بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Сурия режимининг бутун дунё гувоҳи бўлган навбатдаги жинояти!!

2017 йил 4 апрел сешанба куни тонгда олам даҳшатли қатли омга гувоҳ бўлди. Суриядаги ваҳший режим, юртнинг ғарбий қисмидаги Идлиб шаҳри яқинида заҳарли зарин газини қўллади… оқибатда – шаҳар соғлиқни сақлаш идорасига кўра – аксари болалардан иборат юздан ортиқ оддий фуқаро нобуд бўлиб, тўрт юздан зиёд инсон заҳарланди.

«Ал-Жазира» мухбирига кўра, 30 нафар аёл ва болалар ўша заҳоти ўлган, қолганлар эса касалхонага етмасдан жон таслим қилган. Айни қирғин, ушбу жабрланган шаҳардаги гуманитар фожеадан огоҳлантирувлар бўлаётган бир пайтда юз берди. Қирғин ортидан одамлар тўп-тўп бўлиб шаҳарни ташлаб чиқа бошладилар, ҳарбий учоқлар эса, мудофаа марказлари ва касалхоналарни қайта-қайта бомбардимон қилди, бу бомбардимонлар оқибатида ярадорларга биринчи тиббий хизмат кўрсатувчи «Раҳмат» касалхонаси вайрон бўлди.

Режимнинг бу манфур жинояти 2013 йил 21 августда содир этган жиноятини эсга солмоқда. Ўшанда унинг кучлари Дамашқнинг Ғута атрофидаги шаҳарларида кимёвий қуролдан фойдаланиб, 1500 нафар инсонни ухлаб ётган пайтда бир томчи қонларини тўкмаган ҳолда қириб ташлаган эди… аксари аёллар ва болалардан иборат беш мингдан зиёд инсон заҳарланган эди.

Дарҳақиқат, Сурия режими ўтган йиллар мобайнида мухолафат назорати остидаги турли минтақаларга халқаро жиҳатдан тақиқланган кимёвий ва заҳарли қуроллар билан 140 марта ҳужум қилиб… юзлаб инсонни шаҳид қилди, заҳарлади. Сурияга етиб келган ўн иккита ташкилот ва йирик еттита давлат ҳукуматларининг бунга қарши билдирган қораловларига парво ҳам қилмади.

Мана, бугун ҳам ўшандай қоралов ва таассуф билдиришлар такрорланмоқда, йирик давлатлар раҳбарлари хусусан, Америка раҳбарининг баёнотлари ҳам ушбу қораловлардан холи бўлмади. Америка 2013 йилдан бери кимёвий қуроллардан қуролсизланиш режасини эълон қилиб келди. Бу режа Барак Обаманинг Асадга кимёвий қуроллардан фойдаланиш, қизил чиқиздир, деган таҳдидларини йўққа чиқаришнинг бир йўли бўлган. Чунки Керри ўшанда Асад кимёвий қуролларни топширса, тўғри ечим бўлади ҳамда Американинг ҳарбий аралашувини олдини олади, деган эди. Айнан ўша ечимни Россия ҳам қабул қилди ва Асадни кимёвий қуролларни топширишга кўндиришга ваъда берди.

Бироқ Асад режими Ғута қирғинидан кейин ҳам кимёвий газ билан Суриянинг бошқа шаҳарларини бомбардимон қилишда давом этди ва уларнинг навбатдагисини бир неча кун олдин Хон Шихун шаҳрида содир этди. Бунга халқаро ҳамжамият ҳеч қандай амалий реакция билдиргани йўқ, балки Сурия кризиси учун тинч сиёсий ечим топишга чақирмоқда, айни қирғинни содир этган жинояткорларни судга тортишга ҳаракат ҳам қилгани йўқ. Бу эса айни давлатларнинг барчаси жинояткор режимни қўллаб-қувватлаётганларига ҳамда конференциялар ўтказиб, тахтдаги умрини узайтираётганларига очиқ далилдир. Ҳолбуки, бу конференцияларга қандай ном қўйилмасин, улар қандай жойларда ўтказилмасин, фарқсиз, мазмуни бир хил қолаверади. Бу мазмун эса, бошланганидан бери ўзининг исломий шиорлари ва талаблари билан ажралиб турган ушбу қўзғолонни йўқ қилиш учун қирғин ва қочқинга айлантиришни тобора кучайтиришдир. Мақсадлари, шу чирик режим структурасини ўз манфаатларига мувофиқ шаклда қайта тиклаб, ўзларининг мустамлакачилик тизимлари ташқарисида нафас олишни истаган ҳар қандай ҳаракатни бўғизлаб ташлашдир.

