بِسْمِ اللهِ الرَّحْمٰنِ الرَّحِيمِ

Таҳрир Шом ҳайъати муаммо Ҳизб ут-Таҳрир билан унинг ўртасида эмас, балки муаммо у билан бутун Уммат ўртасида эканини англаб етармикин?!

Таҳрир Шом ҳайъати етакчилари шуни англамоқлари лозимки, муаммо улар билан фақат Ҳизб ут-Таҳрир ўртасида эмас. Балки улар озод этилган минтақа тақдирини ҳарбий ва сиёсий жиҳатдан ўз қўлларига олишлари ҳамда Умматга зулм қилишлари натижасида ўзлари билан бутун Уммат ўртасида муаммолар туғилди. Бор гап шундаки, Ҳизб ут-Таҳрир Ислом Умматининг бир бўлагидир, Умматнинг тортиб олинган ҳокимияти ва қарорини қайтариб олишга ҳаракат қилмоқда. Бу ҳаракат Таҳрир Шом ҳайъатининг тинчини бузяпти. Шунинг учун бу ҳайъат билиб қўйсин, агар у Умматга ҳокимиятни қайтариб бериб, бошидан зулму ситамларни ва зўравонликларни кўтармайдиган бўлса, бирорта ҳам муаммони ҳал этиш қўлидан келмайди. Ҳизб ут-Таҳрир аъзоларини тинмай қамоққа олаётган бўлса-да, бироқ ҳаргиз Ҳизб фикрларини тўхтатолмайди, аксинча, бу фикрлар оловига мой сепади, уларнинг соғломлигини, кенг тарқалишини зиёда қилади. Негаки, фикр эгаларига тазйиқ қилиб, уларни қамаш мумкин, аммо фикрларни кишанлаб, қамаб бўлмайди. Агар бу ҳайъат етакчилари ўз қилмишларини англаб етсалар, марҳамат, Уммат билан муносабатларини тузатиб олсинлар. Агар шундай қилишмаса, у ҳолда, кураш ўзлари билан Ҳизб ут-Таҳрир ўртасидагина эмас, балки Ҳизб ут-Таҳрир етакчилигидаги Уммат билан ҳам давом этади. Аммо ўз Умматига қарши курашганларнинг бирортаси зафар қучган эмас ва ҳаргиз қучолмайди ҳам. Аллоҳ Таоло айтади:

﴿وَلَقَدْ كَتَبْنَا فِي الزَّبُورِ مِن بَعْدِ الذِّكْرِ أَنَّ الأَرْضَ يَرِثُهَا عِبَادِيَ الصَّالِحُونَ + إِنَّ فِي هَذَا لَبَلاغاً لِّقَوْمٍ عَابِدِينَ + وَمَا أَرْسَلْنَاكَ إِلاَّ رَحْمَةً لِّلْعَالَمِينَ﴾

«Дарҳақиқат Биз (Лавҳул-маҳфузда) зикр қилгандан сўнг Забурда: «Албатта (жаннатнинг) ерига менинг солиҳ бандаларим ворис бўлурлар», деб ёзиб қўйганмиз. Албатта, (Қуръонда) мана шу ибодат қилгувчи қавм учун етарли нарса бордир. (Эй Муҳаммад), дарҳақиқат Биз сизни барча оламларга фақат раҳмат қилиб юбордик»  [Анбиё 105-107]

Роя газетасининг 2019 йил 18 сентябр чоршанба кунги 252-сонидан