Татаристон ва Бошқирдистон мусулмонларига қарши амалга оширилаётган мунтазам қамоққа олишлар
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Татаристон ва Бошқирдистон мусулмонларига қарши амалга оширилаётган мунтазам қамоққа олишлар
2017 йил 6-7 июн кунлари Россия Федерал хавфсизлик кучлари, ахборот воситалари эътиборини жалб қилмаган ҳолда, Татаристон ва Бошқирдистонда Ҳизб ут-Таҳрирда фаолият қилганликда гумонланган мусулмонларга қарши кенгкўламли қамоққа олиш ва уйларга бостириб кириш амалиётлари ўтказди. Икки кун мобайнида Қозон, Сибай, Баймак шаҳарларида ўтказилган амалиётлар йигирмадан ортиб кетди.
Татаристондаги амалиётлар натижаси ўлароқ, 1983 йил туғилган Зиннатов Ильнар билан 1979 йил туғилган Туляков Маратга Россия Федерацияси жиноят кодексининг 205 модда 1 қисми (террористик ташкилотда фаолият қилиш) айблови қўйилди. Бошқирдистондаги амалиётларда қамоққа олинган Сагадеев Айнур, Алсынбаев Шавкат ва Янашев Айназларга ҳам айнан шу модда бўйича айблов қўйилиб, уй қамоғига ҳукм қилинди. Аммо Карасбаев Рустамнинг қаерда сақланаётгани ҳануз номаълум. Қолган йигитлар айблов қўйилмасдан қўйиб юборилди.
Россия Федерал хавфсизлик кучларининг Бошқирдистон ва Татаристондаги гумашталари бу ҳужумларни деярли бир вақтда содир этишяпти, амалиётда қўлга олинган гумондорларга ёлғондан Ҳизб ут-Таҳрирга аъзолик айбловларини тиркашмоқда.
Икки қўшни республикада бир вақтда содир этилган айни қилмишларни қуйидагича изоҳлаш мумкин:
Жорий йил 16 май куни Россия хавфсизлик хизмати раиси Николай Патрушев Қозон шаҳрига келди. У Приволжск федерал округи расмийлари ҳамда амалдорлари билан терроризм ва экстремизм хусусида йиғин ўтказди. Йиғилиш ҳисоботларига «махфий» деган муҳр босилган бўлсада, бу йиғин натижасида терроризмга қарши янги жиноий ишлар очилиши маълум эди. Яъни, Повольже (Волга бўйи) республикаларида йиғинда белгиланган терроризмга қарши курашиш режалари асосида террор характерига эга бўлган жиноятларни содир этмаган мусулмонларни ҳибсга олиш ҳақида бу йиғинда кўрсатма берилган.
Ҳар галгидек, олий суднинг 2003 йили Ҳизб ут-Таҳрирни ҳеч бир асоссиз террор ташкилотлари рўйхатига киритиши Ҳизб аъзоларига нисбатан сохта айблар тўқиб чиқарилишига асос бўлиб қолмоқда. Шунинг учун хавфсизлик хизмати ходимларининг бу ҳаракатларини эътиқод учунгина репрессия қилиш, дея аташ мумкин.
Ҳизб ут-Таҳрирнинг
Россиядаги матбуот бўлими
Расмий сайт: www.hizb-russia.info
Электрон почта: mediaoffice.htr@gmail.com
