Матбуот баёноти

Шом Триполисида иккинчи бинонинг қулаши шунчаки ачинарли ҳодиса эмас, балки очиқ-ойдин жиноятдир

Триполи шаҳрининг Қубба маҳалласидаги ҳодисадан бир неча кун ўтиб иккинчи бинонинг қулашига «шунчаки ачинарли ҳодиса» сифатида баҳо бериш мумкин эмас. Аслида бу очиқ-ойдин содир этилган қўпол бепарволик, яъни эътиборсизлик жиноятидир.

Триполига шунчаки ҳамдардлик баёнотлари, айниқса ҳокимиятдагилар ва триполилик молия «китлари» тилидан янграётган «Қалбимиз сиз билан!» қабилидаги қуруқ гаплар керак эмас. Аксинча, шаҳар учун зудлик билан қуйидаги амалий чоралар кўрилиши шарт: қулаш хавфи остида турган юзлаб биноларни тезлик билан бўшатиш, аҳолини муносиб турар-жой билан таъминлаш ҳамда жабрланганларга адолатли товон тўлаш.

Масъулият ҳокимиятнинг барча идоралари, шунингдек, шаҳардаги молия «китлари» – Миқотий, Сафадий, Каромий, Каббора ва бошқаларнинг зиммасидадир. Улар бойлик тўплаш билан банд бўлиб, Триполи аҳлини исталган пайтда бошларига қулаши мумкин бўлган «ўлим шифтлари» остида яшашга ташлаб қўйдилар. Бу тоифа инсонлар одамлар ҳаёти ва қадр-қиймати эвазига фақат ўз шахсий, сиёсий ва сайловолди манфаатларини кўзладилар.

Триполи ялиниб-ёлворадиган, тиланчилик қиладиган ёки кимнингдир раҳм-шафқатига муҳтож ҳолда кун кечирадиган шаҳар эмас. У ўз салоҳияти ва аҳолиси билан бой ва қудратли шаҳардир. Бироқ йиллар давомида атайлаб талон-торож қилиниб, қасддан қаровсиз ҳолга ташлаб қўйилди.

Ҳар бир фожиадан кейин сохта кўз ёш тўкиш эмас, балки жавобгарликка тортиш талаб қилинади!

Қубба ҳудудидаги биринчи қулашда кўплаб инсонлар ҳалок бўлганидан сўнг ваъдалар ҳам, йиғилишлар ҳам кўпайган эди. Аммо вақт ўтиши билан буларнинг барчаси – фақат вақтни чўзиш учун айтилган қуруқ ваъдалар, халқни тинчлантиришга қаратилган чалғитувчи медиа чиқишлар экани ошкор бўлди. Орадан кўп ўтмай, улар Триполи аҳлини яна унутишди. Мана бугун эса Таббана ҳудудида бино қулаганидан кейин яна ўша манзара такрорланмоқда: баёнотлар, ваъдалар ва йиғилишлар яна бошланди. Росулуллоҳ ﷺ айтдилар:

«لا يُلْدَغُ المؤمِنُ من جُحْرٍ وَاحِدٍ مَرَّتيْنِ»

«Мўмин битта тешикдан икки марта чақтирмайди». Хўш, биз бу ҳокимият ва сиёсатчиларга неча марта чақтирдик?!

Шу боис, Триполининг барча содиқ фарзандлари зиммасига шундай аҳволдаги кимсаларга нисбатан амалий қадамлар ташлаш, шунингдек, ечим топишда лоқайдлик қилгани ёки ишни пайсалга солгани исботланган ҳар бир ҳокимият эгаси ва унинг вакилларини лавозимдан четлатишни ва қаттиқ жавобгарликка тортишни талаб қилиш масъулияти юкланган.

Ҳизб ут-Таҳрирнинг Ливан вилоятидаги матбуот бўлими

0

0

Related posts:

Маориф вазирлиги Триполи ва унинг атрофларида фаҳшни тарқатиш жиноятини давом эттирмоқда! Триполи шаҳридаги «ҳиссиёт фестиваллари» деб аталган тадбирлардан мақсад ушбу шаҳарни Умматга нисбатан туйғусини йўқотган қилиб кўрсатишдир Триполи сурункали эътиборсизлик ва қулаб тушган бинолар қурбонлари исканжасида!