Шимолий Вазиристондаги амалиётлар Покистон қуролли кучларига хиёнатдир
بِسْمِ اللهِ الرَّحْمنِ الرَّحِيمِ
Шимолий Вазиристондаги амалиётлар Покистон қуролли кучларига хиёнатдир
Раҳил-Навоз режими мусулмонларнинг ўн тўрт асрдан зиёд вақт мобайнида ўз душманлари устидан ғалаба қучиб келишларига сабаб бўлган муборак Рамазон ойини Шимолий Вазиристонда ҳарбий амалиётлар олиб бориш билан кутиб олди! Покистон қуролли кучларига нисбатан хавфли хиёнат саналган бу амалиётлар ортида бу кучларнинг Американинг минтақадаги ифлос режасига қарши туришдаги қудратини синдириш нияти ётибди.
Гап шундаки, бугун Америка кучларни чекланган тарзда олиб чиқиб кетиш ниқоби остида Афғонистонда, яъни исломий оламдаги ягона ядровий давлат бўлган Покистон остонасида доим мавжуд бўлиб туришга уринмоқда. Бундай мавжуд бўлиб туриш ўн минглаб хавфсизлик кучлари ва бир неча ҳарбий базалари шаклида бўлади. Шу билан бирга, Америка Афғонистонни босиб олган пайтдаёқ унинг қаршисида Покистон қуролли кучлари туриши билан унга нақадар хавф туғилаётганини яхши тушунди ва бу кучлар холис исломий қўмондонлик остига кириб қолишидан қўрқди. Мисол учун, 2009 йил март ойида Америка марказий қўмондонлиги бош қўмондони маслаҳатчиси Дэвид Килкуллен бундай деган: «Покистонда 173 миллион аҳоли, 100 дона ядровий қалпоқчалар, Америка армиясидан катта армия бор… Биз ҳозирда у ерда экстремистлар қудратга келиб, юртни эгаллаб олишидан қўрқяпмиз. Чунки бунинг оқибатида биз терроризмга қарши урушда қўлга киритган ютуқларимиз ҳеч нарса бўлмай қолади». Ўша йилнинг 16 ноябрида «Нью Йоркер» журналига берган интервьюсида ҳам бундай сўзларни айтган: «Асосий қўрқув, бу Покистон армиясидан исёнчилар чиқиб, инқилоб ясашларидир…». Америка маъмуриятидаги таниқли масъул ҳам «Ҳизб ут-Таҳрирнинг мақсади Халифаликни барпо этиш» эканини таъкидлаган.
Ҳа, Америка Совет Иттифоқи Афғонистонга бостириб кирганда Покистон қуролли кучларининг ажнабий босқинчиликка якун ясашга қодирлигини тушуниб етган. Чунки ўшанда бу қуролли кучлар разведкаси Қабилалар минтақасидаги жангчиларга ёрдам бериш ва уларни рус босқинчиларига қарши жиҳод қилишларига кўмаклашиш билан ўзининг давлатлараро қудратини намоён қилган ва ниҳоят, руслар бурни ерга ишқалиб, Афғонистондан чиқиб кетишга мажбур бўлишган, қайтиб келишга журъатлари етмаган. Бугун ҳам шундай. Покистон қуролли кучларида Американи Афғонистондан ва бутун минтақадан тоабад келмайдиган қилиб қувиб чиқаришга қудрат бор. Америка шуларни билиш билан бирга, Шимолий Вазиристон Покистоннинг минтақадаги стратегик нуқтаси эканини ҳам яхши тушуниб турибди.
Шунинг учун Америка мусулмонлар бирлигини бузиш, Покистон қуролли кучларини ички уруш ботқоғига ботириш ҳамда уни ўз стратегиясидан узиб қўйиш мақсадида 2011 йил 11 сентябрдан бошлаб, Покистон режимидан Шимолий Вазиристондаги ҳарбий амалиётларни тўхтовсиз талаб қилиб келяпти. Бу амалиёт бошланмасидан туриб, 2014 йил 9 май куни Америка ташқи ишлар вазири ўринбосари Уильям Бернс Покистонга сафар қилиб, армия қўмондонлари ва сиёсий раҳбарлар билан учрашиб, улардан Американинг Афғонистондаги кучларига ҳужум қилаётган «экстремистлар»га қарши чора кўришни талаб қилди. Унинг бу сафари Америка конгрессининг Покистонга бериладиган ёрдамларни Вазиристонда ҳарбий амалиёт ўтказилишига боғлиқ қилиб қўйиши ортидан бўлди.
