بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Сомалида минглаб инсонларга очарчилик ўлими таҳдид солиб турган бир пайтда Америка у ерда Пентагонга мутлақ эрк бериб қўймоқда

Қўшма Штатлар президенти Данальд Трамп Сомалидаги «Ал-Қоида» ташкилотига алоқадор қуролли гуруҳларни таъқиб қилиш учун Америка армиясининг салоҳиятлари оширилишини, шунингдек, Пентагон талабига биноан, ҳаводан янада қаттиқ зарбалар йўллашга рухсат берилишини маълум қилди. 2017 йил 2 апрел куни «Милитари Таймс» газетасида берилган қуйидаги хабар «Арабий 21» томонидан таржима қилиниб тарқатилди: «Трампнинг янги қарори Америка махсус кучларига Сомали миллий армияси кучлари ва бошқа африкалик иттифоқчилар билан биргаликда жанг қилишга рухсат беради ҳамда ҳаво ҳужумлари олиб борилишига эшик очади». Маълумки, Американинг Африкадаги кучлари қўмондони генерал Томас Д. Уолдхаузер, Сомалида оддий фуқаролар орасида ҳалок бўлиш ҳоллари кўпаяётганидан огоҳлантирилган бўлишига қарамай, ўз кучларининг у ерда эркин амалиётлар олиб боришига бўлган чекловга норозилик билдириб келаётган эди.

Пентагонга Сомалида мутлақ эркинлик берилгани тўғрисидаги хабардан атиги бир неча кун аввал, у ерда қурғоқчилик, очарчилик, вабо касаллиги ва низолар кучайиб бораётгани, Яман ва Сомалидаги миллионлаб инсонларни қутқариш учун дунё олдида уч ёки тўрт ойгина вақт қолгани тўғрисида хабар тарқатилди. Ўтган ойлар мобайнида Сомалининг шимолидан то жанубига қадар одамлар қурғоқчиликдан қаттиқ зарар кўргани акс этган суратлар бутун ижтимоий тармоқларда тарқалди. Юзлаб инсонлар ўлгани, минглаби қочқинга айлангани, жуда кўп ҳайвонларнинг ҳаром ўлгани тўғрисидаги хабарларни бутун дунё кузатиб турди, экранларда ҳар ерларда жасадлар ётгани намойиш қилинди. Қуриб қолган қудуқлар, ташна оғизлар, ташналикдан жон таслим қилаётган аёллар ва болалар суратларини одамлар бир-бирларига жўнатдилар. Бу даҳшатли суратлардан 2010-2012 йилларда Сомалига қаттиқ зарба берган очарчилик хотирага келди. Ўшанда Сомалидаги очарчилик ҳақида қилинган огоҳлантирувларга қарамай, халқаро ҳамжамиятнинг бепарволиги сабабли чорак миллион шахс қирилиб кетганди.

Сомалидаги очарчилик, ҳеч кимга сир эмас. Ан-Ниньо иқлим ўзгариши (экватороиал Тинч океани сув ҳавзаси қатлами ҳароратининг ўзгариши) Шарқий Африкага қаттиқ зарба бўлмоқда ва ўз навбатида, бу Сомалида тинимсиз қурғоқчилик ҳодисасини келтириб чиқармоқда. Ушбу юрт аҳлига қурғоқчилик қаттиқ таъсир қилгани, бир қултум сув ва бир бурда нон излаб, қочқинлар жамлоғига кўчиб бораётганидан бутун дунё хабардор. БМТ Сомалини очарчилик хавф солаётган Нигерия, Яман, Жанубий Судандан кейин навбатдаги тўртинчи давлат ва бу тўрт минтақани низолар авж олаётган уруш минтақаси қилиб белгилади. Зеро, бу низолар у ерларга инсонпарварлик ёрдамлари етиб боришига ҳамда ривожлантириш лойиҳаларини амалга оширишга катта тўсиқ бўлмоқда. Қўшма Штатлар эса, мана шундай аҳволни кўра-била туриб, экстремист жамоаларни таъқиб қилиш ниқоби остида аёллар ва болалар дохил қочқинлар бошига бомба ёғдиришга қарор қилди!

Сомали ўнлаб йиллардан бери сиёсий бўшлиқ, давлатнинг йўқлиги, иқтисоднинг вайрон бўлиши каби оловда куймоқда… Ажнабий аралашув ҳам одамларга ҳеч қандай фойда келтирмади, аксинча, бошбошдоқликка гирифтор қилди. Турли миллатлардан ташкил топган кучлар ҳам на аҳдга ва на бурчга боқадиган кимсалар томонидан бошқарилади.

Сомали фожеаси қурғоқчиликда ҳам, очарчиликда ҳам, ҳосилнинг камлигида ҳам эмас. Сомали фожеаси сиёсий бўшлиқда ва Умматнинг тарқалиб-бўлиниб кетганидадир. Бу кризис кучайгандан-кучайиб, Умматнинг қолган қисмини ажнабий кучлар қурбонига, Эфиопия, Кения ва бошқа давлатлар ўлжасига айлантирди. Ёрдам кампаниялари эса, фақат шахсларга чекланиб қолмоқда, буюк Умматимиз орасидаги холис ниятли инсонларнинг фақат шахсий ташаббусларига, хайрия тадбирларига боғланиб қолмоқда, бошқа нодон ва тоғутлар эса Умматнинг бойликларини талашда бир-бирлари билан мусобақалашмоқда.

Фавқулодда гуманитар ҳалокат зонаси бўлган Сомали, Американинг зўравонлиги туфайли, қаттиқ душманлик амалиётлари бўлаётган зонага айланиб қолди. Аёллару болалар бошига ваҳшийлик билан ёғдирилаётган бомбалардан аёллар ҳам, болалар ҳам, ҳеч ким омон қолмаяпти.

Аллоҳим, бизга исломий юртларда бир дона қуш оч қолибди, дейилмаслиги учун, мусулмон ҳукмдорлар тоғларга дон сочиб чиққан замонни қайтаргин.

وَقَالُوا حَسْبُنَا اللَّـهُ سَيُؤْتِينَا اللَّـهُ مِن فَضْلِهِ وَرَسُولُهُ إِنَّا إِلَى اللَّـهِ رَاغِبُونَ

«Аллоҳ биз учун кифоя қилур. Яқинда Аллоҳ ва Унинг пайғамбари бизга Ўз фазлу карамидан (мол-дунё ҳам, бахт саодат ҳам) берур, Биз Аллоҳнинг Ўзига интилгувчи кишилармиз», дедилар»   [Тавба 59]

Ҳизб ут-Таҳрирнинг марказий матбуот

бўлими аёллар қисми

телефон-факс: 00961 1 30 75 94

уяли телефон: 00961 71 72 40 43

электрон почта: ws-cmo@hizb-ut-tahrir.info