келажакни Мирзиёев ҳукумдорлиги даври дея талқин қилсак бўлаверади. Негаки, Каримовни тузган режими ҳали қулагани йўқ. Чунки мустабид режим ўзи учун давлатни авторитар режим ҳолатида ушлаб қолиш йўлини танлади. Шунинг учун ҳам ўзбек халқини бундан 27 йил аввал бошланган ёлғоннинг давоми кутмокда. Сайлов арафасида свет ўчмай қолиши халқни кўнглига шамол тегадиганга ўхшаганини билдирсада, аммо сайловдан кейин бунинг акси бўлиши амримаҳол. Бу ва бунга ўхшаган “енгиллик”лар сайлов олди кампаниясига киради.
Халқни қўрқувда ушлаб туриш узоққа бормайди. Чунки бир халқни бирлаштириш ва тараққиёт топиши учун қўрқув ва босим эмас, балки унда фикр ва мабда (идеология) бўлиши лозим. Акс ҳолда улар фикрий қолоқликка мубтало бўлади ва улар яшаб турган давлат ҳам қолоқ давлатлар сафида бўлади. Натижада бу давлатни бошқа бир давлатга тобеълик қилишга олиб боради. Бу эса халқнинг табиий бойликларини чет элларга сотиб, ғарб аҳолисини фаровон ҳаёт кечишлари учун қилинган хизмат бўлади.
Халқнинг қалбидаги нафрати ҳали ташқарига чиқа бошлагани йўқ. Бундай холатдан ўзи совуқда қолган бечора халқнинг кўнгли хотиржам бўлармиди ахир?! Табиийки, йўқ! Шунинг учун ҳам, Мирзиёев ва унинг бўлажак режими агар бошқарувни шу услубда давом эттирса, эртами-кеч, халқнинг ғазабига дучор бўлиши аниқ. Бу вақт масаласи холос.
Аллоҳ Таъоло ўз Китобида айтади:
وَلَا تَحْسَبَنَّ اللَّـهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ
“Сен ҳаргиз, Аллоҳ золимлар қилаётган нарсадан ғофил, деб гумон қилма. Фақатгина уларни кўзлар қотиб қоладиган кунгача қўйиб қўяди, холос”. (Иброҳим. 42)
Ўзбекистон халқига шуни айтиб қўймоқчимизки, Исломнинг адолатли ҳукмлари татбиқ этилмас экан, ҳокимларни зулму зўровонлиги давом этаверади! Чунки ҳокимлар сизнинг фаровон ҳаёт кечиришингизни эмас, балки улар ўз нафсларини ўйлайдилар холос. Шуни унутмангки, ҳокимларнинг коррупцияларини ва сизларга қилаётган зулму зўровонлигини муҳосаба қилмас экансиз, улар сизларни залолатга етаклашда ва зулм қилишда давом этаверадилар. Ихтиёр сизда! Ҳукуматнинг вазифаси эса сизга хизмат қилишдир! Сиз ва бизни яратган Зот айтади:
أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّـهِ حُكْمًا لِّقَوْمٍ يُوقِنُونَ
“Жоҳилият ҳукмини истайдиларми?! Ишончи комил қавмлар учун Аллоҳдан ҳукми яхшироқ ким бор?!” (Моида. 50)
Ҳизб ут-Таҳрир Марказий офисининг радиоси учун махсус
Ҳизб ут-Таҳрир Марказий Матбуот Офиси аъзоси Ислом абу Халил
06.12.2016
