Таиз ва Адан шаҳарларида Ҳизб ут-Таҳрир йигитларининг қамоққа олиниши
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Таиз ва Адан шаҳарларида Ҳизб ут-Таҳрир йигитларининг қамоққа олиниши
Ҳусий жангарилари ўттиз тўққиз ёшли биродар Абдуллоҳ Аҳмад Ножийни ўзининг иш жойидан, аниқроғи Таиз шаҳридаги Думна Ходир мудириясидан варақа тарқатганидан сўнг қамоққа олди. Ҳизб варақаси «Курашувчи томонлар мустамлакачиларга хизмат қилиб, Яман аҳлини ўтдан яна ўтга судраб кетмоқда… Эй Яман аҳли, бутун оламлар Парвардигорининг ўт-дўзахидан сақланинг» сарлавҳаси остида эди.
Ҳизб аъзолари, ушбу варақани юртнинг бир неча минтақаларида тарқатишган эди. Ҳизб ут-Таҳрир-Яман вилояти варақада Яман ичкарисидаги курашаётган томонларнинг мустамлакачи кофирларга, асосан, АҚШ билан Британияга қанчалар хизмат қилишаётганини, бу икки давлат маҳаллий ва регионал малайлар ёрдамида нуфуз ва бойлик учун курашаётганини фош қилган эди. Шунингдек, аслида, Ямандаги кураш Англо-Америка кураши бўлиб, уларнинг маҳаллий ва регионал қўғирчоқлари кимлар экани ҳам баён қилиб ўтган. Бундан ташқари, варақа сўнггида, Яман ичкарисида курашаётган томонларни БМТдан эмас, Ислом шариати ва аҳкомларидан ҳукм сўрашга даъват қилган. Ва яна шунингдек, варақада Яман аҳли ўртасига низо уруғини экиб, мусулмонларни бир-бирларига қарши уриштираётган тараф мана шу БМТ экани, бу ташкилотнинг АҚШга хизмат қилиши ва унга асосан АҚШ таъсир ўтказиши, Америка дунё халқлари ҳисобига ўз манфаати амалга оширишда мана шу ташкилотдан фойдаланиши ҳам баён этилган.
Бир вақтнинг ўзида, Аданни ўз назорати остида ушлаб турган ва «қонуний» дейилаётган томонга қарашли кучлар ҳам Ҳизб ут-Таҳрирнинг аданлик икки аъзосини қамоққа олди. Уларнинг ҳар иккиси ҳамон ҳибсда ушлаб турилибди.
Ҳизб ут-Таҳрир аъзоларини қамоққа олишлар шуни кўрсатадики, хоҳ «инқилобчилар», дейилаётган Ҳусийлар бўлсин, хоҳ «қонуний», дейилаётган Ҳодий томон бўлсин, фарқсиз, ҳар икки томон ҳам урушлар ва фитналарни тўхтатишга чақираётган ҳақ сўздан қўрқишмоқда. Томонларнинг ҳокимият ва бойлик учун курашлари эса, халққа фақат бадбахтлик ва машаққатларни келтирди… Бу урушлар Яман аҳлини очлик, ишсизлик ва касалликлар гирдобига ғарқ қилди, экинзору наслларини қуритди… Юртда на маош бериляпти, на хизматлар кўрсатиляпти… Осмонга чиқиб кетган нарх-наво билан солиқлар халқнинг чўнтагидаги қолган-қутган чақасигача қоқиштириб оляпти… Уч йилдан бери давом этаётган уруш ва курашлар исканжасидаги халқ омма мулкини талон-тарож қилиш, зўравонлик, оғиз очгани қўймаслик ва асоссиз қамоққа олишлардан азоб чекмоқда. Халқ бу курашаётган томонлар оловида жизғинак бўлиб ёнмоқда. Зеро, имон ва ҳикмат дея аталган Яман юртида дини ва жонининг хавфсизлиги таҳдид остида турибди!!
Маълумки, Ҳизб ут-Таҳрир ўзаро жанг ва фитналарга чақирмайди, аксинча, бундай ишларни тўхтатиб, шариатга мурожаат этишга даъват қилади. Ҳизб ўзига исломий фикрни қурол қилиб олган бўлиб, мана шу нарсани одамларга етказади, жамиятга қарши мутлақо қурол кўтармайди, ғоясига етиш йўлида зўравонлик амалиётига қўл урмайди. У Ямандаги мусулмонлар билан бошқа исломий юртлардаги мусулмонларни мазҳаб, тоифа, насл ва минтақа жиҳатидан ажратмайди, ўзига Набий ﷺни ўрнак қилиб олган ҳолда, шаръий тариқатга риоя қилади, Исломга зид иш қилганларни муҳосаба қилиб, қилмишларини фош этади. Ҳизб барча томонларга мурожаат йўллаб, уларни шариатга мурожаат қилишга ва Пайғамбарлик минҳожи асосидаги рошид Халифаликни барпо этишга даъват қилиб келган… Бироқ мана шуларга қарамай, Яман ичкарисида кураш олиб бораётган томонлар даъватни етказаётган Ҳизб аъзоларини қамоққа олишмоқда. Чунки Исломга амал қилишга, ундан ҳукм сўрашга ва урушни тўхтатишга чақириш уларнинг наздида жиноят саналиб қолган. Нега?! Чунки бу курашаётган томонлар, уруш савдогарлари ва фитна қўзғовчилардир.
Биз Яман аҳли елкасига миниб олган бу курашувчи томонларни бечора мусулмонларни тинч қўйиб, уларга озор бермасликка, юртни хонавайрон қилган ва фуқарони эзиб юборган ичкию ташқи урушларни тўхтатишга чақириб келдик ва ҳамон чақирмоқдамиз. Шунингдек, улардан Исломни ҳаёт воқеига олиб келишга даъват қилаётган Ҳизб аъзоларига берилаётган озорни тўхтатишни ҳам талаб қилиб, мазлум маҳбусларни – улар ким бўлишидан қатъий назар – озод этишга чақирдик. Зулм, ҳар қанча узоқ вақт чўзилмасин, вақти келиб, албатта тўхтайди. Ҳизб ут-Таҳрир эса, Аллоҳнинг амрида собит туриб, ўзининг тариқатидан чекинмай, то Пайғамбарлик минҳожи асосидаги рошид Халифаликни барпо этишдек ўз ғоясига етгунга қадар фаолиятини давом эттиради. Бу жинояткор томонлар Исломга заррача алоқаси йўқ қилмишлари билан ҳақ сўз нурини ўчиришга уринишмоқда. Бироқ ҳар қандай ёмон кўрувчилар ёмон кўрмасин, Аллоҳ Ўз нурини ҳар тарафга тўла ёювчидир. Зеро, эртанги кун уни кутиб турган киши учун жуда яқиндир.
Ҳизб ут-Таҳрирнинг Яман вилоятидаги матбуот бўлими
Телефон: 735417068
Электрон почта: aan1924@gmail.com
Ҳизб ут-Таҳрир сайти: www.hizb-ut-tahrir.org
Ҳизб ут-Таҳрирнинг матбуот бўлими сайти: www.hizb-ut-tahrir.info
