Сунъий чегаралар фалокатлар келтиришда давом этмоқда
بسم الله الرحمن الرحيم
Хабар ва изоҳ
Сунъий чегаралар фалокатлар келтиришда давом этмоқда
Хабар: “озодлик” радиоси 6 май 2022 йилда қуйидаги хабарни тарқатди:
Қирғиз-ўзбек чегарасида ўқотар қурол қўлланиши натижасида уч қирғизистонлик ҳалок бўлди
Жалолобод вилоятининг қирғиз-ўзбек чегараси ўтган Тепақўрғон даҳасида 5 май куни Ўзбекистон чегарачилари Қирғизистоннинг уч фуқаросига қарши қурол ишлатди. Бу ҳақда Озодликнинг қирғиз хизмати Қирғизистон МХДҚ Чегара хизматидан олинган маълумотга таянган ҳолда хабар қилди.
Хавфсизлик идораси қайдича, 1974, 1998 ва 2000 йилларда туғилган уч фуқаро ўқотар қуролдан олинган жароҳат билан Олабуқа туман касалхонасига етказилган ва ўша ерда ҳушига келмасдан вафот этишган.
Қирғизистон ва Ўзбекистон ўртасидаги чегара узунлиги 1378 километрни ташкил қилади…..
Ўзбек чегарачилари ўқидан ҳалок бўлган уч қирғизистонлик бир оила аъзолари бўлгани тўғрисида Озодлик радиоси қирғиз хизматига 6 май куни Жалолобод вилоят Олабуқа туманидаги Актам қишлоқ ҳукумати раиси Мирлан Қамчибеков маълум қилди. Унинг айтишича, ҳалок бўлганлар 48 ёшдаги ота ва унинг 24 ҳамда 22 ёшдаги ўғилларидир.
Изоҳ: Бу мана шу сунъий чегараларда юз бераётган биринчи фожиа эмас. Чунки бундан олдин ҳам кўплаб фожеалар юз берган. Масалан 2020 йил 31 майда ҳам Ўзбекистоннинг Сўх райони билан Қирғизистоннинг Қадамжой райони ўртасидаги чегарада низо рўй бериб, уйларга ўт қўйилган ва иккала тарафдаги аҳоли бир-бирини тош бўрон қилган эди. 2021 йил 28 январда эса қирғиз-тожик чегарасида икки томон чегарачилари ўртасида юз берган отишма чоғида 11 киши яраланган ва 2 киши ҳалок бўлган. 2021 йил 1 майда қирғиз-тожик чегарасида юз берган яна бир низода 40 дан ортиқ киши ҳалок бўлди ва 200 дан кўпроқ киши яраланди… Бундай мусибатлар ва фалокатлар бўйича яна кўп мисоллар келтириш мумкин. Сунъий чегаралардаги низолар ҳалигача давом этяпти. Яъни бу сунъий чегаралар фалокатлар келтиришда давом этмоқда. Уларда бегуноҳ мусулмонлар қурбон бўлмоқда …
Маълумки, мустамлакачи кофирлар сайкс-пико келишуви асосида юртларимиз ўртасига сунъий чегаралар тортиб, уларни майда давлатчаларга бўлиб ташлашган. Зеро, уларнинг шиори “бўлиб ташлаб, ҳукмронлик қил” деган шиордир. Рус коммунистлари ҳам шу шиорга амал қилиб Ўрта Осиёни Ўзбекистон, Қирғизистон, Туркманистон, Тожикистон ва Қозоғистонга бўлиб ташлашган. Ҳозирда ҳам АҚШ бошчилигидаги ғарб бу сунъий чегараларни мустаҳкамлашга қаттиқ аҳамият бериб келмоқда. Масалан АҚШ нинг Марказий Осиё бўйича 2019 – 2025 йилларга мўлжалланган стратегиясида бундай дейилади: АҚШ Марказий Осиёдаги чегаралар хавфсизлигини таъминлаш учун 90 млн $ дан зиёд сармоя киритиб, кадрларни тайёрлаш бўйича 200 дан ошиқ тадбирларни ўтказди ва 2600 дан ошиқ чегарачиларни ўқув машғулотларидан ўтказди.
АҚШнинг сиёсий қуроли БМТ ҳам бу борада фаол иш олиб бормоқда. Масалан БМТ нинг наркотик ва жиноятчилик бўйича бошқармаси (UNODC) нинг Марказий Осиёдаги чегаралар бўйича ёрдам бўйича минтақа вакиллиги Ўзбекистон давлат божхона қўмитасига 6000$ миқдорида шахсий ҳимоя анжомларини тақдим қилди. UNODC кўмагида Қозоғистон жанубидаги қозоқ-қирғиз чегарасидаги назорат-ўтказиш пунктида янги чегара ҳамкорлиги офиси очилди. Қозоғистон миллий хавфсизлик қўмитаси чегара хизмати директори Дархан Дильманов: “БМТ нинг наркотиклар ва жиноятчилик бўйича бошқармаси Ашита Миттал хоним тимсолида давлат чегараларини биргаликда қўрмқлашда фаол иштирок этмоқда” деб UNODC вакиласи Митталга миннатдорчилик билдирди.
Марказий Осиё юртларида, жумладан Ўзбекистонда ер ости ва усти бойликларининг улкан заҳиралари мавжуд. Бунга қўшимча бу минтақада арзон ишчи кучи ҳам мавжуд. Таниқли америкалик тадқиқотчи Френсис Фукуяма: “Марказий Осиё тез орада глобал иқтисоднинг бир чеккаси бўлишни бас қилиб, унинг марказига айланади”, деган эди. Шунинг учун ҳам Россиянинн томорқаси бўлиб келган бу бой минтақа бошқа мустамлакачилар: АҚШ, Хитой ва Европанинг эътиборини ҳам ўзига тортиб келмоқда…
Бу минтақадаги ўзбек, қирғиз, қозоқ, тожик, туркман халқлари мўмин, мусулмон халқлардир. Демак, улар ўзаро биродар халқлардир. Улар Росулуллоҳ ﷺ айтганларидек бамисоли битта жасаддирлар. Улар ўзларининг ҳақиқий душманлари мана шу мустамлакачи кофирлар эканлигини тушуниб етмоқлари лозим. Бу мустамлакачи капиталистлар учун халқларнинг, айниқса мусулмон халқларнинг қони, жони, моли, ор-номусининг ҳеч бир аҳамияти йўқ. Куни кеча коммунист бўлган, бугун эса шу мустамлакачиларнинг югурдакларига айланган капиталист ҳокимларимиз учун ҳам буларнинг ҳеч бир қиймати йўқ. Буни бугунги аччиқ воқелигимиз кўрсатиб турибди. Шунинг учун биз мусулмонлар бу сохта чегараларни йўқ қилиб, яна бир бутун Уммат сифатида, Аллоҳ ваъда қилган ва Росулуллоҳ ﷺ башорат берган рошид Халифалик Давлати соясида бирлашишимиз лозим. Акс ҳолда бу сунъий чегаралар фалокатлар ва мусибатларни келтиришда давом этаверади.
إِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ
“Албтта сизлар бир бутун умматсиз, Мен эса (барчаларингизнинг) Парвардигорингиздирман. Бас, Менгагина ибодат қилинглар!” (Анбиё:92).
Ҳизб ут-Таҳрир марказий медиа офиси радиоси учун Ислом Абу Халил — Ўзбекистон