Қўшма Штатлар ҳарбий амалиёт ўтказишни талаб қилиш билан бир вақтда, Покистондаги ҳарбий ва фуқаровий иншоотларга қарши ҳужумларни мувофиқлаштириш учун ўз разведкаси, махсус ҳарбий кучлари ва Раймонд Дэвис тармоғидан фойдаланди. Бу ҳужумлардан Қабилалар минтақасидаги холис қаршилик ҳаракатларини ёмонотлиқ қилишни, юрт ичида низолар келтириб чиқаришни кўзлади. Америка Раймонд Дэвис каби ўзининг террорчи тармоғи қўли билан уюштирган мана шундай сохта ҳужумлар орқали унинг босқинчилигига қарши курашаётган мужоҳидларни обрўсизлантиришни мақсад қилди. Токи, Американинг Покистондаги малайлари унинг режаларини бажара олишсин. Унинг бу ҳужумларни «умид учқуни», дея номлашига сабаб ҳам шу. Масалан, Америка ташқи ишлар вазирлиги воизаси Виктория Нуланд 2014 йил 12 октябрда бундай деган: «… Шунинг учун Покистон халқининг қаршилик ҳаракатини таъқиб қилишда ҳукуматга ёрдам қилиш орқали уларга қарши бўлиб қолиши аниқ. Мана шунда у бундай қўрқинчли фожеада умид учқуни бўлади».
Раҳил-Навоз режимига келсак, у Раймонд Дэвис тармоғига юрт дарвозаларини ланг очиб берди ҳамда портлашларни содир этишлари учун унинг зобитларини юртдаги нозик объектларда бемалол изғишларига қўйиб берди, қўлга тушиб қолган жосусларини қўйиб юборди, уларга ҳарбий минтақалардан ташқари, ҳатто аҳоли пунктларида хавфсиз масканлар яратиб берди. Бу хоин режим мужоҳидлар номини қора қилиш ҳамда Америкага қарши жиҳод қилаётганлар билан юрт қуролли кучларига қарши ҳужум қилаётган кимсалар ўртасини қасддан аралаштириб кўрсатишда ўзининг Америка жарчиси вазифасини ўтамоқда ва унинг изидан бормоқда! Жорий йил 25 июн чоршанба куни Покистон президентининг миллий хавфсизлик ва ташқи алоқалар бўйича маслаҳатчиси Сартаж Азиз «Яхши Толибон ва ёмон Толибон, деган нарса йўқ, балки ҳарбий амалиётларимиз ҳаммасига қарши олиб борилади», деди. Кейин эртаси куни умумий алоқалар (ISPR) бош котиби бригада қўмондони генерал-майор Асим Салим Бажва ҳам «Бизнинг армияга нисбатан Покистондаги Толибон ҳаракати билан Ҳаққоний тармоғи ўртасида фарқ йўқ, уларнинг ҳаммаси террорчи жамоалар бўлиб, ҳаммаси йўқ қилинмоқда», деди. Шундан келиб чиқиб, бу жинояткор режим Америка ҳукмронлигини таъминлаш ва одамларни қочқинга айлантириш йўлида юрт қуролли кучлари билан хавфсизлик кучларини Қабилалар минтақасига жойлаштиряпти, токи, улар ўз мусулмон биродарларига қарши фитна урушига киришсинлар ва икки томондан ҳам бегуноҳ қонлар оқсин…! Қуролли кучларимизга қарши икки томонлама олиб борилаётган ўйин мана шу.
Эй Покистондаги мусулмонлар!
