بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Терроризмга қарши кураш Исломга қарши кураш эмасми, ахир?!

Момбасадаги марказий полиция бўлимига ҳужум қилишда гумонланиб, уч нафар муслима қиз ўлдирилган амалиётдан кейин одатдагидек бу мавзу экстремизмга қарши кураш назаридан туриб ёритиладиган бўлди. Бироқ аслида, бу ҳодисадан юртдаги мусулмонларни қўрқитиш мақсадида бир баҳона сифатида фойдаланилмоқда. Гумонланган уччала қизга, маҳаллий ва хорижий ахборот агентликлари мақолалари орқали «ҳижобли террористлар», деган сифат ёпиштирилди. Бу масалада мусулмонлар нима қилишни билолмай айри йўлда қолдилар: гумонланган қизларга ҳужум қилганларни қоралаш керакми ёки гумонланган қизларними! Бу ерда муҳими, одатда шундай ҳодисалар ортидан келиб чиқадиган салбий асоратлардир. Биз Ҳизб ут-Таҳрир-Кения аъзолари фурсатдан фойдаланиб, қуйидаги нуқталарни ёритишни лозим деб топдик:

Биринчидан: Терроризмга қарши кураш қонуни чиқарилганидан буён, полиция ўлдириш амалиётларига муккасидан кетди. Бундай амалиётлар адлия доирасидан ташқарида, кўп ҳолларда иш устида чуқур тергов-суриштирув олиб бормасдан ёки маҳкама буйруғисиз содир этилмоқда. Кўпинча полиция шубҳаланган шахслар хонадонига бостириб киришда ва уларга ўқ отар қуроллар ташлаб қўйишда айбланмоқда. Биз бунга ўхшаш иш қайта такрорланмаслиги керак, дея қаттиқ огоҳлантирамиз, акс ҳолда, Кенияда яшовчи мусулмонлар яна репрессия остида қоладилар, шундоқ ҳам уларни репрессия қилиш полиция учун одатий оддий ҳолга айланиб қолди. Чунки мусулмонлар ўзини ҳам, динини ҳам ҳимоя қилолмай қолишдан қўрқадиган бўлиб қолдилар.

Иккинчидан: Ахборот воситалари асосан битта иборани, «қизлар «буйбуй» кийган ҳижобли террористлар бўлган, «буйбуй» мусулмон аёллар таналарини ёпиш учун киядиган либос», деган сўзни тинмай гапиришди. Бу эса ахборот воситалари ҳукуматнинг Исломга қарши курашида ишончли ҳамкорига айланганини яна бир бор тасдиқламоқда. Чунки ахборот воситалари қасддан жамоатчиликда мусулмонларга қарши фикр пайдо қилишга, уларни хавфсизлик учун катта таҳдид қилиб тасвирлашга ҳаракат қилмоқда. Бироқ аслида, Ислом ҳар қандай туйғусиз кимсалар қўл урадиган зулм ва қон тўкишларга қарши турувчи мабдадир.

Учинчидан: Кўплаб зўравонлик амалиётларига, терроризмга қарши кураш, деган манфур сохта қонунларга қўшимча, Ғарб давлатлари олиб бораётган ёмон ташқи сиёсат сабаб бўлмоқда! Ислом бошқа давлатларга табиий бойликларини ўмариш ва уларни мустамлака қилиш ниятида уруш қилишни ҳаром қилган. Чунки бу ўша юртлар хавфсизлигини бузилишига олиб келади. Шу нарса аниқ тушунарли бўлмоғи лозимки, давлатлар бугун террористик амалиётдан юрт аҳлини алдашда фойдаланиш учун ўзаро тил бириктираётган эканлар, ўз ички реал бахтсизликлари ва капитализм сабаб бўлган офатлар қаердан келиб чиқаётганидан шу давлатларнинг ўзлари ғафлатда қолишяпти. Ахир, хавфсизликнинг издан чиқишига, коррупция, суиқасдлар, тарафкашликлар ва бошқа ғайриинсоний қилмишларнинг авж олишига сабаб капиталистик система эканини ким билмайди, дейсиз?!

Тўртинчидан: Бугун АҚШ етакчилигида давлатлараро тил бириктирув борлигини, бу тил бириктирувдан мақсад, терроризм, экстремизм ва ақидапарастликларга қарши кураш ниқоби остида ҳар қандай восита билан бўлса ҳам Исломга қарши уруш қилиш эканини яхши билмоқ лозим. Ваҳоланки, Ислом мукаммал яшаш йўли бўлиб, бу йўл ҳаётнинг сиёсий, иқтисодий, ижтимоий… каби ҳамма соҳаларида инсонларни азизу мукаррам ҳаёт кечиришларига албатта олиб боради. Демак, АҚШнинг ўз системасига альтернатив бўлган Исломга қарши нега бунчалар қутурган ҳолда урушлар олиб бораётганини, бу урушга ҳамма воситаларни сафарбар қилаётганини тушунса бўлади. Чунки у ўз системасининг вайрон бўлиб, ўрнига Ислом системаси келишидан хавфсирамоқда. Мусулмонлар ўзгаришнинг ягона самарали йўлини тушунмоқлари керак, у ҳам бўлса, бизга Набийимиз Муҳаммад САВ белгилаб берган йўлдир: Ул зот САВ жоҳилиятда турли золимона ваҳший амалиётларга дуч келсалар ҳам, то Мадинаи Мунавварада илк Ислом давлати барпо этмагунларича моддий куч ва зўравонликни ҳаргиз қўлламадилар.

Шаъбон Муаллим

Ҳизб ут-Таҳрирнинг

Кениядаги матбуот бўлими вакили

Телефон: +254 737 606 667 – +254 717 606 667

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">abuhusna84@yahoo.com