Бугун мусулмонлар ҳукмдорларининг сукут сақлаб жим туравериши, Шом аҳли фожеасига фожеа қўшмоқда. Улар ҳамон хўжайинларига қуллуқ қилиб, Асаднинг айни даҳшатли қирғинидан қочиб келган мусулмонлар ва ярадорлар қаршисида чегара ва йўлакларини беркитишгача боришди, бунга хавфсизлик чораларини баҳона қилишмоқда. Масалан, туркиялик бир масъул Идлибга яқин ердаги Бобул-Ҳаво йўлагини сешанба куни «хавфсизлик сабабли» беркитганини билдирди ва яқин кунлар ичида қайта очилишини таъкидлади. Ваҳоланки, Сурия томонидан яраланганларни олиб келган ўнлаб тез ёрдам машиналари, йўлакнинг очилишини турк ҳукумати беркитиб олгандан бери ҳануз кутиб турибди.

Бугун Шом аҳли аҳволи ҳам бошқа мусулмонлар аҳволи кабидир, уларни бундай ҳукмдорлар ёрдамида қутқаришга умид йўқ, умид бўлмайди ҳам. Йўқ, уларнинг кўзлари казармаларида биқсиниб ётган исломий армияларга, айниқса, тош отса етгудек масофадаги қўшни давлатлар армияларига умид билан мўлтираб турибди. Қачон қўзғалиб, бизга нусрат-ёрдам бераркинлар, бизни ғам-андуҳдан фориғ қилиб, Пайғамбарлик минҳожи асосидаги рошид Халифалик давлатини барпо этиш орқали Роббимиз шариатини ўрнатаркинлар, деган умиддалар. Бу давлат бизни хавфсизлик ва омонлик билан сийлайди, инсон ҳаёти билан ўйнашган ифлос кимсалардан ўч олиб, қалбларимизга ором беради.

Аллоҳ Таоло бундай деди:

يَا أَيُّهَا الَّذِينَ آمَنُوا إِن تَنصُرُوا اللَّـهَ يَنصُرْكُمْ وَيُثَبِّتْ أَقْدَامَكُمْ* وَالَّذِينَ كَفَرُوا فَتَعْسًا لَّهُمْ وَأَضَلَّ أَعْمَالَهُمْ* yذَٰلِكَ بِأَنَّهُمْ كَرِهُوا مَا أَنزَلَ اللَّـهُ فَأَحْبَطَ أَعْمَالَهُمْ

«Эй мўминлар, агар сизлар Аллоҳга ёрдам берсангизлар У зот ҳам сизларга нусрат-ёрдам берур ва жанг майдонида кадамларингизни собит-барқарор қилур. Кофирлар учун эса ҳалокат бўлур ва (Аллоҳ) уларнинг амалларини зое кетказур. Бунга сабаб, уларнинг Аллоҳ нозил қилган нарсаларни ёмон кўрганларидир. Бас, (Аллоҳ) уларнинг амалларини беҳуда кетказди» [Муҳаммад 7-8-9]

Ҳизб ут-Таҳрирнинг марказий матбуот

бўлими аёллар қисми

телефон-факс: 00961 1 30 75 94

уяли телефон: 00961 71 72 40 43

электрон почта: ws-cmo@hizb-ut-tahrir.info