بِسْمِ اللهِ الرَّحْمٰنِ الرَّحِيمِ

Сурия ва Туркиядаги ҳалокатли зилзила фожиасига бир назар

Устоз Аҳмад Суроний

Маълумки, Сурия ва Туркиянинг катта ҳудудларида вайронкор зилзила содир бўлиб, ўн минглаб одамлар ҳалок бўлди, мол-мулкларда катта йўқотишларни келтириб чиқарди… Ҳар икки томонда ҳам бутун шаҳарлар қулаб тушди… Шундай даҳшатли ҳодисалар ортидан биз бунинг оқибатларига тўхталиб, керакли сабоқ чиқармоғимиз даркор:

Туркияда вайрон бўлган уйлар сони 75 мингдан ортди, юзлаб пудратчилар ҳибсга олиниб, уларга «ҳукумат томонидан тасдиқланган зилзилага чидамлилик меъёрини бузган ҳолда қурилиш қилиш» айблови қўйилди. Бу, албатта турк режимининг бепарволигига далолат қилади. Чунки у қурилишлар сифати ва уларнинг стандартларга мувофиқлиги устидан назоратни кучайтирмаган.

Бундан ташқари, биз турк режимининг зилзиладан фойдаланганини, яъни жабрланган Сурия аҳлининг Туркияни тарк этишга ундаганини ҳам гувоҳи бўлдик. Масалан, уларга Сурияга чиқиш учун дарвозаларни ланг очиб қўйиб, уч ой ичида чиқиб кетишларини шарт қилди, кейин уни бир ойга қисқартирди. Сўнг, оммавий ахборот воситаларида Туркиядан чиқиб кетган сурияликлар ўз ихтиёрлари билан юртларига қайтиб кетяпти, дея ташвиқот олиб бориб, бундан сайлов учун фойдаланди. Ҳозиргача Туркиядан Сурияга чиққанлар сони 40 мингдан ортгани айтилмоқда.

Сурия шимолидаги қутқарув гуруҳлари учун зарурий ёрдамларга келсак, уларни турк режими билан унинг ортидаги қўзғолонга душман бўлган Ғарб давлатлари зилзиланинг бешинчи кунига қадар Сурияга киритишмади… Вайроналар остида қолганларнинг жони узилганига ишончлари комил бўлиши учун қасддан шундай қилишди. Бу билан халқаро ҳамжамиятнинг асл башараси очилиб, унинг инсонпарварлик, инсон ҳуқуқлари ва жабрланганларга ёрдам бериш каби даъволарининг ёлғонлиги фош бўлди.

Бир вақтнинг ўзида, биз Сурия режими назорати остидаги ҳудудларда зилзиладан кўрилган зарарлар анча озлигига қармай, ўнлаб давлатларнинг қонхўр режимга қатор ёрдамлар жўнатишга шошилганини гувоҳи бўлдик. Зеро, Сурия режимига бунчалик чопиб бориш ва у билан муносабатларни нормаллаштиришдан мақсад Американинг очиқдан-очиқ кўрсатмаси орқали уни ҳокимиятда сақлаб қолишдир. Бунга БМТ бош котибининг матбуот котиби Стефан Дюжаррикнинг – Туркиядан Сурия шимолига гуманитар ёрдамлар ўтиши учун Сурия режими Бобул Ҳаво ўтиш йўлагидан ташқари яна иккита қўшимча ўтиш йўлагини очишга рози бўлди, деган баёноти мисол бўлади.

Хўш, Туркия билан Сурия шимолидаги озод этилган ҳудудлар ўртасидаги ўтиш пунктларини очишга Асад режими рози бўлиши керак, дея БМТнинг бунча ташвиқот қилишидан мақсад нима, ахир, бу ҳудудлар унинг назоратидан ташқари-ку?! Бунинг сабаби Асадни ҳокимиятда ушлаб қолиш ва озод этилган ҳудудларни яқин келажакда амалда унинг назорати остига киришига замин яратишдан иборатдир. Яраштириш отахони бўлган турк режими шуғулланаётган ишдан мақсад ҳам мана шу.

Ушбу қирғинбарот зилзиладан олинадиган сабоқ шундан иборатки, айни фожиа вақтида барча Шом аҳли кишини ҳайрон қолдирадиган даражада бир-бирларига дастак бўлдилар… Минглаб кўнгилли сурияликлар зарар кўрганларга ёрдам беришда қатнашиб, имкониятлари доирасида бир ёқадан бош чиқардилар. Зарар кўрган ҳудудлар томон шаҳар ва қишлоқлардан ёрдамлар оқиб келди, эҳтиёжмандларга ёрдам беришга қаратилган кўнгиллилар акцияси бошланди… Бу ишлар зарар кўрган сурияликларни ёрдамсиз қолдиришга халқаро даражада тил бириктирилаётган бир пайтда, исломий биродарлик ва ўзаро ишончнинг ажойиб манзарасини намоён этди.

Бу ҳодиса жамоий ҳаракат барчамизнинг нажот камаримиз эканига бизни ишонтириши лозим. Чунки бу қўзғолонимизда нусрат қучишимизга сабаб бўлувчи самарали ҳаракатдир ва бунинг учун қўзғолончиларнинг ҳар бири ўз минтақасида тартибли равишда ҳаракат қилмоқлари ва сафларини бирлаштирган ҳолда қўзғолоннинг ҳарбий ва фуқаролик уюшмаларини тузмоқлари даркор.

Кейин эса, бу уюшмалар бир-бирлари билан боғланиб, қўзғолоннинг ўзгармас мақсадларини маҳкам ушлайдиган битта инқилобий жисмга айланадилар ва тортиб олинган қарорларини қайтариб олиб, қўзғолоннинг ҳозирги эскирган-чирик машинасини алмаштирадилар ва янги машинада йўлга тушадилар, унинг рулини Дамашқдаги қонхўр режимни ағдариш ва харобалари узра Ислом ҳокимиятини ўрнатишга интилаётган холис онгли сиёсий ва ҳарбий етакчилик қўлига топширадилар. Чунки Аллоҳнинг нусрати, ушбу нусрат шартларига риоя қилган ва унинг учун жиддий ва холис ҳаракат қилган кишилар учун жуда ҳам яқиндир.

﴿يَا أَيُّهَا الَّذِينَ آمَنُوا إِنْ تَنصُرُوا اللهَ يَنْصُرْكُمْ وَيُثَبِّتْ أَقْدَامَكُمْ﴾

«Эй мўминлар, агар сизлар Аллоҳга ёрдам берсангиз У ҳам сизларга нусрат-ёрдам берур ва жанг майдонида қадамларингизни собит-барқарор қилур»                                               [Муҳаммад 7]

Роя газетасининг 2023 йил 22 март чоршанба кунги 435-сонидан