بِسْمِ اللهِ الرَّحْمنِ الرَّحِيمِ

Тарбиясиз тузум меваси

Ўзлари учун нолойиқ жойларни эгаллашларига имкон яратиб берган бундай тузумда, фарзанд тарбияси жуда катта эътибор талаб қилишлиги табиий хол. Мухит шу даражада бузилдики таълим берувчи устоз далада ва қурилиш жойларида мардикор бўлиб юриши бизлар учун одатий холга айланди. Мана шунинг учун қизингиз бевақт хомиладор, фарзандларингиз ўз жонига қасд қилган, ахир тарбиялайдиган устози мардикорга айланган бўлса, ота-оналарини вақти бўлмаса, бу болалардан бошқа нима кутиш мумкин?

Мен туманимиздаги мактаблардан бирида ўқитувчи бўлиб ишлайман. 15 йилдан бери шу ерда ўкувчиларга таълим бериб келаман. Сир эмас бизнинг мактабимизда ҳам хозирги кунда ўқувчиларнинг одоб ахлоқ масаласи, айниқса қизларнинг очиқ сочиқ беҳаё кийинишларини назорат қилишимиз бугунги куннинг долзарб мавзуси бўлиб турибди. Бу борада мактабимизда текширувлар, ўқувчилар иштирокида мажлислар ўтказилмоқда.

Январ ойида ўқувчиларнинг мактаб формаларини, қўл телефонларини текшириш, ўқувчилар беҳаё суратлар, клиплар ва шу каби ножоиз нарсалардан фойдаланишини аниқлаш учун мактабимизга текширувчилар келишди. Табиийки, устозлар бу холатдан шошиб қолишди. Чунки текширувчилар бу борада бирор нарса аниқлашса, бечора ўқитувчиларни хар хил чоралар билан жазолашлари аниқ, мисол учун оммабоп усул бўлган ойликларидан қирқишлар. Харбир устоз ўзига бириктирилган синф ўқувчиларини тезда огохлантириб кимни телефонида ёки сумкасида шундай ножоиз нарсалар бўлса дархол йиғиб беришларини, текширувчилар кетгач қайтаришларини айтиб, йиғиштириб олишди. Текширувчилар ўқувчиларни чўнтагию, сумкасини обдон текширдилар. Улар кетгач эса устозлар суратлар, флешка, чип ва шу каби нарсаларни ўқувчиларга кайтариб беришди. Шуларни кўриб гувохи бўлар эканман биз устозлар ва шу болаларга масъуллар ўзи нима қилаяпмиз деб ўйлаб қолдим.

Ёки куни кеча 14 феврал куни мактабимизнинг юқори синф қизлари ва уларнинг оналари иштирокида ўтказилган қизлар мажлисини олайлик. Бу мажлисда туман хотин-қизлар қўмитаси раисаси, фахрий онахонлар, туман шифохонасидан мутахасис гинеколог ва жомеъ масжиди имом-хатиби ташриф буюришди. Бу имомга эркаклардан шерик бўлиб мен ҳам кирдим. Аввало қизларнинг очиқ-сочиқ бехаё кийинишлари хақида сўз бориб шундай кийинган баъзи қизлар огохлантирилди. Онахонлар ўз хаёт тажрибаларидан гапириб, бизни ёшлигимизда оёқ ёки билакни очиб юриш уят саналарди, ойингиз ёки бувиларингизни ёшлик суратларига қаранг кийинишларини кўринг, ибрат олинг, одобли, хаёли бўлинг дея насихатлар қилишди.

