Етти ярим миллиарддан ортиқ инсоннинг биримиз

بِسْمِ اللهِ الرَّحْمٰنِ الرَّحِيم

Ўзингиз тўғрингизда ўйлаб кўринг. Сиз бугунги кунда шу ҳаётда нафас олиб турган етти ярим миллиарддан ортиқ инсоннинг бирисиз. Бу оддийгина рақам, лекин бу рақам остида яшаётган инсонларнинг ҳар бирида бир дунё хурсандчилик ва ғам-ташвиш. Бири иккинчисиникига ўхшамайди. Ҳатто уларнинг бир-бирларига нисбатан ютуқлари ва камчиликлари, кучли жиҳатлари ва кучсиз томонлари мавжуд. Яъни сизда ҳам бошқа инсонларга нисбатан ютуқларингиз ёки устун жиҳатларингиз, шунингдек кучсиз томонларингиз бор. Сиз мана шундай инсонларнинг бирисиз. Сизда қанча орзу ҳавас бўлса, бошқаларда ҳам сизникича ёки сизникидан ортиқ. Яхши ҳаётни таъминловчи сиздаги имкониятлар уларнинг баъзисида бор ёки ортиғи билан, баъзисида эса, камроқ ёки жуда кам. Сиз ҳам яшаяпсиз, улар ҳам…

Баъзида ўйлаб кўрсангиз бу борлиқдаги арзимас бир заррага ўхшайсиз. Баъзида эса, сиз ўзингизча ўта муҳим бўлган ёки ҳаёт чархпалагининг айланишида катта ўрин тутувчи инсондек туюласиз. Баъзида шунчаларки, худди сиз муаммолар гирдобида қолиб кетгандексиз ва бу гирдобдан чиқишингиз амримаҳол. Баъзида эса, ўзингизни ўз муаммоларингиз тугул бошқаларнинг ҳам муаммоларини ечиб юбора оладиган лаёқат мавжуддек ҳис қиласиз. Баъзида жуда ақллисиз, баъзида эса, ақлингиз ўта ноқис.

Биласизми, инсонлар тўғрисидаги бундай омилларни санайверсак, санаб тугатиш қийин. Вақт ўтади. Лекин мавзу, мазмун ўша-ўша. Яъни сиз шу ҳаётдаги барча инсонларнинг бирисиз. Шу ўринда, ўйлаб кўрганмисиз, нима учун сизда бори уларнинг баъзисида йўқ ва баъзисида сизникидан ҳам кўп. Ёки буларнинг акси. Булар билан боғлиқ ҳолда ўзингиз тўғрингизда саволлар келиб чиққанми? Мисол учун:

Нима учун мен шундайман? Ёки нима учун мен шундай яшайман? Ва қачонгача шундай? Ундан кейин-чи? Ҳаётим тугаганидан кейин нима бўлади? Шу каби саволлар устида бош қотирганмисиз?

Айнан шундай саволлар кўплаб инсонлар хаёлидан ўтади. Баъзилар охирига етиш учун бор имконияти билан ҳаракат қиладилар. Лекин баъзилар учун эса, бу саволлар борасида ўйлаш, фикрлаш ортиқча вақт сарф этиш ҳисобланади. Энди сиз айтингчи, бу турли инсонларнинг қайси турига мансубсиз?  Ҳаётнинг асл моҳиятини тушунишга ҳаракат қилиш сиз учун жиддий ва муҳимми ёки ортиқча вақт сарф этишми? Шу етти ярим миллиард инсонларнинг баъзилари булар тўғрисида жиддий ўйланадилар ва ҳаёт тўғрисида ўз тушунчаларига эгалар. Ҳамда бу тушунчалар асосида, яъни иймон ва куфрий тушунчалари асосида яшаб бир-бирларидан фарқ қиладилар. Сиз бу борада қайси томоннинг бирисиз, кимдан ва қандай фарқ қиласиз?

Ҳизб ут-Таҳрирнинг Ўзбекистондаги медиа офиси. Абдуллоҳ

16.10.2019й