Сизни соғиндим онажон

Ҳақиқат қад росла, зулмат чалажон,
Руҳимда тетиклик, дилда ҳаяжон,
Оз қолди, Худодан сўрайлик сабр,
Сизни соғинганман жуда, онажон.

 
Ғийбатчилар яшар қузғунларга хос,
Туҳматчининг кори, нажасга таққос,
Аллоҳ розилигин, истадим холос,
Сизни соғинганман жуда, онажон.

 
Айтинг, қайси золим ўзни ўнглабдур,
Додимизни ёлғиз Худо тинглабдур,
Ҳақ деб қамалганлар, бунда минглабдур,
Сизни соғинганман жуда, онажон.

 
Одамларга қараб, ҳайратланаман,
Қуръони каримдан қувватланаман,
Ёлғиз Аллоҳимдан ҳайбатланаман,
Сизни соғинганман жуда, онажон.
 

Жаннатни ўрабдур бир олам тикон,
Дўзах атрофин лек ўраган чаман,
ИншаАллоҳ ғолиб уйга қайтарман,
Сизни соғинганман жуда, онажон.

 
Нечун бу кўз ёшлар, нечун бу ҳасрат,
Қуръонда оят бор “яқиндур нусрат”,
Қаранг уйғонмоқда бу буюк Уммат,
Сизни соғинганман жуда, онажон.