Имом хатиб сўзга чиқаркан, яқинда коллеж ўқувчиларидан бири ўз жонига қасд қилгани, лицейдаги ўқувчи қиз хомиладор бўлиб қолганини мисол келтириб, қизларнинг барвақт турмушга чиқиши ва ёмон оқибатларидан гапирди. Президентимиз томонидан қизларнинг балоғат ёши 23 ёш, ўғил болаларнинг уйланиши учун 25-26 ёш белгилангани, ким бунга риоя қилмаса жиноят саналаши хақида таъкидлади. Ўқувчи қизлардан бири имомга савол билан мурожат қилди. “Бизга “Ўткан кунлар”даги Кумушбибидан ибрат олинг дейсизлар. Кумуш 17 ёшда эрга теккан. Ёки Оиша онамиз 11 ёшларида турмушга чикдилар. Динимиз рухсат берганку. Нега бизга 23 ёш белгиланди. Ўша коллеждаги қиз бевақт хомиладор бўлиб қолгандан кўра эрга тегиб хомиладор бўлса яхши бўлардику. 23 ёшга кирса қари қиз бўлади, хечким келин қилмайди. Шунинг учун президент белгилаган ёшга еткунча бевақт хомиладор бўлиб қолганлар кўпайиб кетмайдими?” – деди. Бу савол кимларгадир кулгили туюлди. Имом учун кутилмаган савол бўлди, лекин жавоб беришга уринди “Қуёш нури яхши тушадиган жойга ниҳол экинг ва нур кам тушадиган жойга ҳам экинг, қайси бири яхши ривожланади?! Қизларни балоғатга етиши ҳам иқлимга боғлиқ. Арабистон жуда иссиқ у ерда қиз бола 11 ёшда балоғатга етгандир. Аммо бизда 23 ёш балоғат ёши” – деб тушунтирди. Назаримда бу савол хокимият вакиласига ёқмади, у қизни одобсизликда айблади “Кимки президентимиз қарорларини маъқулласа у кишининг фарзанди хисобланади, ким қарши чиқса хоин саналади. Тилингга эхтиёт бўл ёки қамалишни хохлайсанми? Сен ўқувчисан, диндан гапиришга хаққинг йўқ. Шариат президент қарорларига мос келиши шарт, акс-холда эътиборга олинмайди билиб ол” – деди. Яна хар томондан қизни изза қиладиган сўзлар билан койишиб, “23 ёшгача чидай олмайман дейсанми, хаёсиз”, дея уялтиришди. Бу холатни кўрган бошқа қизлар назаримда бир сўз дейишдан қўрқиб қолишди. Қизларнинг қизиқишлари, таклифлари сўралганда бирортаси лом-мим демай ўтиришди. Мен ҳам устоз сифатида ҳам ота сифатида мажлисда иштирок этарканман назаримда қизлар бу даврада хадик ва қўрқув билан мажлис тугашини бетоқат кутиб туришгандай туюлди менга. Имомга шерик бўлиб киришга рози бўлганимдан жуда афсусландим.

Аллоҳнинг динини инсоннинг хохишларига қараб татбиқ қилсак, тарбиясиз тузумга фарзандларимизни тарбиялаш учун бериб қўйган бўлсак, тарбия, одоб ахлоқнинг кони, хаётий яшаш қонунлари келиб чиқадиган Ислом динидан узоқлаштирсак, хозирги холатимизданда ёмонроқ натижалар кутаётгани аниқ бизларни.

Атрофингизга қаранг, хар ёқ муаммолар билан тўлиб кетган, хатто сизу бизга бу муаммолар бўлиши керакдек, одатий холдек туюлиб қолган. Биз бу муаммолар устида жиддий ёндошиб, хаёлимизни бир жойга жамлаб фикрлаб кўрайлик, ечим топа олмайсиз, вахоланки сиз яшаётган бу тузумда бу муаммоларга ечим йўқ. Юқорида келтирилган мажлисларга ўхшаш холатлар ўзларини бу муаммоларга ечим топишга уринишаётгандек кўрсатиш холос, аслида улар ҳам ечим топа олмасликларини биладилар. Фарзандларимиз наркотика, фахш ишлар, хар хил жиноий ишлар билан шуғулланишлари ва хатто ота-оналарини қотилига айланаётган холатлар, эътибор берингда бундай холатлар 10 ёки 15 йиллар олдин киноларда бўларди, хаётимизда эса тасаввур қила олмасдик. Хозир ҳам демократиянинг уяси бўлган давлатларда кўз кўриб қулоқ эшитмаган, сизу биз тасаввур қила олмайдиган ишлар содир бўлаяпти, мисол учун эркак эркакка, аёл аёлга, ака сингилга никохланиши. Агар бизлар ҳам буларга эргашиб давом этсак муаммолар янада кўпайиши аниқлиги шу ердан маълум.

Шунинг учун тезлик билан бу тузумни тарк қилиб, бизларга азизлик берадиган Аллоҳнинг дини, Исломий тузум орқали бошқариладиган тузумни олиб келишга харакат қилишимиз керак, шунда бизларнинг келажагимизни бундай муаммолардан холи ва фарзандларимиз бахтли, юксак инсонлар бўлишига ёрдам берган бўламиз. Албатта бу иш шу дунёмиз ва Охиратимиз учун энг фойдали йўлдир.

Ҳизб ут-Таҳрирнинг Ўзбекистондаги медиа офиси Абдуллоҳ

18.02.2014й.