بِسْمِ اللهِ الرَّ حْمَنِ الرَّ حِيمِ

Роя газетаси:

«Сочи келишуви қонимизни беҳуда кетказиб, душманимизни ҳимоя қилди» шиори остида Сурияда оммавий намойиш ва юришлар ўтказилди

Сочи келишувини қоралаб чиққан халқ ҳаракати жума куни янада кучайди. Оммавий намойиш ва юришлар орқали давом этаётган бу тадбирлар Идлибнинг бутун ҳудудларига ёйилди. Жума намози ортидан Идлиб шимолидаги Салва шаҳрида таниқли ва нуфузли кишилар иштирокида бошланган намойишда бундай хоинона келишувга нисбатан шаҳар аҳолиси позициясини ифодаловчи плакатлар кўтариб чиқилди. Уларнинг ичидаги энг кўзга кўринган плакатда Ҳалабдан то Лозиқия ва Дамашққа қадар чўзилган халқаро йўл кўрсатилган харита тасвирланган бўлиб, унга «Қонхўр режим учун йўл очиб берилмоқда. Бегуноҳ одамларнинг қонлари тўкилиб, номуслари топталмоқда», дея ёзилган эди. Айни вақтда, Идлибда ҳам намойиш ўтказилиб, унда қўзғолонни йўқ қилишга қаратилган Сочи келишуви қораланди. Шунингдек ушбу намойиш сўнггида «Россияга вайрон қилиш, Туркияга қурбонларни санаш, гуруҳларга эса, жавоб қайтаришдан сақланиш роли топширилди!», дея «кафил давлат»ларга тақсимланган роллар баён қилинди.

Идлиб шимолидаги бу намойишларда, асосан, Сочи келишуви ва у келтириб чиқарган жиноятлар қаттиқ қораланди. Куфри Дарён шаҳрида ҳам айни келишувни қораловчи намойиш ўтказилиб, унда кўтариб чиқилган плакатда «Ким бугун Сочи келишувига сукут қилса, эртага номуслар топталишига ва ерлар таслим этилишига ҳам сукут қилади. Шунинг учун фронтларни очиш ва режимни ағдаришдан бошқа альтернатив йўқ», дея ёзилган эди. Бардақлий шаҳрида кўтариб чиқилган плакатларда эса, Сочи келишуви режим қонини ҳаром, бизнинг қонимиз ва номусимизни эса, ҳалол қилиб берди. Биз шаҳидлар қони билан озод қилинган йўлларни таналаримиз тилка-пора бўлса ҳам албатта очамиз каби мазмундаги шиорлар ёзилди. Ҳазра шаҳри намойишида эса, Сочи навбатдаги Сребреница экани таъкидланиб, «Биз бир кун ҳам ҳарбий жиҳатдан мағлуб бўлмадик, балки сиёсий тил бириктирув жиҳатидан мағлуб бўлдик», дея ёзилган плакатлар кўтариб чиқилди.

Маърат Нўмон шаҳри ва Идлиб жануби ҳамда Ҳама шаҳри яқинларида аҳолидан делегациялар ташкил қилинди. Делегациялар пайшанба куни Мурик шаҳридаги Туркия назорат постига бориб, турк раҳбариятига – биз Идлибни тилка-пора қилиш кўзланган Сочи келишувини қоралаймиз, деган мазмунда мактуб топширишди.

Роя газетасининг 2018 йил 21 ноябр чоршанба кунги 209-сонидан