Ҳарбий ва фуқаровий раҳбариятдаги бу хоинлар Американинг Афғонистондаги босқинчилигини мустаҳкамлаш учун кечаю кундуз ҳаракат қилишяпти. Улар учун на Қабилалар минтақасидаги, на қуролли кучлардаги мусулмонларнинг ва на оддий мусулмонларнинг сариқ чақали аҳамияти йўқ. Улар душманларимизга итоат қилиш ботқоғига бўғизларигача ботиб бўлишган. Энг йиғлатадиган, аламлиси шуки, улар Америка энг заифлашган, қоқилган ва емирилиш жарлиги ёқасига бориб қолган бир пайтда шундай қилмишларни содир этишмоқда. Сурияда ҳам, Ироқ ва Афғонистонда ҳам мусулмонлар қўлида оддий қуроллар бўлса ҳам Американинг қўрқоқ қўшини мусулмонлар билан жанг қилишдан қўрқади. Америка иқтисоди синиб тугамоқда, унинг қўлида ҳозир дунёнинг турли ерларидаги ўз ҳукмронлиги ўрнини қопловчи сарф-харажатлари қолмаган. Шунинг учун ҳам у исломий жамоаларга қарши бевосита жанг қилишдан қўрқади. Ислом оламида энг қудратли армия бўлмиш Покистон қуролли кучлари қачон Аллоҳ Субҳанаҳу ва Таолонинг калимасини олий қилиш сари сафарбар қилингудек бўлса ҳамда бутун Уммат уни қўллаб-қувватлаб, ундан нусрат талаб қиладиган бўлса, Американинг бу армия билан тўқнаша олишинику айтмасак ҳам бўлади. Шундай экан, сиз мусулмонлар Исломий Халифалик давлатини барпо этишга ҳаракат қилиш орқали ушбу Рамазон ойини қайта нусрат ойига айлантиринг. Зеро, Халифалик давлати Умматнинг барча ресурсларидан Аллоҳ Субҳанаҳуни ва Унинг Росули САВни рози қиладиган йўлда фойдаланади.
Эй Покистон қуролли кучлари сафидаги холис мусулмонлар!
Пичоқ сувакка тақалиб, аллақачон иш ўзининг хатарли чўққисига етди. Бу раҳбарларингиз барча қизил чизиқларни қайта-қайта депсаб ўтишди. Иш ўз қўлингизда, бу хиёнатлар ва вайронагарчиликларга чек қўйиш сизга боғлиқ. Шу боис бу хоинларни ағдариб, улуғ олим шайх Ато ибн Халил Абу Рошта амирлиги остида ушбу Ҳизб ут-Таҳрирга нусрат-ёрдам беринг. Фақат шундагина сиз тўғри йўлни тутувчи битта халифа қўмондонлиги остида бўласиз, бу халифа сизларни Афғонистондаги босқинчиларни йўқ қилишга ва барча исломий юртларни кофирлар ҳукмронлигидан озод этишга сафарбар қилади. Аллоҳ Субҳанаҳу ва Таоло бундай деди:
يَا أَيُّهَا الَّذِينَ آَمَنُوا هَلْ أَدُلُّكُمْ عَلَى تِجَارَةٍ تُنجِيكُم مِّنْ عَذَابٍ أَلِيمٍ تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنفُسِكُمْ ذَلِكُمْ خَيْرٌ لَّكُمْ إِن كُنتُمْ تَعْلَمُونَ يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِن تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ذَلِكَ الْفَوْزُ الْعَظِيمُ
«Эй мўминлар, сизга аламли азобдан нажот берадиган бир «тижорат»ни кўрсатайми?: Аллоҳ ва Росулига имон келтирасиз, Аллоҳ йўлида мол ва жонларингиз билан жиҳод қиласиз. Мана шу агар билсангиз, ўзингиз учун энг яхши (иш)дир. (Агар шундай қилсангиз, Аллоҳ) гуноҳларингизни мағфират қилади ҳамда сизларни остидан дарёлар оқиб турадиган жаннатларга ва абадий жаннатлардаги покиза масканларга киритади, бу эса улуғ бахтдир» [Саф 10-12]
Ҳизб ут-Таҳрир 3 рамазон 1435ҳ
Покистон вилояти 1 июл 2014м
